蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
中老铁路歌曲大赛专题_fororder_专题banner760250

ທ່ານ​ສີ​ຈິ້ນ​ຜິງ​ສົ່ງ​​ຄວາມ​ເຖິງ​ປະ​ທາ​ນາ​ທິ​ບໍ​ດີ​ກາ​ຊັກ​ສະ​ຖານ

2022-01-08 15:12:43 CRI

ວັນ​ທີ 7 ມັງ​ກອນ​ນີ້, ທ່ານ​ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ສົ່ງ​​ຄວາມ​ເຖິງ​​ທ່ານ​ກາ​ຊິມ ໂຈ​ມາດ ໂຕ​ກາ​ເຢັ​ຟ ປະ​ທາ​ນາ​ທິ​ບໍ​ດີ​ກາ​ຊັກ​ສະ​ຖານ.

ທ່ານ​ສີ​ຈິ້ນ​ຜິງ​ກ່າວ​ວ່າ: ຫວ່າງມໍ່ໆ​ມາ​ນີ້, ກາ​ຊັກ​ສະ​ຖານ​ໄດ້​ເກີດ​ເຫດ​ການ​ຈະ​ລາ​ຈົນ​ຢ່າງ​ຂະ​ໜາດ​ໃຫຍ່, ສົ່ງ​ຜົນ​ເຮັດ​ໃຫ້​​ມີ​ຜູ້​ເສຍ​ຊີ​ວິດ​ແລະ​ບາດ​ເຈັບ​​ເປັນ​ຈຳ​ນວນຫຼາຍ ພ້ອມ​ທັງ​​ມີຄວາມ​ເສຍ​ຫາຍ​ດ້ານ​ຊັ​ບ​ສິນ​ຢ່າງ​ໜັກ​ໜ່ວງ. ຂ້າ​ພະ​ເຈົ້າ​ຂໍ​ສະ​ແດງ​ຄວາມ​ເຫັນ​ໃຈ​ຢ່າງ​ສຸດ​ເຊິ້ງ​ຕໍ່​ທ່ານ. ທ່ານ​ໄດ້​ໃຊ້​ມາດ​ຕະ​ການ​ທີ່​ເຂັ້ມ​ແຂງ​ຢ່າງ​ເດັດ​ຂາດ​ໃນ​ໄລ​ຍະ​ສຳ​ຄັນ​ເປັນ​ຂໍ​ກະ​ແຈ ແລະ ສາ​ມາດ​ຄວບ​ຄຸມ​ສະ​ຖາ​ນະ​ການ​ໄວ້​ຢ່າງວ່ອງ​ໄວ ເຊິ່ງ​ໄດ້​ສ່ອງ​ແສງ​ໃຫ້​ເຫັນ​ເຖິງ​ນ້ຳ​ໃຈ​ຮັບ​ຜິດ​ຊອບ​ຂອງ​ນັກ​ການ​ເມືອງ ແລະ ຫຼັກ​ໝັ້ນ​ທີ່​​ມີ​ຄວາມຮັບ​ຜິດ​ຊອບ​ຢ່າງ​ສູງ​ຕໍ່​ປະ​ເທດ​ຊາ​ດ ແລະ ປະ​ຊາ​ຊົນ.

ທ່ານ​ສີ​ຈິ້ນ​ຜິງ​ກ່າວ​ເນັ້ນ​ວ່າ: ຈີນ​ເດັດ​ດ່ຽວ​ຄັດ​ຄ້ານ​ອິດ​ທິ​ກຳ​ລັງ​ໃດໆ​ທຳ​ລາຍ​ສະ​ຖຽນ​ລະ​ພາບ​ຂອງ​ກາ​ຊັກ​ສະ​ຖານ ແລະ ເປັນ​ໄພ​ຂົ່ມ​ຂູ່​ຕໍ່​ຄວາມ​ໝັ້ນ​ຄົງ​ຂອງ​ກາ​ຊັກ​ສະ​ຖານ, ເດັດ​ດ່ຽວ​ຄັດ​ຄ້ານ​ອິດ​ທິ​ກຳ​ລັງ​ໃດໆ​ທຳ​ລາຍ​ຊີ​ວິດ​ອັນ​ສະ​ຫງົບ​ຂອງ​ປະ​ຊາ​ຊົນ​ກາ​ຊັກ​ສະ​ຖານ, ເດັດ​ດ່ຽວ​ຄັດ​ຄ້ານ​ອິດ​ທິ​ກຳ​ລັງ​ພາຍນອກ​ຕັ້ງ​ແກ້ງ​ສ້າງ​ຄວາມ​ປັ່ນ​ປ່ວນ ແລະ “ກໍ່​ການ​ປະ​ຕິ​ວັດ​ມີ​ສີ" ​ຢູ່​ກາ​ຊັກ​ສະ​ຖານ, ເດັດ​ດ່ຽວ​ຄັດ​ຄ້ານ​ເຈດ​ຕະ​ນາ​ໃດໆ​ທີ່​ຢາກ​ທຳ​ລາຍ​ສາຍ​ພົວ​ພັນ​ມິດ​ຕະ​ພາບ​ຈີນ-ກາ​ຊັກ​ສະ​ຖານ ແລະ ລົບ​ກວນ​ການ​ຮ່ວມ​ມື​ລະ​ຫວ່າງ​ສອງ​ປະ​ເທດ. ໃນ​ຖາ​ນະ​ເປັນ​ປະ​ເທດ​ບ້ານ​ໃກ້​ເຮືອນ​ຄຽງຖານ​ອ້າຍ​ນ້ອງ​ກັນ ແລະ ​ເປັນຄູ່​ຮ່ວມ​ຍຸດ​ທະ​ສາດ​ຮອບ​ດ້ານ​ຖາ​ວອນຂອງ​ກາ​ຊັກ​ສະ​ຖານ, ຈີນ​ຍິນ​ດີ​ໃຫ້​ການ​ສະ​ໜັບ​ສະ​ໜູນ​ທີ່​ຈຳ​ເປັນ​ແກ່​ກາ​ຊັກ​ສະ​ຖານ​ຈົນ​ສຸດ​ຄວາມ​ສາ​ມາດ​ ເພື່ອ​ຊ່ວຍ​ກາ​ຊັກ​ສະ​ຖານ​ຜ່ານ​ຜ່າ​ຄວາມ​ຫຍຸ້ງ​ຍາກ. ບໍ່​ວ່າ​ຈະ​ປະ​ສົບ​ຄວາມ​ສ່ຽງ​ແລະ​ສິ່ງ​ທ້າ​ທາຍ​ໃດໆ, ຈີນ​ລ້ວນ​ແຕ່​ເປັນ​ເພື່ອນ​ມິດ​ທີ່​ໄວ້​ໃຈ​ໄດ້ ແລະ ​ເປັນ​ຄູ່​ຮ່ວມ​ມືທີ່​ອີງ​ອາ​ໄສ​ໄດ້​ຂອງ​ກາ​ຊັກ​ສະ​ຖານ, ປະ​ຊາ​ຊົນ​ຈີນ​ຈະ​ຢືນຢູ່​ຄຽງ​ຂ້າງ​ປະ​ຊາ​ຊົນ​ກາ​ຊັກ​ສະ​ຖານ​ຕະຫຼອດໄປ.

ຄຳ​ເຫັນ

0