蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ແລະ​ອາ​ເມ​ຣິ​ກາ​ໄດ້​ພົບ​ປະ​ກັນຢູ່​ນະ​ຄອນ​ທ່ຽນ​ສິນ​ຈີນ

2021-07-26 14:29:07 CRI

ວັນ​ທີ 26 ກໍ​ລະ​ກົດ​ນີ້, ທ່ານ​ເຊ້ຍ​ເຟີງ ຮອງລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ ແລະ ທ່ານ​ເວນ​ດີ ເຊີ​ແມນ ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອາ​ເມ​ຣິ​ກາ​ໄດ້​ພົບ​ປະ​ກັນ​ຢູ່​ນະ​ຄອນ​ທ່ຽນ​ສິນ​ປະ​ເທດ​ຈີນ.

ທ່ານ​ເຊ້ຍ​ເຟີງ​ກ່າວ​ວ່າ: ການ​ພົວ​ພັນ​ຈີນ​ແລະ​ອາ​ເມ​ຣິ​ກາ​ໄດ້​ຕົກ​ເຂົ້າ​​ສູ່​ສະ​ພາບ​​ອຶງ​ຕຶງ, ສາຍ​ເຫດ​ຕົ້ນ​ຕໍ​ແມ່ນ​ຍ້ອນ​ຊາວ​ອາ​ເມ​ຣິ​ກາ​ຈຳ​ນວນ​ໜຶ່ງ​ໄດ້​ຖື​ເອົາ​ຈີນ​ເປັນ “ສັດ​ຕູ​​ຕາມ​ຈິດ​ສຳ​ນຶກ”, ​ໃສ່​ຮ້າຍ​ປ້າຍ​ສີ​ຈີນ, ​ເພື່ອ​ຖິ້ມ​ຄວາມ​ຮັບ​ຜິດ​ຊອບ​ໃຫ້​ຈີນ​ກ່ຽວ​ກັບ​ການ​ເກີດຄວາມ​ຂັດ​ແຍ້ງ​ໃນ​ດ້ານ​ເລິກ​ທີ່​ເປັນ​ລັກ​ສະ​ນະ​ໂຄງ​ປະ​ກອບ​ພາຍ​ໃນ​ປະ​ເທດອາ​ເມ​ຣິ​ກາ​. ​ວິ​ທີ “ແຂ່​ງ​ຂັນ​ກັນ, ຮ່ວມ​ມື​ກັນ ແລະ ເປັນ​ປໍ​ລະ​ປັກ​ກັນ” ຂອງ​ອາ​ເມ​ຣິ​ກາ​ກໍ​ແມ່ນ “ສາກ​ບັງ​ໜ້າ” ຂອງ​ອາ​ເມ​ຣິ​ກາ​ໃນ​ການ​ກົດ​​ດັນ​ຈີນ. ອາ​ເມ​ຣິ​ກາ​ໄດ້​ປະ​ຖິ້ມ​ກົດ​ໝາຍ​ສາ​ກົນ ແລະ ລະ​ບຽບ​ການ​ສາ​ກົນ ທີ່​ໄດ້​ຮັບ​ການ​ສະ​ໜັບ​ສະ​ໜູນ​ຈາກ​ປະ​ຊາ​ຄົມ​ໂລກ​ຢ່າງກວ້າງ​ຂວາງ, ໄດ້​ສ້າງອັນ​ທີ່​ເອີ້ນ​ວ່າ “ລະ​ບຽບ​ການ​ສາ​ກົນ ບົ​ນ​ພື້ນ​ຖານ​ກະ​ຕິ​ກາ” ​ແຕ່​ຝ່າຍ​ດຽວ, ກໍ​​ເພື່ອ​ຢາກ​ປະ​ຕິ​ບັດ “ກົດ​ເກນ​ທຳ​ມະ​ຊາດ” ທີ່​ສັດ​ໃຫຍ່​ກືນ​ກິນ​ສັດ​ນ້ອຍ. ອາ​ເມ​ຣິ​ກາ​ຄວນ​ປ່ຽນ​ແປງ​ວິ​ທີຫຼື​ທ່າ​ທີຂອງ​ຕົນ​ໃນ​ການ​ປະ​ຕິ​ບັດ​ການ​ຕ່າງໆ, ພະ​ຍາ​ຍາມ​ຮ່ວມ​ກັນ​ກັບ​ຝ່າຍ​ຈີນ, ເຄົາ​ລົບ​ເຊິ່ງ​ກັນ​ແລະ​ກັນ, ແຂ່ງ​ຂັນ​ກັນ​ຢ່າງ​ຍຸດ​ຕິ​ທຳ ແລະ ຢູ່​ຮ່ວມ​ກັນ​ໂດຍ​ສັນ​ຕິ. ການ​ພົວ​ພັນ​ຈີນ-ອາ​ເມ​ຣິ​ກາ​ທີ່​ໝັ້ນ​ຄົງ​ແລະ​ປອດ​ໃສ ບໍ່​ພຽງ​ແຕ່​ສອດ​ຄ່ອງ​ກັບ​ຜົນ​ປະ​ໂຫຍດ​ຂອງ​ສອງ​ຝ່າຍ​ເທົ່າ​ນັ້ນ, ​ທັງ​ແມ່ນ​ຄວາມ​ປາ​ຖະ​ໜາ​ຮ່ວມ​ຂອງ​ປະ​ຊາ​ຄົມ​ໂລກ​ເຊັ່ນ​ກັນ.

ຄຳ​ເຫັນ

0