蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ຈີນ​ຕົກ​ລົງ​ຂວ້ຳ​ບາດ​ບຸກ​ຄະ​ລາ​ກອນ ແລະ ອົງ​ກອນ​ທັງ 7 ຂອງ​ອາ​ເມ​ຣິ​ກາ

2021-07-25 15:35:39 CRI

ຫວ່າງ​ມໍ່ໆ​ມາ​ນີ້, ກະ​ຊວງ​ການ​ຕ່າງ​ປະ​ເທດ, ກະ​ຊວງ​ການ​ເງິນ, ກະ​ຊວງ​ການ​ຄ້າ ແລະ ກະ​ຊວງ​ຄວາມ​ໝັ້ນ​ຄົງ​ທາງ​ດິນ​ແດນ​ແຫ່ງ​ຊາດ​ອາ​ເມ​ຣິ​ກາ​ໄດ້​ເຜີຍ​ແຜ່​ອັນ​ທີ່​ເອີ້ນ​ວ່າ: “ຄຳ​ແຈ້ງ​ເຕືອນ​ທາງ​ການ​ຄ້າ​ຮົງ​ກົງ. ຫ້ອງ​ການ​ຄວບ​ຄຸມ​ຊັບ​ສົມ​ບັດ​ຕ່າງ​ປະ​ເທດ​ກະ​ຊວງ​ການ​ເງິນ​ອາ​ເມ​ຣິ​ກາ​ໄດ້​ຈັດ​ເອົາ​ຮອງ​ຫົວ​ໜ້າ 7 ທ່ານ​ຂອງ​ຫ້ອງ​ການ​ພົວ​ພັນ​ຂອງ​ລັດ​ຖະ​ບານ​ຈີນ​ປະ​ຈຳ​ເຂດ​ບໍ​ລິ​ຫານ​ພິ​ເສດ​ຮົງ​ກົງ​ ເຂົ້າ​ໃນ “ບັນ​ຊີ​ລາຍ​ຊື່​ພົນ​ລະ​ເມືອງ​ທີ່​ບົ່ງ​ບອກ​ເປັນ​ພິ​ເສດ” ເພື່ອ​ດຳ​ເນີນ​ການ​ຂວ້ຳ​ບາດ​ທາງ​ການ​ທະ​ນາ​ຄານ.

ໃນ​ກອງ​ປະ​ຊຸມ​ຖະ​ແຫຼງ​ຂ່າວ​ທີ່​ຈັດ​ຂຶ້ນ​ໃນ​ວັນ​ທີ 23 ກໍ​ລະ​ກົດ​ນີ້, ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າວ​ວ່າ: ຈີນ​ຕົກ​ລົງ​ຂວ້ຳ​ບາດ​ບຸກ​ຄະ​ລາ​ກອນ ແລະ ອົງ​ກອນ​ທັງ 7 ຂອງ​ອາ​ເມ​ຣິ​ກາ ເພື່ອ​ປົກ​ປ້ອງ​ສິດ​ການ​ພັດ​ທະ​ນາ ແລະ ຄວາມ​ຄົງ​ທາງ​ອະ​ທິ​ປະ​ໄຕ​ຂອງ​ຕົນ.

ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າວ​ວ່າ: ຮົງ​ກົງ​ເປັນ​ຮົງ​ກົງ​ຂອງ​ຈີນ, ວຽກ​ງານ​ຮົງ​ກົງ​ເປັນ​ວຽກ​ງານ​ພາຍ​ໃນ​ຂອງ​ຈີນ​ລ້ວນໆ, ອາ​ເມ​ຣິ​ກາ​ໄດ້​ປ່າວ​ປະ​ກາດ​ອັນ​ທີ່​ເອີ້ນ​ວ່າ “ຄຳ​ແຈ້ງ​ເຕືອນ​ທາງ​ການ​ຄ້າ​ຮົງ​ກົງ”, ໄດ້​ໃສ່​ຮ້າຍ​ປ້າຍ​ສີ​ສະ​ພາບ​ແວດ​ລ້ອມ​ດຳ​ເນີນ​ທຸ​ລະ​ກິດ​ຂອງ​ຮົງ​ກົງ​ຢ່າງ​ໄຮ້​ເຫດ​ຜົນ, ໄດ້​ຂວ້ຳ​ບາດ​ເຈົ້າ​ໜ້າ​ທີ່ຫຼາຍ​ທ່ານ​ຂອງ​ຈີນ​ທີ່​ປະ​ຈຳ​ການ​ຢູ່​ຮົງ​ກົງ​ຢ່າງ​ຜິດ​ກົດ​ໝາຍ, ການ​ກະ​ທຳ​ທີ່​ກ່ຽວ​ຂ້ອງ​ໄດ້​ລະ​ເມີດ​ກົດ​ໝາຍ​ສາ​ກົນ ແລະ ຫຼັກ​ມາດ​ຕະ​ຖານ​ພື້ນ​ຖານ​ໃນ​ການ​ພົວ​ພັນ​ສາ​ກົນ, ໄດ້​ແຊກ​ແຊງວຽກ​ງານ​ພາຍ​ໃນ​ຂອງ​ຈີນ​ຢ່າງ​ຮ້າຍ​ກາດ. ຈີນ​ໄດ້​ຄັດ​ຄ້ານ​ຕໍ່​ເລື່ອງ​ນີ້​ຢ່າງ​ເດັດ​ດ່ຽວ ແລະ ກ່າວ​ປະ​ນາມ​ຢ່າງ​ຮຸນ​ແຮງ​ຕໍ່​ເລື່ອງ​ນີ້.

ຄຳ​ເຫັນ

0