郑林

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ຂະ​ໜາດ​ການ​ຕະ​ຫຼາດ​ຂອງ​ຂະ​ແໜງ​ການ​ລ້ຽງ​ດູ​ຜູ້​ເຖົ້າ​ຂອງ​ຈີນຈະ​ບັນ​ລຸ 20 ພັນກວ່າ​ຕື້ຢວນ​​ເມື່ອ​ຮອດ​ປີ2030

2021-07-24 15:13:15 cri

ອີງຕາມຕົວເລກຂໍ້ມູນການສຳຫຼວດປະຊາກອນທົ່ວປະເທດຄັ້ງທີ7, ປະຊາກອນຜູ້ມີ ອາຍຸ60ປີແລະຂຶ້ນໄປ​ຂອງ​ຈີນມີ264ລ້ານຄົນ,​​ເຊິ່ງ​ສະ​ແດງ​ໃຫ້​ເຫັນ​ວ່າ​ຈີນມີ​ຜູ້​ເຖົ້າ​ນັບ​ມື້​ນັບ​ຫຼ​າຍ​ຂຶ້ນ. ໃນຂະ​ນ​ະ​ດຽວ​ກັນ,ອຸດ​ສາ​ຫະ​ກຳ​​ໃຫ້ບໍ​ລິ​ການ​ຜູ້​ເຖົ້າ​ນັ້ນ ກໍ່​ພັດ​ທະ​ນາ​ຂຶ້ນ​ຢ່າງ​ຄຶກ​ຄື້ນ. ຕາ​ມ​ຕົວ​ເລກ​ຂໍ້​ມູນ​ຈາກ​ກະ​ຊວງ​ອຸດ​ສາ​ຫະ​ກຳ​ແລະ​ເຕັກ​ໂນ​ໂລ​ຊີ​ຂໍ້​ມູນ​ຂ່າວ​ສານ​ຈີນສະ​ແດງ​ໃຫ້​​ເຫັນວ່າ,ຄາດ​ວ່າ​ຮອ​ດ​ປີ2030 ຂະ​ໜາດ​ການ​ຕະ​ຫຼາດ​ຂອງ​ຂະ​ແໜງ​ການ​ລ້ຽງ​ດູ​ຜູ້​ເຖົ້າ​ຂອງ​ຈີນຈະບັນ​ລຸ​ເຖິງ 20 ພັນກວ່າ​ຕື້ຢວນ. ​ນອກນີ້,​ອີງ​ຕາມ“ຄຳ​ເຫັນ​ຊີ​ນ້ຳ​ເພື່ອ​ຊຸກ​ຍູ້​ການ​ພັດ​ທະ​ນາ​ອຸດ​ສາ​ຫະ​ກຳ​ເຄື່ອງ​ໃຊ້​ສຳ​ລັບ​ຜູ້​ເຖົ້າ”​ທີ່​ກະ​ຊວງ​ອຸດ​ສາ​ຫະ​ກຳ​ແລະ​ເຕັກ​ໂນ​ໂລ​ຊີ​ຂໍ້​ມູນ​ຂ່າວ​ສານ​​ຈີນ ແລະ​ກະ​ຊວງ​ແລະ​ອົງ​ກາ​ນ​ທຽບ​ເທົ່າ​ອື່ນໆ​ຮ່ວມ​ກັນ​ພິ​ມ​ເຜີຍ​ແຜ່ໃນ​ທ້າຍ​ປີ2019,ຍອດ​ມູນ​ຄ່າ​ຂອງ​ອຸ​ດ​ສາ​ຫະ​ກຳ​ເຄື່ອງ​ໃຊ້​ສຳ​ລັບຜູ້​ເຖົ້າ​ຂອງ​ຈີນ​ໃນ​ປີ2025ຈະບັນ​ລຸ​ເຖິງ5ພັນ​ກວ່າ​ຕື້ຢວນ.

​ນັກວິ​​ເຄາະ​ຊີ້​ໃຫ້​ເຫັນ​ວ່າ: ສິນ​ຄ້າ​ປະ​ເພດ​ອະ​ນຸ​ເຄາະ​ທົ່ວ​ໄປ ແລະ​ຜະ​ລິດ​ຕະ​ພັນ​​ການ​ບໍ​ລິ​ການຊີ​ວິດ​ປະ​ຈຳ​ວັນ ຈະ​ເປັນ​ຂົງ​ເຂດ​ໃໝ່​ແຫ່ງ​ການ​ພັດ​ທະ​ນາ“ເ​ສດ​ຖະ​ກິດຜູ້​ເຖົ້າ”,ໃນ​ນັ້ນ ການ​ບໍ​ລິ​ການລ້ຽງ​ດູ​ຜູ້​ເຖົ້າເປັນຂະ​ແໜງ​ການ​ສຳ​ຄັນ​ຕົ້ນ​ຕໍ.ປັດ​ຈຸ​ບັນ,​ຢູ່​ຈີນ ຜູ້​ເຖົ້າຕົ້ນ​ຕໍ​ແມ່ນລ້ຽງ​ດູຢູ່​ເຮືອນ​ຕົນ,ມີ​ພຽງ​ຈຳ​ນວນ​ໜ້ອຍ ​ດຳ​ລົງ​ຊີ​ວິດ​ໂດຍອ​າ​ໄສການ​ຊ່ວຍ​ເຫຼືອ​ຈາກ​ເຂດ​ຊຸມ​ຊົນ ຫຼື ດຳ​ລົງ​ຊີ​ວິດ​ຢູ່​ເຮືອນ​ພັກ​ຄົນ​ຊະ​ລາ. ໂດຍ​ປະ​ເຊີນ​ກັບ​ສະ​ພາບ​ການ​ແບບນີ້, “​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ແຫ່ງ​ຊາດ5ປີ​ຄັ້ງ​ທີ14 ແລະ​ໂຄງ​ການເປົ້າ​ໝາຍ​ໄລ​ຍະ​ໄກເມື່ອ​ຮອດ​ປີ2035”ໄດ້​ຊີ້​ໃຫ້​ເຫັນ​ຢ່າງ​ຈະ​ແຈ້ງ​ວ່າ: ການ​​ປັບ​ປຸງ​ລະ​ບົບ​ການ​ບໍ​ລິ​ການຜູ້​ເຖົ້າຂັ້ນ​ພື້ນ​ຖານ​ໃຫ້​ສົມ​ບູນ,ອອ​ກ​ແຮງ​ພັດ​ທະ​ນາ​ການ​ບໍ​ລິ​ການ​ລ້ຽງ​ດູ​ຜູ້​ເຖົ້າ​ອະ​ນຸ​ເຄາະ​ທົ່ວ​ໄປ,ສະ​ໜັບ​ສະ​ໜູ​ນ​ການລ້ຽງ​ດູ​ຜູ້​ເຖົ້າ​ໃນ​​ຄອບ​​ຄົວ​ເອງ, ສ້າງ​ລະ​ບົບ​ບໍ​ລິ​ການລ້ຽງ​ດູ​ຜູ້​ເຖົ້າ​ທີ່​ໃຫ້​ຄອບ​ຄົວ​ແລະ​ເຂດ​ຊຸມ​ຊົນ​ປະ​ສານ​ງານ​ກັນ,ແລະການປະ​ສົມ​ປະ​ສານກັນ​ລະ​ຫວ່າງ​ການປິ່ນ​ປົວ-ການ​ຮັກ​ສາ​ສຸ​ຂະ​ພາບ​ໃນ​ການ​ລ້ຽງ​ດູ​ຜູ້​ເຖົ້າ​.

ຄຳ​ເຫັນ

0