郑林

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ຈີນກ່າວວ່າ: ແຜນການຄົ້ນ​ຫາແຫຼ່ງກຳເນີດ​ຂອງ​ເຊື້​ອ​ພະ​ຍາດ​ໂຄວິດ-19 ໄລຍະ2ຂອງ WHO ຖືກການ​ເມືອງລົບກວນຢ່າງໜັກໜ່ວງ

2021-07-24 17:04:08 cri

ວັນທີ23ກໍລະກົດນີ້ ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຊີ້ໃຫ້ ເຫັນໃນກອງປະຊຸມ​ຖະ​ແຫຼງຂ່າວວ່າ: ແຜນການເຮັດວຽກ​ໃນ​ການ​ຄົ້ນ​ຫາແຫຼ່ງກຳເນີດ​ຂອງ​ເຊື້​ອ​ພະ​ຍາດ​ໂຄວິດ-19ໄລຍະ2ທີ່​ກອງເລຂາອົງການອະນາໄມໂລກ ຫຼື WHO ແຈ້ງຕໍ່ປະເທດສະມາຊິກນັ້ນໄດ້ຖືກການເມືອງລົບກວນຢ່າງໜັກໜ່ວງ, ແລະ​ກາຍເປັນ ເອກະສານສະບັບໜຶ່ງທີ່ໄດ້ປະຖິ້ມຫຼັກການວິທະຍາສາດພາວະວິໄສ ແລະຂາດຈິດ ໃຈຮ່ວມມື.

ໃນເວລາຕອບຄຳຖາມຂອງນັກຂ່າວກ່ຽວກັບແຜນການດັ່ງກ່າວ ທ່ານຈ້າວລີ້ຈ່ຽນກ່າວ ວ່າ: ໃນກອງປະຊຸມແຈ້ງສະພາບການຕໍ່ປະເທດສະມາຊິກWHOໃນວັນທີ16ກໍລະກົດ ຜ່ານມາ,ຈີນແລະປະເທດຈຳ​ນວນ​ບໍ່​ໜ້ອຍໄດ້ສະແດງຫຼັກໝັ້ນພື້ນຖານຂອງຕົນຢ່າງ ຈະແຈ້ງທີ່​ມີຕໍ່ແຜນການ​ເຮັດວຽກ​ໃນ​ການ​ຄົ້ນ​ຫາແຫຼ່ງກຳເນີດ​ຂອງ​ເຊື້​ອ​ພະ​ຍາດ​ໂຄວິດ-19ໄລຍະ2 ທີ່ສະເໜີໂດຍກອງເລຂາ​ຂອງWHO.

ທ່ານຈ້າວລີ້ຈ່ຽນກ່າວ​ຕື່ມວ່າ: ແຜນການດັ່ງກ່າວບໍ່ສອດຄ່ອງກັບມະຕິຂອງກອງປະ ຊຸມໃຫຍ່ອົງການອະນາໄມໂລກຄັ້ງທີ73, ແລະກໍ່ບໍ່ສອດຄ່ອງກັບຂໍ້ສະຫຼຸບແລະຂໍ້ສະເໜີ ຂອງບົດລາຍງານ​ການຄົ້ນຄວ້າຮ່ວມຈີນແລະWHOເພື່ອ​ຄົ້​ນ​ຫາ​ແ​ຫຼ່ງ​ກຳ​ເນີດ​ຂອງ​ເຊື້ອ​ພະ​ຍາດໂຄວິດ-19. ຕົວຢ່າງວ່າບົດລາຍງານດັ່ງກ່າວໄດ້ຂໍ້ສະຫຼຸບທີ່ຈະແຈ້ງວ່າ“ຫ້ອງທົດ ລອງມີກໍລະນີຮົ່ວອອກນັ້ນແມ່ນຄວາມເປັນໄປບໍ່ໄດ້ແທ້ໆ”,ວົງການວິທະຍາສາດຂອງສາກົນກໍ່ມີຄວາມຮັບຮູ້ທີ່ເປັນເອກະສັນກັນຢ່າງກວ້າງຂວາງຕໍ່​ຂໍ້​ສະ​ຫຼຸບ​ດັ່ງ​ກ່າວ. ແຕ່ແຜນ ການເຮັດວຽກດັ່ງກ່າວຍັງຖືຄວາມທີ່ວ່າ“ຈີນລະເມີດລະບຽບການຂອງ ຫ້ອງທົດລອງຈຶ່ງເຮັດໃຫ້ເກີດມີການຮັ່ວອອກ”ນັ້ນເປັນຈຸດສຳ​ຄັນຂອງການຄົ້ນຄວ້າ,ຫາກ ໄດ້ຕັ້ງ​ໃຈເບິ່ງຂ້າມທິດ​ທາງຄົ້ນຄວ້າທີ່ສຳຄັນ​ຕ່າງໆ ເຊັ່ນ: ຜູ້ມີອາການ​ຕິດ​ເຊື້ອ​ພະ​ຍາດ​ໂຄວິດ-19ໃນ​ໄລ​ຍະ​ຕົ້ນໃນທົ່ວໂລກ,ລະ​ບົບ​ຂົນ​ສົ່ງ​ອາ​ຫານ​ແຊ່​ເຢັນ​ເປັນ​ຊ່ອງ​ທາງເຜີຍ ແຜ່ເຊື້ອໄວລັດ ແລະອື່ນໆ. ນີ້ເຮັດໃຫ້ຄົນຕ້ອງ​ນຶກເຖິງວ່າ ແຜນການ​ເຮັດວຽກສະບັບ ດັ່ງກ່າວ ແມ່ນເພື່ອຕອບສະໜອງກັບຖ້ອຍຄວາມ​ຂອງປະເທດ ສ່ວນໜ້ອຍ​ທີ່​ສຸດ ເຊັ່ນ ອາເມຣິກາທີ່​ວ່າ “ແມ່ນ​ຮົ່ວ​ອອກ​ຈາກ​ຫ້ອງ​ທົດ​ລອງ”. ບວກກັບການ​ຂາດ​ຄວາມ​ໂປ່ງ​ໃສ​ໃນຂະບວນການຮ່າງແຜນການ ຈຶ່ງເຮັດໃຫ້ຄົນຕ້ອງສົງໄສວ່າ ແຜນການເຮັດວຽກ ສະບັບດັ່ງກ່າວ ແມ່ນ​ກຳ​ເນີດ​ຂຶ້ນ​ໂດຍ​ມີ​ຈຸດ​ປະ​ສົງທາງດ້ານການເມືອງ.

ຄຳ​ເຫັນ

0