郑林

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ກະ​ຊວງ​ການ​ເງິນ​ຈີນກ່າວ​ວ່າ: ລາຍ​ຮັບການ​ເ​ງິນ​ເພີ່ມ​ຂຶ້ນ​ຕາມ​ຄາດ​ໝາຍ

2021-07-21 17:32:13 cri

ວັນ​ທີ20ກໍ​ລະ​ກົດ​ນີ້ ກະ​ຊວງ​ການ​ເງິນ​ຈີນ​ໄດ້​ປະ​ກາດ​ຕົວ​ເລກ​ຂໍ້​ມູນ​ລາຍ​ຮັບ​ລາຍ​ຈ່າຍ​ດ້ານ​ການ​ເງິນ​ທົ່ວ​ປະ​ເທດ​ໃນ​6ເດືອນ​ຕົ້ນ​ປີນີ້​ໂດຍ​ສະ​ແດງ​ໃຫ້​ເຫັນ​ວ່າ: ໃນ​ໄລ​ຍະ​ເດືອນ​ມັງ​ກອນ​ຫາມິ​ຖຸ​ນາ​ທີ່​ຜ່ານ​ມາ,ລາຍ​ຮັບ​​ເຂົ້າງົບ​ປ​ະ​ມານທົ່ວ​ໄປ​ຂອງ​ຈີນ​ບັນ​ລຸ 11.711,6 ຕື້ຢວນ,​ເມື່ອທຽບໃສ່ໄລ​ຍະ​ດຽວ​ກັນ​ໄດ້ເພີ່ມ​ຂຶ້ນ21,8%. ໃນ​ດ້ານ​ລາຍ​ຈ່າຍ​ໃນ6ເດືອນ​ຕົ້ນ​ປີ​ນີ້,ລາຍ​ຈ່າຍ​ຕາມ​ແຜນ​ງົບ​ປ​ະມານ​ທົ່ວ​ໄປແມ່ນ12.167,6ຕື້ຢວນ, ​ເມື່ອທຽບ​ໃສ່​ໄລ​ຍະ​ດຽວ​ກັນ​ໄດ້ເພີ່ມ​ຂຶ້ນ 4,5%.

ສຳ​ລັບ​ລາຍ​ຮັບ​ລາຍ​ຈ່າຍໃນ6ເດືອນ​ທ້າຍ​ປີນີ້,ທ່ານ​ລີວ​ຈິ່ນ​ຢູນ ຫົວ​ໜ້າ​ສູນ​ການ​ຈ່າຍ​​ຄັງ​ເງິນ​ແຫ່ງ​ຊາດ​ຂອງ​ກະ​ຊວງ​ການ​ເງິນ​ຈີນ​ໄດ້​ກ່າວ​ວ່າ: ສະ​ພາບ​ພະ​ຍາດ​ໂຄວິດ- 19ໃນ​ທົ່ວ​ໂລກ​ຍັງ​ຂ້ຽວ​ຂາດ​ຢູ່,ເສດ​ຖະ​ກິດ​ພາຍ​ໃນ​ປະ​ເທດໄດ້​ຟື້ນ​ຄືນ​ແຕ່​ກໍ່​ບໍ່​ກ້ຳ​ເກິ່ງ​ກັນ,ມີ​ບາງ​ພື້​ນຖານ​ທີ່​ບໍ່​ໝັ້ນ​ຄົງ. ຄາດ​ວ່າ ລະ​ດັບ​​ການເພີ່ມລາຍ​ຮັບ​ໃນ​​ທົ່ວ​ປະ​ເທດຈີນໃນ6ເດືອນ​ທ້າຍ​ປີນີ້ ຈະ​​ບໍ່​ຫຼາຍກວ່າ​ຕົວ​ເລກຂໍ້​ມູນ​ຂອງ​6ເດືອນຕົ້ນປີນີ້. ແຕ່​ຍ້ອນ​ວ່າ ​ການ​ເກັບລາຍ​ຮັບ​ໃນ6ເດືອນ​​ຕົ້ນ​ປີນີ້​ໄດ້​ສຳ​ເລັດໄວກວ່າ​ຄາດ​ໝາຍ,ສະ​ນັ້ນ​ຈຶ່ງຄາດ​ວ່າ ​ຈະສາ​ມາດ​ບັນ​ລຸ​ເປົ້າ​ໝາຍການ​ເກັບ​ລາຍ​ຮັບ​ງົບ​ປະ​ມານ​ໝົດ​ປີນີ້​ໄດ້ຢ່າງ​ສະ​ດວກ.

ຄຳ​ເຫັນ

0