徐毅然

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ທ່ານ​ສີ​ຈິ້ນ​ຜີງ​ໃຫ້​ທິດ​ຊີ້​ນຳທີ່​ສຳ​ຄັນ​ຕໍ່​ວຽກ​ງານ​ການປ້ອງ​ກັນ​ໄພ​ນ້ຳ​ຖ້ວມ

2021-07-21 14:47:35 cri

ຕາມ​ຂ່າວCRI:ທ່ານ​ສີ​ຈິ້ນ​ຜີງ, ເລ​ຂາ​ທິ​ການ​ໃຫຍ່ຄະ​ນະ​ກຳ​ມະ​ການ​ສູນ​ກາງ​ພັກ, ປະ​ທານ​ປະ​ເທດ, ປະ​ທານ​ຄະ​ນະ​ກຳ​ມະ​ການ​ການ​ທະ​ຫານ​​ສູນ​ກາງຈີນ​ໄດ້​ໃຫ້​ທິດ​ຊີ້​ນຳ​ທີ່​ສຳ​ຄັນ​ຕໍ່​ວຽກ​ງານ​​ຕ້ານ​ແລະ​ກູ້​ໄພນ້ຳ​ຖ້ວມ.

 

ທ່ານ​ສີ​ຈິ້ນ​ຜີງ​ໄດ້​ຊີ້​ອອກວ່າ: ຫວ່າງ​ມໍ່ໆ​ມາ​ນີ້, ແຂວງ​ເຮີ​ນານ​ແລະ​ແຫ່ງ​ຕ່າງ​ຂອງ​​ປະ​ເທດຈີນ​ໄດ້​ປະ​ສົ​ບກັບ​ຝົນ​ຕົກ​ໜັກ, ຢູ່​ນະ​ຄອນ​ເຈີ້ງ​ໂຈ່ວ​ແລະ​ຕົວ​ເມືອງ​ອື່ນໆ​​ເກີດມີ​ໄພ​ນ້ຳ​ຖ້ວມ​​ໃນ​ຕົວ​ເມືອງ​ຢ່າງ​ໜັກ​ໜ່ວງ, ເຊິ່ງ​ເຮັດ​ໃຫ້​ມີ​ຜູ້​ເສຍ​ຊີ​ວິດ​​ບາດ​ເຈັບ​ແລະ​ຊັບ​ສິນ​ໄດ້​ຮັບ​ຄວາມ​ເສຍ​ຫາຍ​ຢ່າງ​ຫຼວງ​ຫຼາຍ, ສະ​ພາບ​ການ​ຕ້ານ​ໄພ​ນ້ຳ​ຖ້ວມ​ດຳ​ເນີນ​ໄປ​ຢ່າງຂ້ຽວ​ຂາດ​ທີ່​ສຸດ.

 

ທ່ານ​ສີ​ຈິ້ນ​ຜີງ​ກ່າວ​ເນັ້ນ​ໜັກວ່າ, ປັດ​ຈຸ​ບັນ​ນີ້​ໄດ້​ເຂົ້າ​ສູ່​ໄລ​ຍະ​ທີ່​ສຳ​ຄັນ​ໃນ​ການ​ຕ້ານໄພ​ນ້ຳ​ຖ້ວມ, ​ພະ​ນັກ​ງານ​ການ​ນຳ​ທຸກ​ຂັ້ນຕ້ອງ​ຖື​ເອົາການ​ຮັບ​ປະ​ກັນ​ຄວາມ​ປອດ​ໄພ​ດ້ານ​ຊີ​ວິດ​​ແລະ​ຊັບ​ສິນ​ຂອງ​ປະ​ຊາ​ຊົນ​ເປັນ​ອັນ​ດັບ​ທີ 1 ຢ່າງ​ສະ​ເໝີ​ຕົ້ນ​ສະ​ເໝີ​ປາຍ, ຈັດ​ຕັ້ງທຸກກຳ​ລັງ​ເຂົ້າ​ໃນ​ການ​ຕ້ານແລະ​​ກູ້​ໄພ​ໂດຍ​ດ່ວນ, ​ຍົກ​ຍ້າຍ​ຜູ້​ປະ​ສົບ​ໄພ​ໄປ​ໄວ້​ສະ​ຖານ​ທີ່​ປອດ​ໄພ​ຢ່າງ​ເໝາະ​ສົມ, ​ຫຼຸດ​ຄວາມ​ເສຍ​ຫາຍ​ດ້ານ​ຊີ​ວິດ​ການບາດ​ເຈັບ​ແລະ​ຄວາມ​ເສຍ​ຫາຍ​ດ້າ​ນ​ຊັບ​ສິນ​ໃຫ້ໜ້ອຍ​ລົງທີ່​ສຸດ. ກອງ​ທັບ​ປົດ​ປ່ອຍ​ແລະ​ກອງ​​ຕຳ​ຫຼວດ​ປະ​ກອບ​ອາ​ວຸດ​ຕ້ອງ​ຕັ້ງ​ໜ້າ​ປະ​ສານ​ສົມ​ທົບກັບ​ອົງ​ການ​ປົກ​ຄອງ​ທ້ອງ​ຖິ່ນ​ເພື່ອ​ດຳ​ເນີນ​ວຽກ​ງານ​ການ​ຕ້ານ​ໄພ​ນ້ຳ​ຖ້ວມ​ແລະ​ການ​ກູ້​ໄພ. ​ສູນ​ບັນ​ຊາ​ການ​ຕ້ານ​ແລ້ງ​ຕ້ານຖ້ວມ​​ແຫ່ງ​ຊາດ, ກະ​ຊວງ​​ຄຸ້ມ​ຄອງ​ສະ​ພາບສຸກ​ເສີນ, ກະ​ຊວ​ງ​ຊົນ​ລະ​ປະ​ທານແລະ​ກະ​ຊວງ​ຄົມ​ມະ​ນາ​ຄົມ​ຕ້ອງ​ເພີ່ມ​ທະ​ວີ​ການ​ຈັດ​ສັນແລະ​ປະ​ສານ​ສົມ​ທົບ​ກັນ, ເພີ່ມ​ທະ​ວີ​ການ​ກວດ​ກາ​ຄວາມ​ສ່ຽງ​ທີ່​ແຝງຊ້ອນ, ເພີ່ມ​ທະ​ວີ​ການ​ປ້ອງ​ກັນ​ຄວາມ​ປອດ​ໄພ​​ພື້ນ​ຖານ​ໂຄງ​ລ່າງ​ທີ່​ສໍາຄັນ, ຍົກ​ສູງ​ລະ​ດັບ​​ການ​ເຕືອນ​ໄພ, ເພີ່ມ​ທະ​ວີ​ການແກ້​ໄຂ​ສະ​ພາບ​ຕິດ​ຂັດ​ດ້ານ​ຄົມ​ມະ​ນາ​ຄົມ, ນຳ​ໃຊ້​ມາດ​ຕະ​ການ​ຕ້ານ​ໄພ​ນ້ຳ​ຖ້ວມ​ແລະ​ການ​ກູ້​ໄພຕ່າງໆ​ຢ່າງ​ລະ​ອຽດ​ແລະເໝາະ​ສົມ​ຕາມ​ຄວາມ​ຈິງ.

 

ທ່ານ​ສີ​ຈິ້ນ​ຜີງ​ໄດ້​ຮຽກ​ຮ້ອງວ່າ: ໃນ​ເວ​ລາ​ທີ່ພາກ​ສ່ວນທີ່​ກ່ຽວ​ຂ້ອງ​ຢູ່​ແຫ່ງ​ຕ່າງໆ​ຕ້ອງ​ເຮັດ​ວຽກ​​ງານ​ຕ້ານ​ໄພ​ນ້ຳ​ຖ້ວມ​ແລະ​ການ​ກູ້​ໄພ​ໃຫ້​ດີນັ້ນ, ​ຕ້ອງ​ຟື້ນ​ຟູ​​ການ​ຜະ​ລິດ​ແລະ​ຊີ​ວິດ​ການ​ເປັນ​ຢູ່ຂອງ​ປະ​ຊາ​ຊົນ​ໃຫ້​ເປັນ​ປົກ​ກະ​ຕິ​ໂດຍ​ໄວ, ເຮັດ​ວຽກ​ງານ​ການ​ຊ່ວຍ​ເຫຼືອກອບ​ກູ້ຜູ້​ປະ​ສົບ​ໄພ​ແລະ​ການ​ປ້ອງ​ກັນ​ພະ​ຍາດ​ປະ​ຊາ​ຊົນ​ຢ່າງ​ຈິງ​ຈັງ.

ຄຳ​ເຫັນ

0