吴怡杏

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ລາຍ​ຮັບທີ່ສາມາດໃຊ້ຈ່າຍໄດ້ຂອງ​ຊາວ​ຊົນ​ນະ​ບົດ​ຈີນໃນ 6 ເດືອນ​​ຕົ້ນ​ປີ​ນີ້​ມີ​ເຖິງ 9248 ຢວນ

2021-07-20 14:48:31 cri

    ວັນ​ທີ 20 ກໍ​ລະ​ກົດ​ນີ້, ກະ​ຊວງ​ວຽກ​ງານ​ກະ​ສິ​ກຳ ແລະຊົນ​ນະ​ບົດ​ຈີນ​ໄດ້​ຈັດ​ກອງ​ປະ​ຊຸມ​ຖະ​ແຫລງ​ຂ່າວ​ກ່ຽວ​ກັບ​ສະ​ພາບ​ການ​ເຄື່ອນ​ໄຫວ​​ດ້ານເສດ​ຖະ​ກິດ​ກະ​ສິ​ກຳ ແລະ​ຊົນ​ນະ​ບົດ​ຈີນ​ໃນ 6 ເດືອນ​ຕົ້ນ​ປີ​ນີ້.

    ທ່ານ​ເຈີ່ງ​ເຢັນ​ເຕີ ຫົວ​ໜ້າ​ກົມ​ການ​ພັດ​ທະ​ນາ ແລະ​ແຜນ​ກ​ານ​ກະ​ຊວງ​ວຽກ​ງານ​ກະ​ສິ​ກຳ ແລະ​ຊົນ​ນະ​ບົດ​ຈີນ​ໄດ້​ແນະ​ນຳ​ໃຫ້​ຮູ້​ໃນ​ກອງ​ປະ​ຊຸມ​ວ່າ: ກະ​ຊວງ​ວຽກ​ງານ​ກະ​ສິ​ກຳ ແລະ​ຊົນ​ນະ​ບົດ​ໄດ້​ເນັ້ນ​ໃສ່​ການຜະ​ລິດ​ຢ່າງ​ໝັ້ນ​ທ່ຽງ ແລະ​ຮັບ​ປະ​​ກັນການ​ຕອບ​ສະ​ໜອງ, ​ທັງ​ເນັ້ນ​​ໃສ່ການ​ປະ​ກອບ​ອາ​ຊີບ ແລະ​ການ​ເພີ່ມ​​ລາຍ​ຮັບໄປ​​ພ້ອມ​ໆກັນ, ນຳ​ໃຊ້​ຫລາຍ​ມາດ​ຕະ​ການ​ເພື່ອ​ຊຸກ​ຍູ້​ຊາວ​ກະ​ສິ​ກອນ​​ໃຫ້​ມີ​ລາຍ​ຮັບ​ເພີ່ມ​ຂຶ້ນ. ລາຍ​ຮັບທີ່ສາມາດໃຊ້ຈ່າຍໄດ້ຂອງ​​ຊາວ​ຊົນ​ນະ​ບົດ​ຈີນໃນ 6 ເດືອນ​​ຕົ້ນ​ປີ​ນີ້​ມີ​ເຖິງ 9248 ຢວນ, ​ເມື່ອ​ຫັກ​ປັດ​ໄຈ​ລາ​ຄາ​ແລ້ວ, ຈັງ​ຫວະ​ການ​ເຕີບ​ໂຕ​ຕົວ​ຈິງແມ່ນ 14,1%, ເຊິ່ງ​ສູງກວ່າ​ຈັງ​ຫວະ​ການ​ເຕີບ​ໂຕ​​ດ້ານ​ລາຍ​ຮັບຂອງ​ຊາວເມືອງ​3,4%. ພ້ອມ​ດຽວ​ກັນ​ນີ້, ຂະ​ແໜງ​ກາ​ນ​ທີ່​ມີ​ເອ​ກະ​ລັກ​ພິ​ເສດ​ໃນ​ເຂດ​ທີ່​ໄດ້ລຶບ​ລ້າງ​ຄວາ​ມ​ທຸກ​ຍາກ​​ແລ້ວໄດ້​ພັດ​ທະ​ນາ​ຢ່າງ​ໝັ້ນ​ທ່ຽງ, ​ການ​ປະ​ກອບ​ອາ​ຊີບ​ຂອງຜູ້​ອອກ​ແຮງ​ງານ​ທີ່​​ພົ້ນ​ອອກ​ຈາກຄວາມ​ທຸກ​ຍາກ​ໄດ້​ແລ້ວ​ມີ​ທ່ວງ​ທ່າ​ທີ່​ດີ, ໂດຍ​ໄດ້​ຊຸກ​ຍູ້​ໃຫ້​ປະ​ຊາ​ຊົນ​​ທີ່​ພົ້ນ​ອອກ​ຈາກ​ຄວາມ​ທຸກ​ຍາກ​​​ໄດ້​ແລ້ວຈຳ​ນວນຫລາຍກວ່າ30,6ລ້ານ​ຄົນໄປ​ປະ​ກອບ​ອາ​ຊີບ​ຢູ່​ໃນ​ຕົວ​ເມືອງ, ຈັງ​ຫວະ​ການ​ເຕີບ​ໂຕ​ດ້ານ​ລາຍ​ຮັບ​ຂອງ​ຜູ້​ທີ່​ພົ້ນ​ອອກ​ຈາກຄວາມ​ທຸກ​ຍາກ​ໄດ້​ແລ້ວ​ແມ່ນ​ສືບ​ຕໍ່​ສູງກວ່າ​ລະ​ດັບ​ສະ​ເລ່ຍ​ຂອງ​ຊາວ​ຊົນ​ນະ​ບົດ​ໃນ​ທົ່ວ​ປະ​ເທດ​ຈີນ.

ຄຳ​ເຫັນ

0