吴宁

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ໜ່ວຍ​ງານຈາກ​ຫຼາຍ​ພາກ​ສ່ວນ​ຂອງ​ຈີນ​ພວມ​​ປະ​ສານງານ​ກັບ​ປາ​ກີ​ສະ​ຖານ​ຢ່າງ​ໃກ້​ຊິດ​ໃນ​ເຫດ​ການ​ລະ​ເບີດ​ລົດ​ບັ​ສ​ຂອງ​ຈີນ

2021-07-20 11:29:28 CRI

    ໃນ​ກອງ​ປະ​ຊຸມ​ຂ່າວ​ທີ່​ຈັດ​ຂຶ້ນ​ໃນວັນ​ທີ 19 ກໍ​ລະ​ກົດ​ນີ້, ທ່ານ​ຈ້​າວ​ລີ້​ຈ່ຽນ ໂຄ​ສົກ​ກະ​ຊວງ​ການ​ຕ່າງ​ປະ​ເທດ​​ຈີນ​ໄດ້​ແຈ້ງ​ກ່ຽວ​ກັບຄວາມ​ຄືບ​ໜ້າ​ຂອງ​ເຫດ​ການ​ລະ​ເບີດ​ລົດ​ບັ​ສ​ຂອງ​ຈີນ​ຢູ່​ປາ​ກີ​ສະ​ຖານ. ທ່ານ​ກ່າວ​ວ່າ, ຈີນ​ຈະ​ສືບ​ຕໍ່​ສະ​ໜັບ​ສະ​ໜູນ​ປາ​ກີ​ສະ​ຖານ​​ສຸມ​ຄວາມ​ພະ​ຍາ​ຍາມ​ເພື່ອ​ຕ້ານ​ການ​ກໍ່​ການ​ຮ້າຍຢ່າງ​ເດັດ​ດ່ຽວ, ຮັບ​ປະ​ກັນ​ຄວາມ​ປອດ​ໄພ​ຂອງ​ບຸກ​ຄົນ ແລະ ​ໜ່ວຍ​ງານຂອງ​ຈີນ​ຢູ່​ປາ​ກີ​ສະ​ຖານ​ຢ່າງ​ແທ້​ຈິງ.


     ວັນ​ທີ 14 ກໍ​ລະ​ກົດ​ນີ້, ລົດ​ບັ​ສ​​ຂອງ​ຈີນສຳ​ລັບ​ໂຄງ​ການ​ເຂື່ອນໄຟ​ຟ້າ​ນ້ຳ​ຕົກ​ຊູ​ດາແຂວງ​​ຄາຍ​ເປີ​ໃນປາ​ກີ​ສະ​ຖານ​ໄດ້​​ເກີດ​ການລະ​ເບີດ, ເຮັດ​ໃຫ້​ຄົນ​ຈີນ ແລະ ຄົນ​ປາ​ກີ​ສະ​ຖານ​ຫຼາຍ​ຄົນ​ເສ​ຍ​ຊີ​ວິດ ແລະ ບາດ​ເຈັບ, ປັດ​ຈຸ​ບັນ ຍັງ​ບໍ່​ມີ​​ຝາຍ​ໃດ ຫຼື ບຸກ​ຄົນ​ໃດ​ອອກ​ມາ​ປະ​ກາດ​ເປັນ​ຜູ້​ກໍ່​ເຫດ​ການ​ເທື່ອ​ນີ້. ​ນັກ​ວິ​ເຄາະ​ເຫັນ​ວ່າ, ເຫດ​ການ​ເທື່ອ​ນີ້​ອາ​ດ​ຈະ​​ແມ່ນ​ກຸູ່ມ​ຕາ​ລີ​ບານ​ເປັນ​ຜູ້​ກໍ່​ຂຶ້ນ.


    ​ກ່ຽວ​ກັບ​ເລື່ອງ​ນີ້, ທ່ານ​ຈ້າວ​ລີ້​ຈ່ຽນ​ກ່າວ​ວ່າ, ປັດ​ຈຸ​ບັນ, ໜ່ວຍ​ງານ​​ຂອງ​ຈີນ​ຈາກ​ຫຼາຍພາກ​ສ່ວນ​ພວມ​ປະ​ສານ​ງານກັບ​ປາ​ກີ​ສະ​ຖານ​ຢ່າງ​ໃກ້​ຊິດ, ເຊື່ອ​ວ່າ​ສອງ​ປະ​ເທດ​ຈະ​ສາ​ມາດ​ຊອກ​ຫາ​ຄວາ​ມ​ຈິງ ແລະ ລົງ​ໂທດ​ຜູ້​ກໍ່​ການ​ຮ້າຍ. ກຸ່ມ​ຕາ​ລີ​ບານ​ຢູ່​ປາ​ກີ​ສະ​ຖານແມ່ນ​ກຸ່ມ​ລັດ​ຖະ​ບານ​ປາ​ກີ​ສະ​ຖານ ແລະ ປະ​ຊາ​ຄົມ​ໂລກ​ຢືນ​ຢັນ​ວ່າ​ເປັນ​ກຸ່ມ​ກໍ່​ການ​ຮ້າຍ, ລັດ​ທິ​ການ​ກໍ່​ການ​ຮ້າຍ​ແມ່ນ​​ສັດ​ຕູຮ່ວມ​ຂອງ​ມະ​ນຸດ. ຈີນ​ຍິນ​ດີ​ເພິ່ມ​ທະ​ວີ​ການ​ຮ່ວມ​ມື​ກັບ​ປະ​ຊາ​ຄົມ​ໂລກ​ເພື່ອ​ຕ້າ​ນ​ການ​ກໍ່​ການ​ຮ້າຍ​ປົກ​ປັກຮັກ​ສາ​ສັນ​ຕິ​ພາບ ແລະ ຄວາມ​ໝັ້ນ​ຄົງ​ຂອງ​ໂລກ.

ຄຳ​ເຫັນ

0