吴宁

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ຈີນ​ຮຽກ​ຮ້ອງ​ໃຫ້​ອາ​ເມ​ຣິ​ກາ​ຍົກ​ເລີກ​ການ​ປິດ​ລ້ອມ​ທີ່​ມີ​ຕໍ່​ກູ​ບາຢ່າງ​ຮອບ​ດ້ານ​ໃນ​ທັນ​ທີ

2021-07-20 11:21:26 CRI

   ໃນ​ກອງ​ປະ​ຊຸມ​ຂ່າວ​ທີ່​ຈັດ​ຂຶ້ນ​ໃນ​ວັນ​ທີ 19 ກໍ​ລະ​ກົດ​ນີ້, ທ່ານ​ຈ້າວ​ລີ້​ຈ່ຽນ ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ​ກ່າວ​ວ່າ: ຈີນ​ຮຽກ​ຮ້ອງ​ໃຫ້​ອາ​ເມ​ຣິ​ກາ​ຍົກ​ເລີກ​ການ​ປິດ​ລ້ອມ​ທີ່​ມີ​ຕໍ່​ກູ​ບາຢ່າງ​ຮອບ​ດ້ານ​ໃນ​ທັນ​ທີ, ຫວັງ​ວ່າ​ ອາ​ເມ​ຣິ​ກາ​ຈະ​ປັບ​ປຸງ​ສາຍ​ພົວ​ພັນ​ກັບ​ກູ​ບາ​ໂດຍ​ອີງ​ຕາມ​ຈຸດ​ປະ​ສົງ ແລະ ຫຼັກ​ການ​ຂອງ “ກົດ​ບັດ​ສະ​ຫະ​ປະ​ຊາ​ຊາດ” ​ກໍ​ຄື​ມາດ​ຖານ​ພື້ນ​ຖານ​ຂອງ​ການ​ພົວ​ພັນ​​ສາ​ກົນ ເຊິ່ງ​ສອດ​ຄ່ອງ​ກັບ​ຜົນ​ປະ​ໂຫຍດ​ຮ່ວມ​ຂອງ​ປະ​ຊາ​ຊົນ​ສອງ​ປະ​ເທດ​ອາ​ເມ​ຣິ​ກາ ແລະ ກູ​​ບາ, ​ທັງ​ມີ​ຜົນ​ດີ​ຕໍ່​ສັນ​ຕິ​ພາບ ແລະ ສະ​ຖຽນ​ລະ​ພາບ​ຂອງ​ທະ​ວີບ​ອາ​ເມ​ຣິ​ກາ.


    ຂ່າວ​ແຈ້ງວ່າ, ວັນ​ທີ 17 ກໍ​ລະ​ກົດ​ນີ້, ລັດ​ຖະ​ບານ​ກູ​ບາ​ໄດ້​ຈັດ​ງານ​ໂຮມ​ຊຸມ​ນຸມ​ຂະ​ໜາດ​ໃຫຍ່ຢູ່​ນະ​ຄອນ​ຫຼ​ວງ​ລາ​ຣາ​ວານ ເພື່ອ​ປົກ​ປັກ​ຮັກ​ສາ​​ໝາກ​ຜົນ​ຂອງ​ການ​ປະ​ຕິ​ວັດ ແລະ ປົກ​ປັກ​ຮັກ​ສາ​ສັງ​ຄົມ​ນິ​ຍົມ, ທ່ານ​ດີ​ອາ​ສ ກາ​ເນວ ເລ​ຂາ​ທີ​ໜຶ່ງ​ຂອງ​ຄະ​ນະ​ບໍ​ລິ​ຫານ​ງານສູນ​ກາງ​ພັກ​ກອມ​ມູ​ນິດ​ກູ​​ບາ ປະ​ທານ​ປະ​ເທດ​ກູ​ບາ​ໄດ້​ກ່າວ​ຄຳ​ປາ​ໄສ​ສຳ​ຄັນ ໂດຍ​ຮຽກ​ຮ້ອ​ງ​ໃຫ້​ປະ​ຊາ​ຊົນ​ທັງ​ຫຼາຍຈົ່ງ​ສາ​ມັກ​ຄີ​ກັນ​ເພື່ອ​ຕໍ່​ຕ້ານ​ການ​ແຊກ​ແຊງ​ທີ່​ມາ​ຈາກ​ຕ່າງ​ປະ​ເທດ ແລະ ກ່າວ​ປະ​ນາມ​ອາ​ເມ​ຣິ​ກາ​ທີ່​ໄດ້​ປະ​ຕິ​ບັດ​ການ​ປິດ​ລ້ອມ​ກູ​ບາ.

 

     ທ່ານ​ຈ້າວ​ລີ້​ຈ່ຽນ​ກ່າວ​ວ່າ, ອີງ​ຕາມ​ຕົວ​ເລກ​ສະ​ຖິ​ຕິ​ຂອງ​ກູ​ບາ, ໃນ​ໄລ​ຍະ 60 ປີ​ທີ່​ຜ່ານ​ມາ, ການ​ອັດ​ຕັນ​ຂອງ​ອາ​ເມ​ຣິ​ກາ​ໄດ້​ເຮັດ​ໃຫ້​ກູ​ປາ​ເສຍ​ຫາຍຫຼາຍກວ່າ 144,1 ຕື້​ໂດ​ລາ​. ຫວ່າງ​ມໍ່ໆ​ມາ​ນີ້, ສະ​ມັດ​ຊາ​ໃຫຍ່​ອົງ​ການ​ສະ​ຫະ​ປະ​ຊາ​ຊາດ​ໄດ້​ຜ່ານ​ມະ​ຕິ​ໂດຍ​ຮຽກ​ຮ້ອງ​ໃຫ້ “ອາ​ເມ​ຣິ​ກາ​ຕ້ອງ​ຍົກ​ເລີກ​ການ​ປິດ​ລ້ອມ​ດ້ານ​ເສດ​ຖະ​ກິດ, ການ​ຄ້າ ແລະ ການ​ເງິນທີ່​ມີ​ຕໍ່​ກູ​ບາ” ​ດ້ວຍ​ຄະ​ແນນ​ສຽງ​ຢ່າງຖ້ວມ​ທົ້ນ, ນີ້​ສະ​ແດງ​ໃຫ້​ເຫັນ​ເຖິງ​ຄວາມ​ຮຽກ​ຮ້ອງ​ຂອງ​ປະ​ຊາ​ຊົມ​ໂລກ.

ຄຳ​ເຫັນ

0