郑林

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ທູດ​ຂອງ​ຫຼາຍ​ປະ​ເທດ​ປະ​ຈຳ​ຢູ່​ອັ​ຟ​ກາ​ນີ​ສະ​ຖານ​ຮຽກ​ຮ້ອງ​ໃຫ້ກຸ່ມ​ຕາ​ລີ​ບັນ​ຢຸດ​ການ​ບຸກ​ໂຈມ​ຕີທາງ​ການ​ທະ​ຫານ

2021-07-20 17:39:52 cri

ສະ​ຖານ​ທູດ​ຂອງ​ຫຼາຍ​ປະ​ເທດ​ເຊັ່ນ:​​ອາ​ເມ​ຣິ​ກາ ຝ​ລັ່ງ ເຢຍ​ລະ​ມັນ ອັງ​ກິດ ຍີ່​ປຸ່ນ​ແລະ​ສ.ເກົາ​ຫຼີ​ເປັນ​ຕົ້ນທີ່​ປະ​ຈຳ​ຢູ່​ອັ​ຟ​ກາ​ນີ​ສະ​ຖານ ພ້ອມ​ກັບ​ຄະ​ນະ​ຜູ້​ຕາງ​ໜາ​ຖາ​ວອນຂອງ​ສະ​ຫະ​ພາບ​ເອີ​ລົ​ບ​ປະ​ຈຳ​ອັ​ຟ​ກາ​ນີ​ສະ​ຖານ ຫ້ອງ​ການ​ຜູ້​ແທນຊັ້​ນ​ສູງ​ຂອງ​ກຸ່ມ​ນາ​ໂຕ​ປະ​ຈຳ​ອັ​ຟ​ກາ​ນີ​ສະ​ຖານ​ໄດ້​ອອກ​ຖະ​ແຫຼງ​ການ​ຮ່ວມ​ໃນ​ວັນ​ທີ18ກໍ​ລະ​ກົດ​ນີ້,​ໂດຍຮຽກ​ຮ້ອງ​​ໃຫ້ກຸ່ມ​ຕາ​ລີ​ບັນ​ຢຸດ​ການ​ບຸກ​ໂຈມ​ຕີທາງ​ການ​ທະ​ຫານ​ໃນ​ທັນ​ທີ.

ຖະ​ແຫຼງ​ການ​ກ່າວ​ວ່າ: ການ​ເຄື່ອນ​ໄຫວ​ດ້ວຍອາ​ວຸດ​ຂອງ​ກຸ່ມ​ຕາ​ລີ​ບັນ​ໄດ້​ສ​ະ​ກັດ​ກັ້ນ​ຂະ​ບວນ​ການ​ສັນ​​ຕິ​ພາບຢູ່ອັ​ຟ​ກາ​ນີ​ສະ​ຖານ,ໄດ້​ສ້າງ​ຜົນ​ຮ້າຍໃຫ້​ແກ່​ສາ​ມັນ​ຊົນ​ຈຳ​ນວນ​ຫຼວງ​ຫຼາຍໂດຍ​ເຮັດ​ໃຫ້​ເຂົາ​ເຈົ້າຂ​າດ​ທີ່​ເພິ່ງ​ພາ​ອາ​ໄສ. ຖະ​ແຫຼງ​ການ​ຍັງ​ໄດ້​ກ່າວ​ປະ​ນາມ​ການ​ລອ​ບ​ສັງ​ຫານ ການ​ທຳ​ລາຍ​ສິ່ງ​ກໍ່​ສ້າງ​ພື້ນ​ຖານ​ທີ່​​ຈຳ​ເປັນ ແລະ​ອື່ນ​ໆ​ທີ່​ເກີດ​ຂຶ້ນ​ຢູ່​ແຫ່ງ​ຕ່າງໆ​ຂອງ​ອັ​ຟ​ກາ​ນີ​ສະ​ຖານ ພ້ອມ​ກັບ​ການ​ລະ​ເມີດ​ສິດ​ທິ​ມະ​ນຸດ​ປະ​ເພດ​ຕ່າງໆ​ອີກ​ດ້ວຍ.

ຖະ​ແຫຼງ​ການ​ຮຽກ​ຮ້ອງ​ໃຫ້​ກຸ່ມ​ຕາ​ລີ​ບັນ​ແລະ​ຝ່າຍ​ອື່ນໆ​ຈົ່ງ​ຢຸດ​ການ​ເຄື່ອນ​ໄຫວ​ດ້ວຍ​ຄວາມ​ຮຸນ​ແຮງ​ທັງ​ໝົດ​ໃນ​ທັນ​ທີ, ​ຢຸດ​ຍິງຢ່າງ​ຖາ​ວອນ​ແລະ​ຮອບ​ດ້ານ, ສົນ​ທະ​ນາ​ກັນ​ໂດຍ​ສັນ​ຕິ​ເພື່ອເຮັດ​ໃຫ້ຄວາມ​ເຈັບ​ປວດ​ຂອງ​ປະ​ຊາ​ຊົນ​ອັ​ຟ​ກາ​ນີ​ສະ​ຖານ​ສິ້ນ​ສຸດ​ລົງ,​ເພື່ອ​ເປັນ​ການປູ​ທາງ​ໃຫ້​ແກ່ແຜນ​ການ​ແກ້​ໄຂ​ບັນ​ຫາ​ໃນ​ທາງ​ການ​ເມືອງ​ແບບ​ກວມ​ລວມ,ແລະ​ຮັບ​ປະ​ກັນ​ວ່າ​ບໍ່​ໃຫ້​ອັ​ຟກາ​ນີ​ສະ​ຖານ​ກາຍ​ເປັນ​ແດນ​ສະ​ຫວັນ​ຂອງ​ພວກ​ກໍ່​ການ​ຮ້າຍ​ອີກ.

ຄຳ​ເຫັນ

0