吴怡杏

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
建党百年专题_fororder_建党百年专题Banner木

ຈີນ ແລະ​ເອ​ຢິບ​ໄດ້​ຕົກ​ລົງ​ຈະ​ຊ່ວຍ​ເຫລືອວັກ​ຊີນ​ໂຄວິດ-19ໃຫ້​ແກ່​ປະ​ຊາ​ຊົນ​ປາ​ແລັ​ສ​ຕີນ​ໃນ​ເຂດ​ກາ​ຊາ

2021-07-19 15:12:28 cri

ຈີນ ແລະ​ເອ​ຢິບ​ໄດ້​ຕົກ​ລົງ​ຈະ​ຊ່ວຍ​ເຫລືອວັກ​ຊີນ​ໂຄວິດ-19ໃຫ້​ແກ່​ປະ​ຊາ​ຊົນ​ປາ​ແລັ​ສ​ຕີນ​ໃນ​ເຂດ​ກາ​ຊາ_fororder_waizhang1

   ວັນ​ທີ 18 ກໍ​ລະ​ກົດ​ນີ້​ຕາມ​ເວ​ລາ​ທ້ອງ​ຖິ່ນ, ທ່ານ​ວາງ​​ຢີ້ ທີ່​ປຶກ​ສາ​ແຫ່ງ​ລັດ​ທັງ​ເປັນລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ ແລະ​ທ່ານ ຊາ​ເມນ ຮາ​ຊານ ຊຸກ​ລີ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ເອ​ຢິບໄດ້​ພົບ​ປະ​ເຈ​ລາ​ຈາກັນ​ຢູ່​ນະ​ຄອນ​ອາ​​ລາ​ມີນ​ປະ​ເທດ​ເອ​ຢິບ.

   ສອງ​ຝ່າຍ​ໃຫ້​ຄວາມ​ສົນ​ໃຈ​ຢ່າງ​ສູງ​ຕໍ່​ສະ​ຖາ​ນະ​ການ​ພາຍ​ຫລັງ​ການ​ປະ​ທະ​ກັນ​ລະ​ຫວ່າງ​​ປາ​ແລັ​ສ​ຕີນ​ ແລະ​ອິ​ສ​ລາ​ແອນ​ທີ່​ເກີດ​ຂຶ້ນ​ໃນ​ຫວ່າງ​ມໍ່ໆ​ມາ​ນີ້, ໂດຍ​ເຫັນ​ວ່າ​ໃນ​ຂະ​ນະ​ທີ່​ສືບ​ຕໍ່​ພະ​ຍາ​ຍາມ​ຊຸກ​ຍູ້​ໃຫ້​ບັນ​ຫາ​ຂອງ​​ປາ​ແລັ​ສ​ຕີນ​ໄດ້​ຮັບ​ການ​ແກ້​ໄຂ​ຢ່າງ​ຍຸ​ຕິ​ທຳ​ນັ້ນ, ​ຍັງ​ຄວນ​ເອົາ​ໃຈ​ໃສ່​ສະ​ພາບ​ການ​​ດ້ານມະ​ນຸດ​ສະ​ທຳ​​ສຳ​ລັບ​ປະ​ຊາ​ຊົນ​​ປາ​ແລັ​ສ​ຕີນ​ອີ​ກ​ດ້ວຍ, ໂດຍ​ສະ​ເພາະ​ແມ່ນ​ຄວນ​ນຳ​ໃຊ້​ມາ​ດ​ຕະ​ການ​​ທີ່​ຮອບ​ຄອບເພື່ອ​ຊ່ວຍ​ເຫລືອ​ປະ​ຊ​າ​ຊົນ​​ປາ​ແລັ​ສ​ຕີນ​​ຕ້ານ​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19. ​ດັ່ງ​ນັ້ນ, ຈີນ ແລະ​ເອ​ຢິບ​ໄດ້​ຕົກ​ລົງ​ວ່າ, ​ໂດຍອາ​ໄສ​ໂຮງ​ງານ​ຜະ​ລິດວັກ​ຊີນ​ໂຄວິດ-19ທີ່​ສອງ​ປະ​ເທດ​ຮ່ວມ​ມື​​ກັນສ້າງ​ຕັ້ງ​ຢູ່​ເອ​ຢິບ, ​ສອງ​ຝ່າຍ​ຈະຮ່ວມ​ກັນ​ຊ່ວຍ​ເຫລືອ​ວັກ​ຊີນໂຄວິດ-19 ຈຳ​ນວນ 5 ແສນ​ຫລອດ​ໃຫ້​ແກ່ປະ​ຊາ​ຊົນ​ປາ​ແລັ​ສ​ຕີນ​ໃນ​ເຂດ​ກາ​ຊາ, ເພື່ອ​ຕອບ​ສະ​ໜອງ​ຄວາມ​ຮຽກ​ຮ້ອງ​ຕ້ອງ​ການ​ອັນ​ຮີບ​ດ່ວນ​ຂອງ​ປະ​ຊາ​ຊົນ​​ໃນ​ເຂດດັ່ງ​ກ່າວ.  ກາ​ນ​ຊ່ວຍ​ເຫລືອ​ຄັ້ງ​ນີ້​ຈະ​ຈັດ​ຕັ້ງ​ປະ​ຕິດ​ບັດ​ໂດຍ​ຜ່ານ​ຝ່າຍ​ປາ​ແລັ​ສ​ຕີນ​.

ຄຳ​ເຫັນ

0