吴宁

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
图片默认标题_fororder_微信图片_20210201150338

ທ່ານ​ພິ​ນິດ ອະ​ດີດ​ນາ​ຍົກ​ໄທ​ກ່າວ​ວ່າ, ຄວາມ​ຂີ້​ຕົວະ​ກ່ຽວ​ກັບເຂດ​ຊິ່ນ​ຈ່ຽງຈີນ​ຂອງ​ຝ່າຍ​ຕາ​ເວັນ​ຕົກ​​ຈະ​ແຕກ​ສະ​ຫຼາຍ​ໄປ​ເອງ​ໂດຍ​ບໍ່​ຕ້ອງ​ເຮັດ​ຫຍັງ

2021-02-17 14:37:59 CRI

  ຫວ່າງ​ມໍ່ໆ​ນີ້, ທ່ານ​ພິ​ນິດ ຈາ​ຣຸ​ສົມ​ບັດ ອະ​ດີດ​ນາ​ຍົກ​ລັດ​ຖ​ະ​ມົນ​ຕີ ທັງ​ເປັນ​ປະ​ທານ​ສະ​ມາ​ຄົມ​ວັດ​ທະ​ນະ​ທຳ ແລະ ເສດ​ຖະ​ກິດ​ໄທ-ຈີນ​ກ່າວ​ວ່າ, ໃນ​ບັນ​ຫາ​ເຂດ​ຊິ່ນ​ຈ່ຽງ, ອາ​ເມ​ຣິ​ກາ​ໄດ້​ໃສ່​ຮ້າຍ​ປ້າ​ຍ​ສີ​ຕໍ່​ຈີນ​ດ້ວຍ​ເຈ​ຕະ​ນາ​ຮ້າຍ ແຕ່​ໃນ​ທີ່​ສຸດ ​ຍ່ອມ​ຈະ​ເຮັດ​ໃຫ້​ປະ​ເທດ​ຕົນ​ບາດ​ເຈັບ​ຮ້າຍ​ແຮງກວ່າ​. ເພາະ​ຄວາ​ມ​ຂີ້​ຕົວະ​​ສະ​ຫຼາຍ​ໄປ​ເອງ​ໂດຍ​ບໍ່​ຕ້ອງ​ເຮັດ​ຫຍັງ, ຜູ້​ທຳ​​ຮ້າຍ​ຜູ້​ອື່ນ​ຍ່ອມ​ຈະ​ທຳ​​ຮ້າຍ​ຕົນ​ເອງ​ໃນ​ທີ່​ສຸດ.

 

    ໃນ​ເວ​ລາ​ໃຫ້​ສຳ​ພາດ, ທ່ານ​ພິ​ນິດ​ຊີ້​​ໃຫ້​ເຫັນວ່າ, ໃນເວ​ລາ​ທ່ານໂດ​​ໂນ ທ​ຣຳ​​ອະ​ດີດ​ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ກຳ​ອຳ​ນາດ, ທ່ານ​​ໄດ້ໃສ່​ຮ້າຍ​ປ້າຍ​ສີ​ຕໍ່​ສະ​ພາບ​ສິດ​ທິ​ມະ​ນຸດ​ຢູ່​ເຂດຊິ່ນ​ຈ່ຽງ ແລະ ນະ​ໂຍ​ບາຍ​ປົກ​ຄອງ​ຊິ່ນ​ຈ່ຽງ​ຂອງ​ລັດ​ຖະ​ບານ​ຈີນ, ​ທັງແຊກ​ແຊງວຽກ​ງານ​ພາຍ​ໃນ​ຂອງ​ຈີນ​ຢ່າງ​​ຮ້າຍ​ກາດ. ​ແຕ່ປະ​ເທດ​ອື່ນໆ​ໃນ​ໂລກ​ລ້ວນ​ແຕ່​ເຫັນ​ແຈ້ງ​ເລື່ອງ​ນີ້​ໝົດ.


     ທ່ານ​ພິ​ນິດ​ກ່າວ​​ຕື່ມວ່າ: “ຂ້າ​ພະ​ເຈົ້າ​ເຄີຍ​ໄປ​ຮອດ​ຊິ່ນ​ຈ່ຽງ, ​ໄດ້ສຳ​ຜັດ​ເຖິງ​ຄວາມກະ​ຕື​ລື​ລົ້ນ ແລະ ຄວາມ​ເປັນ​ມິດ​ຂອງ​ປະ​ຊາ​ຊົນ​ຊິ່ນ​ຈ່ຽງ​ໂດຍ​​ຕົນເອງ, ເຂົາ​ເຈົ້າ​ມີ​ຊີ​ວິດ​ການ​ເປັນ​ຢູ່​ທີ່​ດີ​ງາມ ແລະ ຄວາມ​ສຸກ​ອຸ​ດົມ​ສົມ​ບູນ. ຂ້າ​ພະ​ເຈົ້າ​ບໍ່​ໄດ້​ເຫັນ​ປະ​ຊາ​ຊົນ​ຊິ່ນ​ຈ່ຽງ​ຖືກ​ທຳ​ລາຍ​​ແມ່​ແຕ່​ໜ້ອຍ​ດຽວ.”

 

     ທ່ານ​ຍັງກ່າວ​ວ່າ, ຢູ່​ຈີນ, ນອກ​ຈາກ​ເຂດ​ປົກ​ຄອງ​ຕົນ​ເອງ​ເວີຍ​ເກີ​ຊິ່ນ​ຈ່ຽງ, ຊົນ​ເຜົ່າ​ສ່ວນ​​ໜ້ອຍ​ຕ່າງໆ ເຊັ່ນ, ເຜົ່າ​ຕິ​ເບດ ແລະ ເຜົ່າ​ຈ້ວງ​ເປັນ​ຕົ້ນ​​ລ້ວນ​ແຕ່​ໄດ້​ພັດ​ທະ​ນາ​ເປັນ​ຢ່າງ​ດີພາຍ​ໃຕ້​ການ​ນຳ​ພາ​ຂອງ​ລັດ​ຖ​ະ​ບານ​ຈີນ.   

ຄຳ​ເຫັນ

0