徐毅然

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年两会专题_fororder_lianghuibannerxiao

ຈີນ​ເດັດ​ດ່ຽວ​ຄັດ​ຄ້ານ​​ບາງ​ປະ​ເທດ​ທີ່​​ຕິດ​ຕຽນ​​ຈີນ​ໃນ​ບັນ​ຫາ​​ຊິນ​ຈ່ຽງ​ຢ່າງ​ໄຮ້​ເຫດ​ຜົນ

2020-02-27 14:30:34 cri

ຕາມ​ຂ່າວCRI:ວັນ​ທີ 26 ກຸມ​ພາ​ນີ້, ທ່ານ​ເສີ​ນ​ຊູ້, ຜູ້​ຕາງ​ໜ້າ​​ຈີນ​ປະ​ຈຳສຳ​ນັກ​ງານ​ທີ່​​ເຊີ​ແນວ​ຂອງ​​ອົງ​ການ​ສະ​ຫະ​ປະ​ຊາ​ຊາດ​ແລະ​ອົງ​ການ​ຈັດ​ຕັ້ງ​ສາ​ກົນ​ອື່ນໆ​ຂອງ​ສະ​ວິ​ສ​ໄດ້​ປະ​ກອບ​ຄຳ​ເຫັນ​ໃນ​ການ​ອະ​ພິ​ບາຍ​ທົ່ວ​ໄປຂອງກອງ​ປະ​ຊຸມ​ລະ​ດັບ​ສູງ​ຄັ້ງ​ທີ 43 ຂອງ​ສະ​ພາ​ມົນ​ຕີ​ສິດ​ທິ​ມະ​ນຸດ​ອົງ​ການ​ສະ​ຫະ​ປະ​ຊາ​ຊາດໂດຍ​ກ່າວ​ວ່າ, ບາງ​ປະ​ເທດ​ຍ້ອນ​ມີ​ຄວາມ​ເຫັນລຳອຽງ​​ແລະ​ການ​ວິ​ເຄ​າ​ຢ່າງ​ຜິດ​ພາດ​ຕໍ່​ຈີນ, ໄດ້​ຕິ​ຕຽນ​​ຈີນ​ໃນ​ບັນ​ຫາ​​ຊິນ​ຈ່ຽງ​ຢ່າງ​ໄຮ້​ເຫດ​ຜົນ, ຈີນ​ເດັດ​ດ່ຽວ​ຄັດ​ຄ້ານ​, ແລະ​ບໍ່​ຍອມ​ຮັບຢ່າງ​ເດັດ​ຂາດ.

 

ທ່ານ​ເສີນ​ຊູ້​ຊີ້​ອອກວ່າ, ລັດ​ຖະ​ບານ​ຈີນ​ໄດ້​ຕ້ອນ​ຮັບ​​ນັກ​ການ​ທູດ​ຕ່າງ​ປະ​ເທດ, ເຈົ້າ​ໜ໊າ​ທີ່​ອົງ​ການ​ຈັດ​ຕັ້ງ​ສາ​ກົນ, ນັກ​ຂ່າວ​ສື່ມວນ​ຊົນແລະ​ຜູ້​ນຳ​ສາ​ສະ​ໜາ​ຫຼາຍກວ່າ 1000 ຄົນ​ໄປ​ຢ້ຽມ​ຢາມ​ຢູ່​ເຂດ​ປົກ​ຄອງ​ຕົນ​ເອງ​​ອຸຍ​ເກີ​ຊິນ​ຈ່ຽງ. ຄົນ​ທີ່​ເຄີຍ​ໄປ​ເຂດ​ຊິນ​ຈ່ຽງ​ລ້ວນ​ແຕ່​ສະ​ແດງວ່າ, ສິ່ງ​ທີ່​ເຂົາ​ເຈົ້າໄດ້​ເຫັນ​ແລະ​ໄດ້​ຮັບ​ຮູ້​ຢູ່​ເຂດ​ຊິນ​ຈ່ຽງ​​ແຕກ​ຕ່າງ​​ກັບການ​ລາຍ​ງານ​ຂ່າວ​ຂອງ​ສື່ມວນ​ຊົນ​ຂອງ​ປະ​ເທດ​ຝ່າຍ​ຕາ​ເວັນ​ຕົກຢ່າງ​ຫຼວງ​ຫຼາຍ. ຈີນ​ຍິນ​ດີ​ຕ້ອນ​ຮັບໃຫ້​ມີ​ບຸກ​ຄົນ​ຫຼາຍກວ່າ​ເກົ່າ​ໄປ​ຢ້ຽມ​ຢາມ​ຢູ່​ເຂດ​ຊິນ​ຈ່ຽງ, ເພື່ອສຳ​ຜັດ​ຕໍ່​ການ​ພັດ​ທະ​ນາ​ດ້ານ​ເສດ​ຖະ​ກິດ, ສັງ​ຄົມ​ແລະ​ພາ​ລະ​ກິດ​ສິດ​ທິ​ມະ​ນຸດ​ຂອງ​ເຂດ​ຊິນ​ຈ່ຽງ​ດ້ວຍ​ຕົນ​ເອງ. ຈີນຍິນ​ດີ​ຕ້ອນ​ຮັບ​​ທ່ານ​ນາງ​ເວ​ໂຣ​ນີ​ຄາ ບາ​ເຊ​ເລ, ​ເຈົ້າ​ໜ້າ​ທີ່​ຊັ້ນ​ສູງດ້ານ​ສິດ​ທະ​ມະ​ນຸດຂອງ​ອົງ​ການ​ສະ​ຫະ​ປະ​ຊາ​ຊາດ​ເດີນ​ທາງ​ໄປ​ຢ້ຽມ​ຢາມ​ຈີນ​ລວມ​ທັງ​ເຂດ​ຊິນ​ຈ່ຽງໃນ​ປີ​ນີ້, ກຳ​ລັງປະ​ສານ​ສົມ​ທົບ​ຢ່າງ​ໃກ້​ຊິດກັບ​ສຳ​ນັກ​ງານ​ເຈົ້າ​ໜ້າ​ທີ່​ຊັ້ນ​ສູງ​ດ້ານ​ສິດ​ທິ​ມະ​ນຸດ​ກ່ຽວ​ກັບ​ວຽກ​ງານ​ຢ້ຽມ​ຢາມ.

ຄຳ​ເຫັນ

0