莫小玲

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
2020年两会专题_fororder_lianghuibannerxiao

ຈີນ​ວາງ​ຫຼາຍ​ມາດ​ຕະ​ການ​ເພື່ອ​ສ້າງ​ຄວາມ​ໝັ້ນ​ທ່ຽງ​ດ້ານ​ການ​ປະ​ກອບ​ອາ​ຊີບແລະ​ສະ​ໜັບ​ສະ​ໜູນ​ການ​ພັດ​ທະ​ນາ​ຂອງ​ວິ​ສາ​ຫະ​ກິດ​ນ້ອຍ

2020-02-26 11:33:03 CRI

ວັນ​ທີ 25 ກຸມ​ພານີ້, ທ່ານ​ລີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ເປັນ​ປະ​ທານ​ຈັດ​ກອງ​ປະ​ຊຸມ​ປະ​ຈຳ​ຄະ​ນະ​ລັດ​ຖະ​ບານ, ໄດ້​ວາງ​ມາດ​ຕະ​ການ​ລະ​ອຽດ​ເພື່ອ​ສົ່ງ​ເສີມ​ການ​ປະ​ກອບ​ອາ​ຊີບ​ຂອງ​ນັກ​ສຶກ​ສາ​ທີ່​ຮຽນ​ຈົບ​​ຈາກໂຮງ​ຮຽນ​ຊັ້ນ​ສູງ​ແລະ​ຊາວ​ກະ​ສິ​ກອນ​ທີ່​ຊອກວຽກ​ເຮັດ​ງານ​ທຳ​ໃນ​ຕົວ​ເມືອງ, ສົ່ງ​ເສີມ​ອົງ​ການ​ການ​ທະ​ນາ​ຄານ​ສະ​ໜັບ​ສະ​ໜູນ​ການ​ພັດ​ທະ​ນາ​ຂອງວິ​ສາ​ຫະ​ກິດ​​ຂະ​ໜາດກາງ, ​ຂະ​ໜາດນ້ອຍ ແລະ​ເພີ່ມ​ທະ​ວີ​ການ​ສະ​ໜັບ​ສະ​ໜູນ​ຕໍ່​ນັກ​ທຸ​ລະ​ກິດ​ເອ​ກະ​ຊົນ.

ກອງ​ປ​ະ​ຊຸມ​ຊີ້​ອອກວ່າ, ຕ້ອງ​ເພີ່ມ​ຈຳ​ນວນ​ຕຳ​ແໜ່ງ​ໃຫ້ການ​ຮັບ​ຈ້າງ​ໃນ​ຂະ​ແໜງ​ການ​ປິ່ນ​ປົວ​ພື້ນ​ຖານ​ແລະ​ການ​ບໍ​ລິ​ການ​​ທາງສັງ​ຄົມ​ເປັນ​ຕົ້ນ, ເປີດກວ້າງ​ການ​ປະ​ກອບ​ອາ​ຊີບ​ໃຫ້​​ຊາວ​ກະ​ສິ​ກອນ​ຜູ້​ທີ່​ເຂົ້າ​ຢູ່​ໃນ​ຕົວ​ເມືອງ, ເພີ່ມ​​ທະ​ວີ​ໃຫ້​ການ​ອຸດ​ໜູນ​ແກ່​ຕຳ​ແໜ່ງ​ຕ່າງໆ​ແລະ​ການ​ປະ​ກອບ​ອາ​ຊີບ​ໃຫ້​ມີ​ຄວາມ​ໝັ້ນ​ທ່ຽງ​. ກອງ​ປະ​ຊຸມ​ຕົກ​ລົງ​ວ່າ, ສົ່ງ​ເສີມ​ອົງ​ການ​ການ​ທະ​ນາ​ຄານ​ປ່ອຍ​ເງິນ​ກູ້​ໃຫ້​ແກ່​ວິ​ສາ​ຫະ​ກິດ​ຂະ​ໜາດ​ກາງ​ແລະ​​ຂະ​ໜາດນ້ອຍ​ແລະ​ນັກ​ທຸ​ລະ​ກິດ​ເອ​ກະ​ຊົນ​ທີ່​ສອດ​ຄ່ອງ​ກັບ​ເງື່ອນ​ໄຂ ໃຫ້​ນະ​ໂຍ​ບາຍ​ໃນ​ການ​ເລື່ອນ​ເວ​ລາ​ໃຊ້​ແທນ​ເງິນ​ແບບ​ຊົ່ວ​ຄາວ, ແລະ​ຍົກ​ເວັ້ນ​ຄ່າ​ປັບ​ໄໝ​ແລະ​ດອກ​ເບ້ຍ​ຕ່າງໆ. ເພີ່​ມ​ງົບ​ປະ​ມານ​ອີກ 500 ຕື້ຢວນ​​ສຳ​ລັບ​ທະ​ນາ​ຄານ​ກາງ​ແລະ​ນ້ອຍເພື່ອ​ເພີ່​ມ​ທະ​ວີ​ການ​ສະ​ໜັບ​ສະ​ໜູນວິ​ສາ​ຫະ​ກິດ​ຂະ​ໜາດ​ກາງ​ແລະ​ນ້ອຍ. ສົ່ງ​ເສີມ​ທະ​ນາ​ຄານ​ການ​ຄ້າ​ເພີ່​ມ​ການ​ໃຫ້​ເງິນ​ກູ້​ສິນ​ເຊື່ອ​ຕໍ່​ວິ​ສາ​ຫະ​ກິດ​ນ້ອຍ, ພະ​ຍາ​ຍາມຫຼຸດ​ອັດ​ຕາ​ດອກ​ເບ້ຍ​ໃຫ້​ໜ້ອຍ​ລົງ​ກວ່າ​ປີ​ກາຍ.

ຄຳ​ເຫັນ

0