蔡宝峰

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
抗击新型冠状病毒专题_fororder_kanfeiyanbannerxiao

ລົດ​ໄຟ​ຂົນ​ສົ່ງ​ໝາກ​ໄມ້ຈາກ​ຫວຽດ​ນາມເຂົ້າສູ່​ຈີນ​ຂະ​ບວນ​ທຳ​ອິດໄດ້​ຮອດ​ເມືອງ​ພີງ​ຊຽງ​ໂດຍ​ກົງ

2020-02-26 13:37:26 CRI

     ຕາມ​ຂ່າວ CRI: ວັນ​ທີ 25 ກຸມ​ພານີ້, ລົດ​ໄຟ​ຂົນ​ສົ່ງ​ໝາກ​ໄມ້​ຈາກ​ຕ່າງ​ປະ​ເທດເຂົ້າ​ສູ່​ປະ​ເທດ​ຈີນ​ຂະ​ບວນ​ທຳ​ອິດ​ໄດ້​ເດີນ​ທາງ​ອອກ​ຈາກ​ເມືອງ​ໂດງ​ດາງ​​ຫວຽດ​ນາມ​ໄປ​ຮອດ​ເມືອງ​ພີງ​ຊຽງ​ເຂດກວາງ​ຊີຈີນ​ໂດຍ​ກົງ. ການ​ເປີດ​ບໍ​ລິ​ການຂົນ​ສົ່ງ​ຂອງ​ຂະ​ບວນ​ລົດ​ໄຟ​ດັ່ງ​ກ່າວ​ຈະ​ເຮັດ​ໃຫ້​ໝາກ​ໄມ້​ຂອງ​ປະ​ເທດ​ອາ​ຊຽນ​ສາ​ມາດ​ເຂົ້າ​ສູ່​ຕະ​ຫຼາດ​ເຂດ​ໃນ​ຈີນ​ຢ່າງ​ສະ​ດວກກວ່າ​ເກົ່າ.

图片默认标题_fororder_东盟水果班列

     ໝາກ​ມັງ​ກອນ 156 ໂຕນ ທີ່​ບັນ​ທຸກ​ຢູ່​ໃນ​ຕູ້ຄອນ​ເທີ​ເນີ 6 ຕູ້​ທີ່ຮັກ​ສາ​ຄວາມ​ເຢັນ​ໃນຂະ​ບວນ​ລົດ​ໄຟ​ດັ່ງ​ກ່າວໄດ້​ຮັບ​ການກວດ​ກາພະ​ຍາດ​ຢູ່​ສຳ​ນັກ​ງານ​ໃຫຍ່​ດ່ານ​ພາ​ສີ​ຈີນ​ທີ່ສູນ​ຈໍ​ລະ​ຈອນ​ສິນ​ຄ້າດ່ານພີງ​ຊຽງ​ແລ້ວ, ຈະຖືກ​ຂົນ​ສົ່ງ​ໄປ​ຮອດ​ນະ​ຄອນ​ຫຼວງ​ປັກ​ກິ່ງ ນະ​ຄອນ​ເຈິ້ງ​ໂຈ່ ນະ​ຄອນ​ຈູງ​ກິ່ງ ນະ​ຄອນ​ຊີ່​ອ່ານ​ແລະ​ແຫ່ງ​ອື່ນໆຂອງ​ຈີນ​ຢ່າງວ່ອງ​ໄວ.

图片默认标题_fororder_东盟水果班列2

     ຕາມ​ການ​ລາຍ​ງານວ່າ: ເມື່ອໝາກ​ໄມ້​ຂອງ​ປະ​ເທດ​ອາຊຽນ​ຜ່ານ​ດ່ານທາງ​ລົດ​ໄຟເຂົ້າ​ສູ່​ຈີນແລ້ວ, ຍັງ​ສາ​ມາດສົ່ງໄປ​ຮອດ​ຕະ​ຫຼາດ​ອາ​ຊີ​ກາງ​ແລະ​ເອີ​ຣົບ​ໂດຍ​ກົງ​ໄດ້.

     ຕາມ​ຂ່າວ​ແຈ້ງ​ອີກວ່າ: ພາຍ​ຫຼັງສູນ​ຈໍ​ລະ​ຈອນ​ສິນ​ຄ້າ​ດ່ານ​ພີງ​ຊຽງໄດ້​ເປີດ​ບໍ​ລິ​ການ​ຂະ​ບວນ​ລົດ​ໄຟ​ຂົນ​ສົ່ງ​ໝາກ​ໄມ້​ເຂົ້າ​ສູ່​ຈີນ​ໂດຍ​ກົງ​ແລ້ວ, ຈະ​ຂົນ​ສົ່ງ​ໝາກ​ໄມ້​ເຂົ້າ​ສູ່​ຈີນ 2-3 ຂະ​ບວນ​ຕໍ່​ອາ​ທິດ, ປະ​ລິ​ມານ​ນຳ​ເຂົ້າ​ໝາກ​ໄມ້​ຈະ​ບັນ​ລຸ 6 ໝື່ນ​ໂຕນ​ຕໍ່​ປີ.

     ດ່ານ​ພີງ​ຊຽງ​ເຂດກວາງ​ຊີ​ຈີນ​ແມ່ນ​ດ່ານ​ຂາ​ເຂົ້າ​ຂາ​ອອກ​ໝາກ​ໄມ້​ທາງ​ບົກ​ທີ່​ໃຫຍ່​ທີ່​ສຸດ​ໃນ​ປະ​ເທດ​ຈີນ. ປະ​ຈຸ​ບັນ, ໝາກ​ໄມ້​ທີ່​ຜ່ານ​ດ່ານ​ພີງ​ຊຽງ​ເຂົ້າ​ສູ່​ປະ​ເທດ​ຈີນກວມ​ເກືອບ 50% ຂອງຍອດ​ປະ​ລິ​ມານນຳ​ເຂົ້າ​ໝາກ​ໄມ້ຂອງ​ຈີນ.

ຄຳ​ເຫັນ

0