徐毅然

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
抗击新型冠状病毒专题_fororder_kanfeiyanbannerxiao

ຈີນຍິນ​ດີ​ປະ​ກອບ​ສ່ວນ​ເທົ່າ​ທີ່ຄວນ​ເຂົ້າ​ໃນ​ພາ​ລະ​ກິດ​ສາ​ທາ​ລະ​ນະ​ສຸກ​ຂອງ​ພ​າ​ກ​ພື້ນ​ແລະ​ສາ​ກົນ

2020-02-25 15:34:56 CRI

ຕາມ​ຂ່າວCRI:ວັນ​ທີ 24 ກຸມ​ພາ​ນີ້, ກະ​ຊວງ​ການ​ຕ່າງ​ປະ​ເທດ​ຈີນໄດ້​ຟື້ນ​ຟູ​ການ​ຈັດກອງ​ປະ​ຊຸມ​ຂ່າວ​ຢ່າງ​ເປັນ​ປະ​ຈຳ​​ຢູ່​ຫໍ​ສີ​ຟ້າ. ທ່ານ​ຈ້າວ​ລີຈ່ຽນ, ໂຄ​ສົກ​ຄົນ​ໃໝ່​ຂອງກະ​ຊວງ​ການ​ຕ່າງ​ປະ​ເທດ​ຈີນ​ເປັນ​ເຈົ້າ​ພາບ​ກອງ​ປະ​ຊຸມ​ຂ່າວ​. ກ່ຽວ​ກັບ​ເລື່ອງ​ທີ່ກອງ​ປະ​ຊຸມ​ພິ​ເສດ​ລະ​ດັບລັດ​ຖະ​ມົນ​ຕີ​ການ​ຕ່າງ​ປະ​ເທດສຳ​ລັບ​ບັນ​ຫາ​ພະ​ຍາດອັກ​ເສບ​ປອດ​ຈາກເຊື້ອ​ຈຸ​ລະ​ໂລກ​ສາຍ​ພັນ​ໃໝ່​ລະ​ຫວ່າງ​ຈີນ-ອາ​ຊຽນ​ທີ່​ໄດ້​ຈັດ​ຂຶ້ນ​ໃນ​ອາ​ທິດ​ແລ້ວ​ນີ້ໄດ້​ເຮັດ​ໃຫ້​ມີ​ປະ​ຊາ​ຄົມ​ໂລກ​ໃຫ້​ຄວາມ​ສົນ​ໃຈ​ຢ່າງ​ສູງແລະມີ​ລັດ​ຖະ​ມົນ​ຕີ​ກາ​ນ​ຕ່າງ​ປະ​ເທດ​ຂອງບາງ​ປະ​ເທດ​ອາ​ຊຽນ​​ໄດ້ຊົມ​ເຊີຍ​​ຕໍ່​ມາດ​ຕະ​ການ​ການ​ປ້ອງ​ກັນ​ແລະ​ຄວບ​ຄຸມ​ພະ​ຍາດ​ຂອງ​ຈີນ, ທ່ານ​ຈ້າວ​ລີຈ່ຽນ​ກ່າວ​ວ່າ, ຈີນ​ຍິນ​ດີ​ຮ່ວມ​ກັນ​ກັບ​ຝ່າຍ​ຕ່າງໆ​ທີ່​ກ່ຽວ​ຂ້ອງ​ລວມ​ທັງ​ອາ​ຊຽນ, ປະ​ກອບ​ສ່ວນເທົ່າ​ທີ່​ຄວນ​ເຂົ້າ​ໃນ​ພາ​ລະ​ກິດ​ສາ​ທາ​ລະ​ນະ​ສຸກ​ພາກ​ພື້ນ​ແລະ​ສາ​ກົນ.

 

ຕາມ​ການ​ລາຍ​ງານ​ວ່າ, ໃນ​ວັນ​ທີ 21 ກຸມ​ພາ​ນີ້, ທ່ານ​ເດວ​ໂດ​ໂຣ ໂລ​ເຊນ, ລັດ​ຖະ​ມົນ​ຕີ​ການ​ຕ່າງ​ປະ​ເທດ​ຟີ​ລິບ​ປີນໂພ​ສ​ຂໍ້​ຄວາມ​ທາງ TWITTER ວ່າ, ກອງ​ປະ​ຊຸມ​ພິ​ເສດ​ລະ​ດັບ​ລັດ​ຖະ​ມົນ​ຕີ​ການ​ຕ່າງ​ປະ​ເທດ​​ຄັ້ງ​ນີ້​ໄດ້​ໄຂ​ຂຶ້ນ​ບົນ​ພື້ນ​ຖານ​ຂອງວິ​ທະ​ຍາ​ສາດ​ແລະ​ຄວາມ​ຈິງ, ໃຫ້​ຂໍ້​ຄິດ​ຫຼາຍ​ຢ່າງ. ພາຍ​ຫຼັງ​ໄດ້​ຜ່ານ​ຜ່າ​ຟ້າ​ຝົນ​ລົມ​ແດງແລ້ວ​ພວກ​ເຮົາ​ຈະ​ມີ​​ຄວາມ​ເຂັ້ມ​ແຂງກວ່າ​ເກົ່າ. ພວກ​ເຮົາ​ສາ​ມາດ​ຄວບ​ຄຸມ​ສະ​ພາບ​ພະ​ຍາດ​ໃນ​ຂອບ​ທົ່ວ​ໂລກ, ແມ່ນ​ຍ້ອນ​ຈີນ​ໄດ້​ປະ​ຕິ​ບັດ​ມາດ​ຕະ​ການ​ທີ່​ບັງ​ເກີດ​ຜົນ. ທ່ານ​ຈ້າວ​ລີຈ່ຽນ​ກ່າວ​ໃນ​ກອງ​ປະ​ຊຸມ​ຂ່າວ​ໃນ​ວັນ​ທີ 24 ກຸມ​ພາ​ນີ້​ວ່າ, ຈີນ​ສະ​ແດງ​ຄວາມ​ຊົມ​ເຊີຍ​ຕໍ່​ການ​ສະ​ແດງ​ຄວາມ​ເຫັນ​ຂອງລັດ​ຖະ​ມົນ​ຕີ​ການ​ຕ່າງ​ປະ​ເທດ​ຂອງ​ຟີ​ລິບ​ປີນ, ສິງ​ກະ​ໂປ, ໄທ​ແລະ​ປະ​ເທດ​ອື່ນໆ.

 

ທ່ານ​ຈ້າວ​ລີ້​ຈ່ຽນ​ກ່າວ​ວ່າ, ດ້ວຍທ່າ​ທີ​ທີ່​ເປີດກວ້າງ,  ໂປ່ງໄສ​ແລະ​​ຮັບ​ຜິດ​ຊອ​ບ, ຈີນ​ຍິນ​ດີຮ່ວມ​ກັນ​ກັບ​ຝ່າຍ​ຕ່າງໆ​ທີ່​ກ່ຽວ​ຂ້ອງ​ລວມ​ທັງ​ອາ​ຊຽນ, ເພີ່ມ​ທະ​ວີ​ການ​ຮ່ວມ​ມື, ສະ​ໜັບ​ສະ​ໜູນ​ເຊິ່ງ​ກັນ​ແລະ​ກັນ, ປະ​ກອບ​ສ່ວນ​​ເທົ່າທີ່​ຄວນ​​ເຂົ້າ​ໃນ​ພາ​ລະ​ກິດ​ສາ​ທາ​ລະ​ນະ​ສຸກຂອງ​ພາກ​ພື້ນກໍ່​ຄື​ຂອງສາ​ກົນ.

 

ຄຳ​ເຫັນ

0