黎明

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
壮丽七十年奋斗新时代_fororder_760x250banner
  • ​​ຮູບພາບ
  • ​ວີ​ດີ​ໂອ

“​​​ເຂດ​ປະດິດ​ສ້າງ​ໃໝ່ 5G ​ໂລກ” ​ໄດ້​ສ້າງຕັ້ງຂຶ້ນ​ຢູ່​ນະຄອນ​ຊຽງ​ໄຮ້

2019-09-11 17:17:35 CRI

“​​​ເຂດປະດິດ​ສ້າງ​ໃໝ່ 5G ​ໂລກ” ​ໄດ້​ສ້າງຕັ້ງຂຶ້ນ​ໃນ​ວັນ​ທີ 10 ກັນຍາ​ນີ້​ຢູ່​ເຂດ​ຫົງ​ໂຂ​ວ ນະຄອນ​ຊຽງ​ໄຮ້​ຢ່າງ​ເປັນ​ທາງ​ການ ​ເຊິ່ງ​ເປັນ​ເວທີການ​ປະດິດ​ສ້າງ​ແລະ​ການສະ​ແດງ​ການ​ປະຍຸກ​ໃຊ້​ເຕັກນິກ 5G ​ແບບ​ກວມລວມ​ແຫ່ງ​ໜຶ່ງ, ​​ທັງ​ເປັນ​ເວທີ​ເຕົ້າ​ໂຮມ​​ແບບອະ​ເນກປະສົງ ​ເຊັ່ນ: ການວາງສະ​ແດງ​ເຕັກນິກ 5G, ການ​ຮ່ວມ​ກັນປະດິດ​ສ້າງ​ໃໝ່​, LiveApp, ການ​​ເຜີຍແຜ່ຄວາມ​ຮູ້​ວິທະຍາສາດ ​ແລະ​ອື່ນໆ, ​​ເຊິ່ງໄດ້​ດຶງ​ດູດ​ຂະ​ແໜງ​ການ​ເຕັກນິກຂັ້ນສູງ​ແລະ​ວິ​ສາ​ຫະກິດອຸດສາຫະກຳ 5G ຈຳນວນ​ໜຶ່ງ​ເຂົ້າມາປະຈຳ ​ເພື່ອ​ຍາດ​ເອົາ​ໂອກາດ​ທີ່​ນະຄອນ​ຊຽງ​ໄຮ້ພວມ​​ດຳ​ເນີນໂຄງການ “ຕົວ​ເມືອງອິນ​ເຕີ​ເນັດຄວາມ​ຖີ່​ສູງ(ຫຼື​ບຣອດ​ແບນ)ລະດັບ​ກີ​ກາ​ບິດ​ແບບ​ຄົງ​ທີ່​ແລະ​ເຄື່ອນ​ທີ່” ​5G, ​ເລັ່ງລັດການ​ຫັນປ່ຽນຂະ​ແໜງ​ການ​ແລະ​ເສດຖະກິດ​ດີ​ຈີ​ຕອນ​ແບບ​ອັດ​ສະ​ລິ​ຍະ ທັງ​ກະ​ຕຸ້ນຄວາມ​ມີ​ພະລັງ​ຊີວິດ​ດ້ານ​ວິທະຍາສາດ​ເຕັກນິກ​ແລະເສດຖະກິດຂອງ​ນະ​ຄອນ​ຊຽງ​ໄຮ້.

ປັດຈຸບັນ, ນະ​ຄອນ​ຊຽງ​ໄຮ້​ພວ​ມ​ເລັ່ງລັດ​ຊຸກ​ຍູ້​ການ​ປະດິດ​ສ້າງ​ແລະ​ນຳ​ໃຊ້​ເຕັກນິກ 5G ​ແລະ ການ​ພັດທະນາອຸດສາຫະກຳ 5G, ​ພວມ​ເຜີຍ​ແຜ່ເຕັກນິກ 5G ​ໃນ 160 ກວ່າລາຍການ​ທີ່​ສາມາດນຳ​ໃຊ້​ໃນ​ຂະ​ແໜງ​ການ​ຕ່າງໆ​ໃນ​ທົ່ວ​ນະຄອນ​ຊຽງ​ໄຮ້ ​ແລະ ການ​ປະຍຸກ​ໃຊ້​ເຕັກນິກ 5G ​ໃນ​ປີ​ນີ້​ຕົ້ນຕໍ​ໄດ້ສຸມ​ໃສ່​ຂະ​ແໜງ​ການຕ່າງໆ ​ເຊັ່ນ: ອຸດສາ​ຫະກຳ​ການ​ຜະລິດ, ການ​ປິ່ນປົວ, ການ​ຄຸ້ມ​ຄອງ​ຕົວ​ເມືອງ ​ແລະ​ຂະ​ແໜງ​ການອື່ນໆ.

ຄຳ​ເຫັນ

0