李建祥

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
亚洲文明大会专题_fororder_760x250

ກະ​ຊວງ​ການ​ຕ່າງ​ປະ​ເທດ​ຈີນ​ເຕືອນ​ໃຫ້​ອາ​ເມ​ຣິ​ກາ​ຢຸດ​ຕິ​ການ​ແຊກ​ແຊງວຽກ​ງານ​ຂອງ​ຮົງ​ກົງ​ທັນ​ທີ

2019-08-13 09:44:05 cri

    ທ່ານນາງ ຮ​ວ້າ​ຊຸ່ນ​ຢິງ ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ຈີນ ໄດ້​ກ່າວ​ເນັ້ນ​ໜັກ​ໃນ​ເວ​ລາ​ຕອບ​ຄຳ​ຖາມ​ຂອງ​ນັກ​ຂ່າວ​ໃນ​ວັນ​ທີ 12 ສິງ​ຫານີ້​ວ່າ: ຈີນ​ເຕືອນ​ໃຫ້​ອາ​ເມ​ຣິ​ກາ​ຈົ່ງຢຸດ​ຕິ​ການ​ແຊກ​ແຊງວຽກ​ງານ​ຂອງ​ຮົງ​ກົງ​ທັນ​ທີ.

    ທ່ານ​ນາງ ຮ​ວ້າ​ຊຸ່ນ​ຢິງ ກ່າວ​ວ່າ: ໄລ​ຍະ​ມໍ່ໆ​ມານີ້, ອາ​ເມ​ຣິ​ກາ​ໄດ້​ສະ​ແດງ​ຄວາມ​ຄິດ​ເຫັນ​ໂດຍ​ປິ້ນ​ຂາວ​​ໃຫ້ເປັນ​ດຳ​ແລະ​ປຸກ​ປັ່ນ​ຍຸ​ແຍ່​​ວຽກ​ງານ​ຮົງ​ກົງ​ເລື້ອຍໆ. ໃນຂະ​ນະ​ດຽວ​ກັນ, ກໍ​ມີບຸກ​ຄົນ​ສຳ​ຄັນ​​ທາງ​ການ​ເມືອງ​ແລະ​ເຈົ້າ​ໜ້າ​ທີ່​ການ​ທູດ​ຂອງ​ອາ​ເມ​ຣິ​ກາ ໄດ້​ພົບ​ປະ​ກັບ​ພວກກໍ່​ຄວາມ​ວຸ້ນ​ວາຍ​ຢູ່​ຮົງ​ກົງ​ແລະ​ຄັດ​ຄ້ານ​ຈີນ, ທັງ​ໄດ້​ຕຳ​ໜິ​ຕິ​ຕຽນ​ລັດ​ຖະ​ບານ​ຈີນ​ຢ່າງ​ບໍ່​ມີ​ເຫດ​ຜົນ ເຊິ່ງ​ເປັນ​ການ​ໜູນຫຼັງ​ຕໍ່​ການ​ກະ​ທຳ​ຜິດ​ກົດ​ໝາຍ​ດ້ວຍ​ຄວາມ​ຮຸ​ນ​ແຮງ ແລະ​ທຳ​ລາຍ​ຄວາມ​ຈະ​ເລີນ​ຮຸ່ງ​ເຮືອງ​ແລະ​ສະ​ຖຽນ​ລະ​ພາບ​ຂອງ​ຮົງ​ກົງ.

    ໂຄ​ສົກ​ທ່ານນີ້​ໄດ້​ກ່າວ​ເນັ້ນ​ອີກ​ເທື່ອ​ໜຶ່ງວ່າ: ຮົງ​ກົງ​ເປັນ​ດິນ​ແດນ​ຂອງ​ຈີນ, ວຽກ​ງານ​ຂອງ​ຮົງ​ກົງ​ແມ່ນ​ວຽກ​ງານ​ພາຍ​ໃນ​ຂອງ​ຈີ​ນ​ລ້ວນ​ໆ. ຈີນ​ເຕືອນ​ໃຫ້​ອາ​ເມ​ຣິ​ກາ​ຈົ່ງ​ເຄົາ​ລົບ​​ກົດ​ໝາຍ​ລະ​ຫວ່າງ​ຊາດ​​ແລະຫຼັກ​ການ​ພື້ນ​ຖານ​ຂອງການ​ພົວ​ພັນ​ສາ​ກົນ, ຢຸດ​ຕິ​ການ​​ແຊກ​ແຊງວຽກ​ງານ​ຂອງ​ຮົງ​ກົງ​ທັນ​ທີ ແລະ​ຢຸດ​ຕິ​ການ​ແຊກ​ແຊງວຽກ​ງານ​​ພາຍ​ໃນຂອງ​ຈີນ​ທັນ​ທີ.

ຄຳ​ເຫັນ

0