尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ທ່ານ​ວາງ​ຢີ້ ພົບ​ປະ​ກັບ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອິນ​ເດຍ

2019-08-13 11:04:39 cri

ວັນ​ທີ 12 ສິງ​ຫາ​ນີ້ ຢູ່​ນະ​ຄອນ​ຫຼວງ​ປັກ​ກິ່ງ, ທ່ານ ວາງ​ຢີ້ ທີ່​ປຶກ​ສາ​ແຫ່ງ​ລັດ​ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ໄດ້​ພົບ​ປະ​ເຈ​ລະ​ຈາ​ກັບ​ທ່ານ ​​ເອ​ສໄຈ​ຊານ​ຄາ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອິນ​ເດຍ.
 

ທ່ານ ວາງ​ຢີ້ ກ່າວ​ວ່າ: ສອງ​ຝ່າຍ​ຄວນ​ຈັດ​ຕັ້ງ​ປະ​ຕິ​ບັດ​ຄວາມ​ຮັບ​ຮູ້​​ທີ່​ເປັນ​ເອ​ກະ​ພາບ​ທີ່​ສຳ​ຄັນ​ລະ​ຫວ່າງ​ຜູ້​ນຳ​ຂອງ​ສອງ​ປະ​ເທດຢ່າງ​ຕັ້ງ​ໜ້າ,ຮັກ​ສາ​ໝາກ​ຜົນ​ທີ່​ບັນ​ລຸ​ໄດ້​ໃນ​ການ​ປັບ​ປຸງ​ການ​ພົວ​ພັນ​ລະ​ຫວ່າງ​ສອງ​ປະ​ເທດ​ໃຫ້​ດີ​ຂຶ້ນໃນ​ປັດ​ຈຸ​ບັນ,ສືບ​ຕໍ່​ເພີ່ມ​ທະ​ວີ​ຄວາມ​ໄວ້​ເນື້ອ​ເຊື່ອ​ໃຈ​ກັນ,ລົງ​ເລິກ​ການ​ຮ່ວມ​ມື. ທ່ານ ເອ​ສ​ໄຈ​ຊານ​ຄາ ກ່າວ​ວ່າ: ​ອິນ​ເດຍ​ມີ​ຄວາມ​ປາ​ຖະ​ໜາໃນ​ການ​ຈັດ​ການ​ພົບ​ປະບໍ່​ເປັນ​ທາງ​ການ​ລະ​ຫວ່າງ​ຜູ້​ນຳ​ສອງ​ປະ​ເທດ​ຄັ້ງ​ທີ 2 ຢູ່​ອິນ​ເດຍ​ໃນ​ປີ​ນີ້,​ຈະ​ພະ​ຍາ​ຍາມ​ຮັບ​ປະ​ກັນໃຫ້​ການ​ພົບ​ປະໄດ້​ຮັບ​ຜົນ​ສຳ​ເລັດ​ຢ່າງ​ຈົບ​ງາມ.ສອງ​ຝ່າຍ​ເຫັນ​ວ່າ:​ຄວນ​ຮ່ວມ​ກັນ​ປົກ​ປັກ​ຮັກ​ສາ​ຖາ​ນະ​ປະ​ເທດ​ທີ່​ພວມ​ພັດ​ທະ​ນາ​ຂອງ​ສອງ​ປະ​ເທດ​ກໍ​ຄື​ສິດ​ແຫ່ງ​ການ​ພັດ​ທະ​ນາ​ແລະ​ຜົນ​ປະ​ໂຫຍດ​ທີ່​​ຖືກ​ຕ້ອງ​ຕາມ​ກົດ​ໝາຍ​ໃນ​ອົງ​ການ​ການ​ຄ້າ​ໂລກ.
 

ທ່ານ ວາງ​ຢີ້ ໄດ້​ສະ​ແດງ​ຈຸດ​ຢືນແລະ​ຫຼັກ​ການ​ຂອງ​ຈີນ​ກ່ຽວ​ກັບ​ມາດ​ຕະ​ການ​ພຽງ​ຝ່າຍ​ດຽວ​ຂອງ​ອິນ​ເດຍ​ໃນ​ບັນ​ຫາ​ທີ່​ກ່ຽວ​ຂ້ອງ​​ໃນ​ແຄວ້ນ​ຄັ​ສ​ເມຍ​ໃນ​ຫວ່າງ​ບໍ່​ດົນ​ມາ​ນີ້. ທ່ານ ເອ​ສ​ໄຈ​ຊານ​ຄາ ກ່າວ​ວ່າ: ອິນ​ເດຍ​ຍິນ​ດີ​ຮັກ​ສາ​ຄວາມ​ອົດ​ທົນ​ອົດ​ກັ້ນ​ໄວ້​ແລະ​​ຈະປັບ​ປຸງ​ການ​ພົວ​ພັນ​ກັບ​ປາ​ກິ​ສະ​ຖານ​ໃຫ້​ດີ​ຂຶ້ນ,​ລວມ​ທັງ​ຈະ​ປະ​ຕິ​ບັດ​ຕາມ​ຄວາມ​ຮັບ​ຮູ້​​ທີ່​ເປັນ​ເອ​ກະ​ພາບ​ກັນ​ລະ​ຫວ່າງ​​ອິນ​ເດຍ-ຈີນໃນ​ການ​ປົກ​ປັກ​ຮັກ​ສາ​ຄວາມ​ສະ​ຫງົບ​ແລະ​ຄວາມ​ໝັ້ນ​ຄົງ​ຢູ່​ຕາມຊາຍ​ແດນ.

ຄຳ​ເຫັນ

0