尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
亚洲文明大会专题_fororder_760x250

ສະ​ມາ​ຄົມ​ຊາວ​ໜຸ່ມໃໝ່​ຮົງ​ກົງ​ຫວັງ​ໃຫ້ການ​ລົງ​ໂທດ​ກຸ່ມ​ຫົວ​ຮຸນ​ແຮງ​ເພື່ອ​ໃຫ້​ສັງ​ຄົມ​ຮົງ​ກົງ​ກັບ​ຄື​ນ​ສູ່​ສະ​ພາບ​ປົກ​ກະ​ຕິ​

2019-08-13 15:29:18 cri

ຕາມ​ຂ່າວCRI: ວັນ​ທີ 12 ສິງ​ຫາ​ນີ້, ທ່ານ​ ໂມວ​ຊຽງ ຮອງ​ປະ​ທານສະ​ມາ​ຄົມ​ຊາວ​ໜຸ່ມ​ໃໝ່​ຮົງ​ກົງ ປະ​ທານ​ສະ​ຫະ​ພັນ​ຊາວ​ໜຸ່ມ​ຮົງ​ກົງ-ມາ​ກາວ-ນານ​ກິ່ງ​ກ່າວ​ວ່າ: ສະ​ມາ​ຄົມ​ໄດ້​ສະ​ແດງ​ຄວາມ​ຄຽດ​ແຄ້ນ​ແລະ​ກ່າວ​ປະ​ນາມ​ຢ່າງ​ຮຸນ​ແຮງ​ຕໍ່​ການ​​ເດີນ​ຂະ​ບວນ​ປະ​ທ້ວງທີ່​ຜິດ​ກົດ​ໝາຍ​ແລະ​ການ​ກະ​ທຳ​ຂອງ​ກຸ່ມ​ຫົວ​ຮຸນ​ແຮງ​ທີ່​ໂຈມ​ຕີ​ຕຳ​ຫຼວດ​ແລະ​ສະ​ຖາ​ນີຕຳ​ຫຼວດ​ທີ່​ເກີດ​ຂຶ້ນ​ຢ່າງ​ບໍ່​ຢຸດ​ຢັ້ງ​​ຢູ່​ເຂດ​ບໍ​ລິ​ຫານ​ພິ​ເສດ​ຮົງ​ກົງໃນ​ຫຼາຍ​ເດືອນ​ຜ່ານ​ມາ.
 

ທ່ານ ໂມວ​ຊຽງ ກ່າວ​ວ່າ: ໃນ 2 ເດືອນ​ຜ່ານ​ມາ, ການ​ກະ​ທຳ​ຂອງ​ກຸ່ມ​ຫົວ​ຮຸນ​ແຮງ​ເຫຼົ່າ​ນີ້​ໄດ້​ເຮັດ​ໃຫ້​ປະ​ຊາ​ຊົນ​ຮົງ​ກົງ​ມີ​ຄວາມ​ຄຽດ​ແຄ້ນ​ມາ​​ແຕ່​ດົນແລ້ວ ​ເພາະກະ​ທົບ​ຕໍ່​ຊີ​ວິດ​ການ​ເປັນ​ຢູ່​ແລະ​​ການ​ເຮັດວຽກ​​ຂອງ​ປະ​ຊາ​ຊົນ​ຮົງ​ກົງ​ເປັນ​ຈຳ​ນວນ​ຫຼວງ​ຫຼາຍ. ການ​ເຄື່ອນ​ໄຫວ​ຂອງ​ກຸ່ມຫົວ​ຮຸນ​ແຮງ​ເຫຼົ່າ​ນີ້​ຍັງ​​ມີ​ທ່າ​ອ່ຽງ​ຮ້າຍ​ແຮງ​ຂຶ້ນ​ຕື່ມ​ຢ່າງ​ບໍ່​ຢຸດ​ຢັ້ງ​ໃນ​ໄລ​ຍະ​ນີ້.
 

ກ່ອນ​ໜ້າ​ນີ້,ສະ​ຫະ​ພັນ​ຊາວ​ໜຸ່ມ​ຮົງ​ກົງ-ມາ​ກາວ-ນານ​ກິ່ງ​ໄດ້​ອອ​ກ​ຖະ​ແຫຼງ​ການ​ລົງ “ໜັງ​ສື​ພິມຊິ່ງ​ຕາວ​ລາຍ​ວັນ” ໂດຍ​ໄດ້​ກ່າວ​ປະ​ນາມ​ຢ່າງ​ຮຸນ​ແຮງ​ຕໍ່​ການ​ກະ​ທຳ​ດ້ວຍ​ຄວາມ​ຮຸນ​ແຮງ​ຕ່າງໆ​ທີ່​ເກີດ​ຂຶ້ນ​ຢູ່​ຮົງ​ກົງ​ໃນ​ຫວ່າງ​ບໍ່​ດົນ​ມາ​ນີ້​ທັງ​ໄດ້ເດັດ​ດ່ຽວ​ສະ​ໜັບ​ສະ​ໜູນ​ອຳ​ນາດ​ການ​ປົກ​ຄອງເຂດ​ບໍ​ລິ​ຫານ​ພິ​ເສດ​ຮົງ​ກົງແລະ​ກອງ​ກຳ​ລັງ​ຕຳ​ຫຼວດ​ຮົງ​ກົງ​ໃນ​ການ​ປ້ອງ​ກັນ​ບໍ່​ໃຫ້​ເກີດ​​ເຫດ​ການຄວາມ​ຮຸນ​ແຮງ,​ແກ້​ໄຂ​ບັນ​ຫາ​ຄວາມ​ວຸ້ນ​ວາຍແລະ​ປົກ​ປັກ​ຮັກ​ສາ​ກົດ​ໝາຍ​ແລະ​ຄວາມ​ເປັນ​ລະ​ບຽບ​ຮຽບ​ຮ້ອຍ,ເພື່ອ​ສ້າງ​ຄວາມ​ໝັ້ນ​ຄົງ​ແລະ​ຄວາມ​ສະ​ຫງົບ​ໃຫ້​ແກ່​ສັງ​ຄົມ​ແລະ​ປະ​ຊາ​ຊົນ​ຮົງ​ກົງ,​ໂດຍ​ຫວັງ​ວ່າ​ສັງ​ຄົມ​ຮົງ​ກົງ​ຈະສາ​ມາດ​ກັບ​ຄືນສູ່​ສະ​ພາບ​ຄວາມ​ສະ​ຫງົບ​ເປັນ​ປົກ​ກະ​ຕິ​​ໂດຍ​ໄວ.

ຄຳ​ເຫັນ

0