李建祥

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ຈີນ-ຍີ່​ປຸ່ນ​ຄວນ “ຊ່ວຍ​ຊູ​ຍູ້​ໜູນ​ກັນ” ແລະ​ນຳ​ເອົາ​ພະລັງ​ທາງ​ບວກ​ມາ​ໃຫ້​ໂລກຫຼາຍກວ່າ​ເກົ່າ

2019-08-13 16:13:14 cri

    ກ່ອນ​ໜ້ານີ້​ບໍ່​ດົນ, ຢູ່ນາ​ກາ​ໂນ​ປະ​ເທດ​ຍີ່​ປຸ່ນ, ຮອງ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ແລະ​ຍີ່​ປຸ່ນ ໄດ້​ຮ່ວມ​ກັນ​ເປັນ​ປະ​ທານ​ຈັດ​ການ​ສົນ​ທະ​ນາ​ຍຸດ​ທະ​ສາດ​ຮອບ​​ໃໝ່ ເຊິ່ງ​ເປັນ​ການ​ດຳ​ເນີນ​ກົນ​ໄກ​ສົນ​ທະ​ນາ​ດັ່ງ​ກ່າວ​ຄືນ​ໃໝ່​ໃນ​ຮອບ 7 ປີ​ຜ່ານ​ມາ, ສະ​ແດງ​ໃຫ້​ເຫັນ​ວ່າ, ສາຍ​ພົວ​ພັນ​ຈີນ-ຍີ່​ປຸ່ນ​ທີ່​ໄດ້​ຜ່ານ​ຜ່າ​ໄລ​ຍະ​ທີ່​ຫຍຸ້ງ​ຍາກ ພວມ​ປັບ​ປຸງ​ໃຫ້​ດີ​ຂຶ້ນ​ຕື່ມ​ອີກ ແລະ​ພວມ​ສົ່ງ​ສັນ​ຍາ​ນ​ທີ່​ດີ​ໃຫ້​ແກ່​ພາຍນອກ.

    ການ​ສົນ​ທະ​ນາ​ຍຸດ​ທະ​ສາດ​ສອງ​ປະ​ເທດ ໄດ້​ເລີ່ມ​ຈັດ​ຂຶ້ນ​ໃນ​ເດືອນ​ພຶດ​ສະ​ພາ​ປີ 2005, ມາ​ຮອດ​ເດືອນ​ມິ​ຖຸ​ນາ​ປີ 2012 ລວມ​ແລ້ວໄດ້​ຈັດ​ຂຶ້ນ 13 ຮອບ, ເຊິ່ງ​ໄດ້​ສະ​ແດງ​ບົດ​ບາດ​ທີ່​ສຳ​ຄັນ​ໃນ​ການ​ເພີ່ມ​ທະ​ວີ​ຄວາມ​ໄວ້​ເນື້ອ​ເຊື່ອ​ໃຈ​ກັນ​ທາງ​ການ​ເມືອງ, ການ​ກຳ​ນົດ​ແລະ​ຊຸກ​ຍູ້​ສາຍ​ພົວ​ພັນ​ຍຸດ​ທະ​ສາດ​ທີ່​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ລະ​ຫວ່າງ​ສອງ​ປະ​ເທດ. ແຕ່​ພາຍຫຼັງ​ມາ ຍ້ອນ​ກິ​ລິ​ຍາ​ວາ​ຈາ​ທີ່​ຜິດ​ພາດ​ຕ່າງໆ​ຂອງຍີ່​ປຸ່ນ, ການ​ສົນ​ທະ​ນາ​ດັ່ງ​ກ່າວ​ຈຶ່ງ​ຕ້ອງ​ຢຸດ​ສະ​ງັກ.

    ໃນ​ຊຸມ​ປີມໍ່ໆ​ມານີ້, ສະ​ຖາ​ນະ​ການ​ໂລກ​​ເກີດ​ມີການ​ປ່ຽນ​ແປງ​ຢ່າງ​ສັບ​ສົນ. ດ້ານ​ໜຶ່ງ, ອາ​ເມ​ຣິ​ກາ​ໄດ້​ປະ​ຕິ​ບັດ​ລັດ​ທິ​ຝ່າຍ​ດຽວ​ແລະ​ລັດ​ທິ​ປົກ​ປ້ອງ​ຕາມ​ລຳ​ພັງ​ໃຈ, ຍີ່​ປຸ່ນ​ກໍ​ໄດ້​​ຮັບແຮງ​ກົດ​ດັນ​ດ້ານ​ການ​ຄ້າ​ທີ່​ມະ​ຫາ​ສານ​ຈາກ​ອາ​ເມ​ຣິ​ກາ. ໃນ​ຖ​າ​ນະ​ເປັນ 2 ກຸ່ມ​ເສດ​ຖະ​ກິດ​ທີ່​ໃຫຍ່​ທີ່​ສຸດ​ຢູ່​ອາ​ຊີ, ຈີນ​ແລະ​ຍີ່​ປຸ່ນ​ຈຶ່ງ​ມີ​ຜົນ​ປະ​ໂຫຍດ​ຮ່ວມ​ກັນ​ໃນ​ການ​ປົກ​ປັກ​ຮັກ​ສາ​ລັດ​ທິ​ຫຼາຍ​ຝ່າຍ​ແລະ​ລະ​ບຽບ​ການ​ຄ້າ​ເສ​ລີ.

    ອີກ​ດ້ານ​ໜຶ່ງ, ຈີນ​ແລະ​ຍີ່​ປຸ່ນ​ເປັນ​ປະ​ເທ​ດ​ບ້ານ​ໃກ້​ເຮືອນ​ຄຽງ, ມີ​ຄວາມ​ຊ່ວຍ​ຊູ​ຍູ້​ໜູນ​ກັນ​ທີ່​ດີ​ທາງ​ດ້ານ​ເສດ​ຖະ​ກິດ ແລະ ມີ​ຜົນ​ປະ​ໂຫຍດ​ຮ່ວມ​ກັນຫຼາຍ​ຢ່າງ, ນັບມາ​ຮອດ​ທ້າຍ​ປີ​ຜ່ານ​ມາ, ຍອດ​ມູນ​ຄ່າ​ການ​ລົງ​ທຶນ​​ຂອງ​ຍີ່​ປຸ່ນຢູ່​ຈີນ​ມີ​ເຖິງ 111,98 ຕື້​ໂດ​ລາ​ສະ​ຫະ​ລັດ ແລະ ເປັນ​ປະ​ເທ​ດ​ແຫຼ່ງ​ທຶນ​ໃຫຍ່​ອັນ​ດັບ​ໜຶ່ງ​ຂອງ​ຈີນ.

    ການ​ສົນ​ທະ​ນາ​ຍຸດ​ທະ​ສາດ​ຄັ້ງ​ນີ້​ໄດ້​ຈັດ​ຂຶ້ນ​ຄືນ​ໃໝ່​ໃນ​ຮອບ 7 ປີ ເຊິ່ງ​ມີ​ຈຸດ​ປະ​ສົງ​ຈັດ​ຕັ້ງ​ປະ​ຕິ​ບັດ​ຄວາມ​ເຫັນ​​ທີ່ເປັນ​ເອ​ກະ​ພາບ​ກັນ​ລະ​ຫວ່າງ​ປະ​ມຸກ​ລັດ​ສອງ​ປະ​ເທດ​ທີ່​ບັນ​ລຸ​​ໄດ້ໃນ​ການ​ພົບ​ປະ​ກັນ​ຢູ່​ນະ​ຄອນ​ໂອ​ຊາ​ກາ. ໃນ​ອະ​ນາ​ຄົດ, ສອງ​ຝ່າຍ​ຄວນ “ຊ່ວຍ​ຊູ​ຍູ້​ໜູນ​ກັນ”, ສຳ​ຄັນ​ແມ່ນ​ຖື​ເອົາ​ຄວາມ​ເຫັນ​ເປັນ​ເອ​ກະ​ພາບ​ກັນ 10 ຂໍ້​ໃນ​ການ​ພົວ​ພັນ​ຈີນ-ຍີ່​ປຸ່ນ​ເປັນ​ທິດ​ຊີ້​ນຳ, ເພີ່ມ​ທະ​ວີ​ຄວາມ​ໄວ້​ເນື້ອ​ເຊື່ອ​ໃຈ​ກັນ​ທາງ​ການ​ເມືອງ​ຢ່າງ​ບໍ່​ຢຸດ​ຢັ້ງ, ເພີ່ມ​ທະ​ວີ​ການ​ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍດ​ໃນ​ຂົງ​ເຂດ​ປະ​ດິດ​ສ້າງ​ໃໝ່​ທາງວິ​ທະ​ຍ​າ​ສາດ​ເຕັກ​ໂນ​ໂລ​ຊີ, ເສດ​ຖະ​ກິດ​ການ​ຄ້າ, ການ​ລົງ​ທຶນ ແລະ​ຂົງ​ເຂດ​ອື່ນໆ. ສອງ​ຝ່າຍ​ຄວນ​ຈົດ​ຈຳ​ຄວາມ​ເປັນ​ເປັນ​ເອ​ກະ​ພາບ​ກັນ​ລະ​ຫວ່າງ​ປະ​ມຸກ​ລັດ​ທີ່​ບັນ​ລຸ​ໄດ້​ຢູ່​ນະ​ຄອນ​ໂອ​ຊາ​ກາ, ​ຫາ​ຊ່ອງ​ທາງ​ແກ້​ໄຂ​ບັນ​ຫາ​ທີ່ອ່ອນ​ໄຫວ​ຢ່າງ​ສົມ​ເຫດ​ສົມ​ຜົນ, ຄວບ​ຄຸມ​ຄວາມ​ຂັດ​ແຍ້ງ​ກັນ​ຢ່າງ​ສ້າງ​ສັນ, ສ້າງ​ເງື່ອນ​ໄຂ​ທີ່​ດີ ເພື່ອ​ສ້າງ​ການ​ພົວ​ພັນ​ຈີນ-ຍີ່​ປຸ່ນ​ທີ່​ສອດ​ຄ່ອງ​ກັບ​ ຄວາມມຸ້ງ​ມາດ​ປາ​ຖະ​ໜາຂອງ​ຍຸກ​ໃໝ່.

    ​ໃນ​ປັດ​ຈຸ​ບັນ​ນີ້, ພາຍ​ໃຕ້​ສະ​ຖາ​ນະ​ການ​ທີ່​ໂລກ​ຜະ​ເຊີນ​ໜ້າ​ກັບ​ການ​ປ່ຽນ​ແປງ​​ຢ່າງໃຫຍ່ຫຼວງ​​ໃນຮອບ​ຮ້ອຍ​ປີ, ສອງ​ປະ​ເທດ​ຈີນ ແລະ ຍີ່​ປຸ່ນ​ບໍ່​ຄວນ​ຂັດ​ແຍ້ງ​ກັນ, ຫາກ​ຄວນ “ຊ່ວຍ​ຊູ​ຍູ້​ໜູນ​ກັນ”, ສະ​ແຫວງ​ຫາ​ຜົນ​ປະ​ໂຫຍດ​ເພື່ອ​ປະ​ຊາ​ຊົນ​ສອງ​ຊາດ ແລະ ເພີ່ມ​ພະ​ລັງ​ທາງບວກຫຼາຍກວ່າ​ເກົ່າ ​ໃນ​ເງື່ອນ​ໄຂ​ທີ່​ສະ​ຖາ​ນະ​ການ​ໂລກ​ທີ່​ບໍ່​​ມີ​ຄວາມໝັ້ນ​ທ່ຽງ.

ຄຳ​ເຫັນ

0