莫小玲

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
亚洲文明大会专题_fororder_760x250

ການ​ໂຮມ​ຊຸມ​ນຸມ​ຢ່າງ​ຜິດ​ກົດ​ໝາຍ​ເຮັດ​ໃຫ້​ຖ້ຽວ​ບິນ​ສ່ວນຫຼາຍ​ຂອງ​ສະ​ໜາມ​ບິນ​ສາ​ກົນ​ຮົງ​ກົງ​ຖືກ​ຍົກ​ເລີກ

2019-08-13 10:53:45 cri

ຕາມ​ຂ່າວCRI: ວັນ​ທີ 12 ສິງ​ຫານີ້, ຍ້ອນ​ຖືກ​ກະ​ທົບ​ຈາກ​ການ​ໂຮມ​ຊຸມ​ນຸມ​ຢ່າງ​ຜິດ​ກົດ​ໝາຍ​ທີ່ບໍ່​ໄດ້​ຮັບ​ການ​ອະ​ນຸ​ມັດ, ເຮັດ​ໃຫ້​ການ​ເຄື່ອນ​ໄຫວ​ຢູ່ສະ​ໜາມ​ບິນ​ສາ​ກົນ​ຮົງ​ກົງ​ຖືກ​​ຂັດ​ຂວາງຢ່າງ​ໜັກ​ໜ່ວງ.

ວັນ​ທີ 12 ສິງ​ຫານີ້, ​ກຸ່ມ​ຄົນ​ໃນ​ຊຸດ​ສີ​ດຳ​​ຈຳ​ນວນຫຼາຍ​ເຕົ້​າ​ໂຮມ​ກັນ​ຢູ່​ຫ້ອງ​ຜູ້​ໂດຍ​ສານ​ຂາ​ເຂົ້າ​ສາ​ກົນ​​ຮົງ​ກົງ, ຕອນ​ບ່າຍ, ມີ​ຜູ້​ນຸ່ງ​ຊຸດ​ສີ​ດຳ​ສ່ວນ​ໜຶ່ງ​ບຸກ​ເຂົ້າ​ຫ້ອງ​ຜູ້​ໂດຍ​ສານ​ຂາ​ອອກ, ​ແລ້ວ​ຍ້າຍ​ຮົ້ວ​ເຫຼັກກັ້ນ​ອອກ​ເພື່ອ​ເຂົ້າ​ໄປ​ໃກ້​ບ່ອນແຈ້ງ​ປີ້, ເຮັດ​ໃຫ້​ຜູ້​ໂດຍ​ສານບໍ່​ສາ​ມາດ​​ແຈ້ງ​ປີ້​ໄດ້. ອົງ​ການ​​ບໍ​ລິ​ຫານ​ສະ​ໜາມ​ບິນ​ໄດ້​​ອອກຖະ​ແຫຼງ​ການ​ຕາມຫຼັງ​ວ່າ, ຍ້ອນ​ການ​ຂັດ​ຂວາງ​ການ​ເຄື່ອນ​ໄຫວ​ຢູ່​ສະ​ໜາມ​ບິນ​ຢ່າງ​ໜັກ​ໜ່ວງ, ຈຶ່ງ​ໂຈະ​ການ​ບໍ​ລິ​ການ​​ໃນ​ການ​ແຈ້ງ​ປີ້ຂອງ​ຖ້ຽວ​ບິນ​ຕ່າງ​ໆ​ເປັນ​ການ​ຊົ່ວ​ຄາວ. ນອກ​ຈາກ​ຖ້ຽວ​ບິນ​ທີ່​ຈະ​ເດີນ​ທາງ​ຈາກ​ຮົງ​ກົງ​​ທີ່​ໄດ້​ແຈ້ງ​ປີ້​ສຳ​ເລັດ​ແລ້ວ ​ແລະ​ຖ້ຽວ​ບິນ​ທີ່​ເດີນ​ທາງ​ມາ​ເຖິງ​ຮົງ​ກົງ, ສ່ວນຖ້ຽວ​ບິນ​​ອື່ນໆທີ່​​ຈະ​ບິນຈາກ​ຮົງ​ກົງ​ທັງ​ໝົດ​ຖືກ​ຍົກ​ເລິກ​ໃນ​ມື້​ດຽວ​ກັນ.

ອົງ​ການ​​ບໍ​ລິ​ຫານ​ສະ​ໜາມ​ບິນ​ຮົງ​ກົງ​ໄດ້​​ອອກຖະ​ແຫຼງ​​ການໃນ​ຕອນ​ບ່າຍ​ປະ​ມານ 16 ໂມງຂອງ​ວັນ​ທີ 12 ສິງ​ຫານີ້ວ່າ, ​​ໄດ້ຍົກ​ເລີກຖ້ຽວ​ບິນ​ທັງ​ໝົດ​​ທັນ​ທີ. ອີງ​ຕາມ​ຂໍ້​ມູນຫຼ້າ​ສຸດ​ຂອງ​ອົງ​ການ​ບໍ​ລິ​ຫານ​ສະ​ໜາມ​ບິນ​ໃນຕອນ​ເຊົ້າ 6 ໂມງຂອງວັນ​ທີ 13 ນີ້, ສະ​ໜາມ​ບິນ​ສາ​ກົນ​ຮົງ​ກົງ​ຈະ​ຈັດ​ສັນ​ຖ້ຽວ​ບິນ​ຄືນໃໝ່​ໃນ​ວັນ​ທີ 13 ສິງ​ຫານີ້.

ຄຳ​ເຫັນ

0