蒙龙

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
亚洲文明大会专题_fororder_760x250

ອຳ​ນາດ​ການ​ປົກ​ຄອງ​ເຂດ​ບໍ​ລິ​ຫານ​ພິ​ເສດ​ຮົງ​ກົງ​ຈີນ​ກ່າວ​ປະ​ນາມ​​ຢ່າງ​ຮຸນ​ແຮງ​ຕໍ່ການ​ເຄື່ອນ​ໄຫວ​ປະ​ທ້ວງ​ດ້ວຍ​ກຳ​ລັງ​ຮຸນ​ແຮງ

2019-08-12 15:23:19 CRI

ວັນ​ທີ 12 ສິງ​ຫາ​ນີ້, ໂຄ​ສົກ​ອຳ​ນາດ​ການ​ປົກ​ຄອງ​ເຂດ​ບໍ​ລິ​ຫານ​ພິ​ເສດ​ຮົງ​ກົງ​ຈີນ​ກ່າວ​ປະ​ນາມ​​ຢ່າງ​ຮຸນ​ແຮງ​ຕໍ່ການ​ເຄື່ອນ​ໄຫວ​ປະ​ທ້ວງ​ດ້ວຍ​ກຳ​ລັງ​ຮຸນ​ແຮງ​ທີ່​ເກີດ​ຂຶ້ນ​ໃນ​ວັນ​ທີ 11 ສິງ​ຫາ​ນີ້.

ໂຄ​ສົກ​ທ່ານ​ນີ້​ກ່າວ​ວ່າ, ພາຍຫຼັງ​ການ​ປະ​ທ້ວງ​ທີ່​ເກີດ​ຂຶ້ນ​ຢູ່​ເຂດ​ຈິວ​ລົງ ແລະ ເຂ​ດ​ຊິ່ນ​ເຈ້ຍ​ໃນ​ວັນ​ທີ 10 ສິງ​ຫາ​ນີ້​ແລ້ວ, ວັນ​ທີ 11 ສິງ​ຫາ​ນີ້, ຢູ່ຫຼາຍ​ເຂດ​ຂອງ​ຮົງ​ກົງ​ໄດ້​ເກີດ​ການ​ໂຮມ​ຊຸມ​ນຸມ​ແບບ​ຜິດ​ກົດ​ໝາຍ​ອີກ, ຜູ້​ປະ​ທ້ວງ​ດ້ວຍ​ກຳ​ລັງ​ຮຸນ​ແຮງ​ໄດ້​ທຳ​ລາຍ​ເຄື່ອງ​ຂອງ​ສາ​ທາ​ລະ​ນະ, ​ປິດ​ຕັນ​ເສັ້ນ​ທາງ​ສາຍຫຼັກ, ອັດ​ຕັນ​ຫ້ອງ​ການ​ຕຳຫຼວດ, ນັກ​ໃຊ້​ແສງເລ​ເຊີ ແລະ ກ້ອນ​ດິນ​ຈີ່​ໂຈມ​ຕີ​ເຈົ້າ​ໜ້າ​ທີ່​ຕຳຫຼວດ; ນອ​ກ​ຈາກ​ນີ້, ຍັງ​ມີ​ຜູ້​ປະ​ທ້ວງ​​ໃຊ້ກຳ​ລັງ​ຮຸນ​ແຮງ​​ແກວ່ງລູກ​ລະ​ເບີດ​ນ້ຳ​ມັນ​ແອັດ​ຊັງ​ ເຊິ່ງ​ເຮັດ​ໃຫ້​ເຈົ້າ​ໜ້າ​ທີ່​ຕຳຫຼວດ​​ໄດ້​ຮັບ​ບາດ​ເຈັບ.

ໂຄ​ສົກ​​ທ່ານນີ້​ກ່າວ​ຕື່ມ​ວ່າ, ການ​ເຄື່ອນ​ໄຫວ​ປະ​ທ້ວງ​ຢ່າງ​ຜິດ​ກົດ​ໝາຍ​ໃນ​ວັນ​ທີ 11 ສິງ​ຫາ​ນີ້​ໄດ້​ເຮັດ​ໃຫ້​ສິ່ງ​ອຳ​ນວຍ​ຄວາມ​ສະ​ດວກ​ໃນ​ການ​ບໍ​ລິ​ການ​ປະ​ຊາ​ຊົນ​ຈຳ​ນວນ​ໜຶ່ງ​​ຈຳ​ເປັນ​ຕ້ອງ​ປິດ​ກ່ອນ​ກຳ​ນົດ​ເວ​ລາ ເຊິ່ງ​ເປັນ​ການ​ສ້າງ​ສິ່ງ​ກີດ​ຂວາງ​ຕໍ່ການ​ບໍ​ລິ​ການ​ສຸກ​ເສີນ ແລະ ການ​ເຄື່ອນ​ໄຫວ​ການ​ຄ້າ. ການ​ກະ​ທຳ​ຜິດ​ກົດ​ໝາຍ ແລະ ໃຊ້​ຄວາມ​ຮຸນ​ແຮງ​ເຫຼົ່າ​ນີ້​ທີ່​ເກີ​ດ​ຂຶ້ນ​ເປັນ​ບໍ​ລິ​ເວນກວ້າງ, ເກີດ​ຂຶ້ນ​ຢູ່​ສະ​ຖານ​ທີ່​ແລະ​ເວ​ລາ​ທີ່​ບໍ່​ແນ່ນອນ​ເຫຼົ່າ​ນີ້ ໄດ້​ທຳ​ລາຍ​ສິດ​​ໃນ​ການດຳ​ລົງ​ຊີ​ວິ​ດ​ອັນ​ເປັນ​ປົກ​ກະ​ຕິ​ຂອງ​ປະ​ຊາ​ຊົນ​ທັງຫຼາຍ. ອຳ​ນາ​ດ​ກາ​ນ​ປົກ​ຄອງ​ເຂດ​ບໍ​ລິ​ຫານ​ພິ​ເສດ​ຈິ່ງ​ຮຽກ​ຮ້ອງ​ໃຫ້​ປະ​ຊາ​ຊົນ​ທັງຫຼາຍ​ສະ​ແດງ​ອອກ​ໃນ​ລັກ​ສະ​ນະ​ສັນ​ຍາ​ລັກ “ບໍ່” ຕໍ່​ຄວາມ​ຮຸນ​ແຮງ, ຊ່ວຍ​ສັງ​ຄົມ​ຟື້ນ​ຟູ​ຄວາມ​ເປັນ​ລະ​ບຽບ​ຮຽບ​ຮ້ອ​ຍ​ໂດຍ​ໄວ. ເຈົ້າ​ໜ້າ​ທີ່​ຕຳຫຼວດ​ຮົງ​ກົງ​ກໍ​ຈະ​ປະ​ຕິ​ບັດ​ກົດ​ໝາຍ​ຢ່າງ​ເຂັ້ມ​ງວດ ແລະ ເດັດ​ຂາດ ເພື່ອ​ລົງ​ໂທດ​ພວກ​ປະ​ທ້ວງ​ຜິດ​ກົດ​ໝາຍ​ຢ່າງ​ຖືກ​ຕ້ອງ​ຕາມ​ກົດ​ໝາຍ.

ຄຳ​ເຫັນ

0