莫小玲

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ຈີນ​ຊ່ວຍ​ເຫຼືອ​ປັບ​ປຸງ​ສ້ອມ​ແປງ​ສະ​ໜາມ​ກິ​ລາ​ແຫ່ງ​ຊາດມຽນ​ມາ

2019-08-12 10:35:26 cri

​ຕາມ​ຂ່າວCRI: ໂຄງ​ການ​ປັບ​ປຸງ​ສ້ອມ​ແປງ​ສະ​ໜາມ​ກິ​ລາ​ແຫ່ງ​ຊາດ​ມຽນ​ມາ​ທີ່​ຈີນ​ຊ່ວຍ​ເຫຼືອ​ໄດ້​ຈັດ​ພິ​ທີ​ລົງ​ມື​ສ້າງ​ຢູ່​​ຢ່າງ​ກຸ້ງ​ໃນ​ວັນ​ທີ 11 ສິງ​ຫານີ້. ທ່ານ​ເຊີນ​ໄຮ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ມຽນ​ມາ, ທ່ານ​ອູ​ພີວມີ​ນາ​ຕ ລັດ​ຖະ​ມົນ​ຕີ​ກະ​ຊວງ​ສາ​ທາ​ລະ​ນະ​ສຸກ​ແລະ​ກິ​ລາ​ມຽນ​ມາ, ທ່ານ​​ມຽນ​ທະ​ເວ ເຈົ້າ​ແຂວງ​ຢາງ​ກຸງ​ໄດ້​ເຂົ້າ​ຮ່ວມ​ພິ​ທີດັ່ງ​ກ່າວ.

    ສະ​ໜາມ​ກິ​ລາ​ແຫ່ງ​ຊາດ​ມຽນ​ມາ​ທີ່​ຈີນ​ຊ່ວຍ​ເຫຼືອກໍ່​ສ້າງ​ໃນ​ເດືອນ​ທັນ​ວາ​ປີ 1982, ໄດ້ສຳ​ເລັດ​ໃນ​ເດືອນ​ມີ​ນາ​ປີ 1986, ​ມີເນື້ອ​ທີ່​ກໍ່​ສ້າງ​ທັງ​ໝົດ​​ປະ​ມານ 26 ພັນ​ຕາ​ແມັດ, ມີ 10,853 ບ່ອນ​ນັ່ງ, ແມ່ນ​ “ສະ​ໜາມ​ກິ​ລາ​ທີ່​ບັນ​ຈຸ​ຜູ້​ຊົມ​​ໝື່ນ​ຄົນ”​ມີບໍ່ຫຼາຍ​ໃນ​ເຂດ​ອາ​ຊີ​ອາ​ຄະ​ເນ​​ໃນ​ຊຸມ​ປີ 1980, ເມື່ອ​ສ້າງ​ສຳ​ເລັດ​ແລ້ວ​ໄດ້​ຖືກ​ຂະ​ໜານ​ນາມ​​ໃຫ້ເປັນ “​ສັນ​ຍາຫຼັກແຫ່ງ​ມິດ​ຕະ​ພາບ”ຈີນ-ມຽນ​ມາ. ໃນ​ຖາ​ນະ​ທີ່​ເປັນສະ​ໜາມກິ​ລາ​ຕົ້ນ​ຕໍ​ສຳ​ຄັນ​ກວ່າ​ໝູ່​ໃນ​ມຽນ​ມາໃນ​ໄລ​ຍະ 30 ກວ່າ​ປີ​ຜ່ານ​ມາ, ​ສະ​ໜາມ​ກິ​ລາ​ແຫ່ງ​ຊາດ​ນີ້​ໄດ້​ຖືກ​ນຳ​ໃຊ້​ເລື້ອຍໆ, ພື້ນ​ຖານ​ໂຄງ​ລ່າງ​ແລະ​​ອຸ​ປະ​ກອນ​ລ້ວນ​ແຕ່​ເກົ່າ​ແກ່​ເພ​ພັງ​ໄປ​ຕາມ​ການ​ເວ​ລາ, ລະ​ບົບ​ແອກໍ່​ບໍ່​ຄ່ອຍ​ດີ​ຕາມ​ປົກ​ກະ​ຕິ, ລະ​ບົບ​​ດັບເພີງກໍ່​​ເພ​ພັງ. ປັດ​ຈຸ​ບັນ, ຜູ້​ຊ່ຽວ​ຊານ​ຂອງ​ໂຄງ​ການ​ທີ່​ມາ​ຈາກ​ກຸ່ມ​ບໍ​ລິ​ສັດກໍ່​ສ້າງ​ຊຽງ​ໄຮ້ ເຊິ່ງ​ເປັນ​ຝ່າຍ​ຮັບ​ເໝົາກໍ່​ສ້າງ​ສ້ອມ​ແປງ​ຂອງ​ໂຄງ​ການນີ້ ໄດ້​ເດີນ​ທາງ​ມາ​ເຖິງ​ຢ່າງ​ກຸ້ງແລ້ວ, ​ແລະຈະ​​ລົງ​ມືດຳ​ເນີນ​ການ​ປັບ​ປຸງ​​ສະ​ໜາມ​ກິ​ລາ​ດັ່ງ​ກ່າວ​ຕາມ​ຄວາມ​​ຮຽກ​ຮ້ອງຕ້ອງ​ການ​ຂອງ​ມຽນ​ມາ.

ຄຳ​ເຫັນ

0