李建祥

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
第二届中国国际进口博览会

ກຳ​ປູ​ເຈ​ຍ​ເລີ່ມ​ປະ​ຕິ​ບັດ “ໂຄງ​ການ​ຕ້ານ​ການ​ສໍ້​ລາດ​ບັງ​ຫຼວງ”

2019-08-12 10:23:07 cri

    ຫວ່າງມໍ່ໆ​ມານີ້, ລັດ​ຖະ​ບານ​ກຳ​ປູ​ເຈຍໄດ້​ເລີ່ມ​ປະ​ຕິ​ບັດ “ໂຄງ​ການ​ຕ້ານ​ການ​ສໍ້​ລາດ​ບັງຫຼວງ” ​ໂດຍ​ໄດ້​ຈັບ​ກຸມ​ເຈົ້າ​ໜ້າ​ທີ່​ທີ່​ສໍ້​ລາດ​ບັງຫຼວງ​ຈຳ​ນວນ​ໜຶ່ງ ເຊິ່ງ​ສະ​ແດງ​ໃຫ້​ພາຍນອກ​ເຫັນ​ວ່າ ​ລັດ​ຖະ​ບານຈະ​ທຸ່ມ​ເທ​ໃນ​ການ​ສ້າງ​ລັດ​ຖະ​ບານ​ທີ່​ປອດ​ໄສ​ຂາວ​ສະ​ອາດ.

    ໃນ​ກອງ​ປະ​ຊຸມ​ລັດ​ຖະ​ບານ​ທີ່​ຈັດ​ຂຶ້ນ​ໃນ​ວັນ​ທີ 2 ສິງ​ຫານີ້, ທ່ານ ຮຸນ​ແຊນ ນາ​ຍົກ​ລັດ​ຖະ​ມົນ​ຕີ​ກຳ​ປູ​ເຈຍ ໄດ້​ກ່າວ​ເຕືອນ​ເຈົ້າ​ໜ້າ​ທີ່​ອາ​ວຸ​ໂສ, ທະ​ຫານ​ແລະ​ຕຳຫຼວດ​ວ່າ: ຖ້າ​​ຮັບສິນ​ບົນ ຈະ​ຖືກ​ປົດ​ຕຳ​ແໜ່ງ​ແລະ​ອາ​ຍັດ​ຊັບ​ສິນ ທັງ​ຈະ​ລົງ​ໂທດ​ຕາມ​ກົດ​ໝາຍ ເຊິ່ງ​ສະ​ແດງ​ໃຫ້​ເຫັນ​ເຖິງ​ຄວາມ​ຕັດ​ສິນ​ໃຈ​ຂອງ​ລັດ​ຖະ​ບານ​ໃນ​ການ​ຕ້ານ​ການ​ສໍ້​ລາດ​ບັງຫຼວງ​ຢ່າງ​ເດັດ​ຂາດ. ນອກນີ້, ໃນ​ເວ​ລາ​ສຳຫຼວດ​ສະ​ໜາມ​ກິ​ລາ​ແຫ່ງ​ຊາດ​ແຫ່ງ​ໃໝ່​ຂອງ​ກຳ​ປູ​ເຈຍ​ທີ່​ຈີນ​ຊ່ວຍ​ສ້າງ​ໃນ​ກ່ອນ​ໜ້າ​ນີ້​ບໍ່​ດົນ, ທ່ານ ຮຸນ​ແຊນ ໄດ້​ກ່າວ​ຢ່າງ​ເປີດ​ເຜີຍ​ວ່າ: ຈະ​ສົ່ງ​ເຈົ້າ​ໜ້າ​ທີ່​ຂອງ​ຄະ​ນະ​ກຳ​ມະ​ການ​ຕ້ານ​ການ​ສໍ້​ລາດ​ບັງຫຼວງ​ແຫ່ງ​ຊາດ​ໄປ​ຈັບ​ກຸມ​ເຈົ້າ​ໜ້າ​ທີ່​ສໍ້​ລາດ​ບັງຫຼວງ​ໂດຍ​ກົງ.

    ໃນ​ຂະ​ນະ​ທີ່​ຕ້ານ​ການ​ສໍ້​ລາດ​ບັງຫຼວງ, ລັດ​ຖະ​ບານ​ກຳ​ປູ​ເຈຍ ຍັງ​ໄດ້​ເພີ່ມ​ຄວາມ​ເຂັ້ມ​ແຂງ​ໃຫ້​ແກ່ວຽກ​ງານ​ຕ້ານ​ການ​ຟອກ​ເງິນ​ແລະຕ້ານການລະ​ດົມ​ທຶນເພື່ອ ​ນຳ​ໃຊ້​ໃນ​ການກໍ່​ການ​ຮ້າຍ, ໂດຍ​ຮຽກ​ຮ້ອງ​ໃຫ້​ເຈົ້າ​ຂອງວິ​ສາ​ຫະ​ກິດ​ເຄ​ຫະ​ສະ​ຖານ​ແລະ​ສະ​ຖານ​ທີ່ຫຼິ້ນ​ພະ​ນັນ​ເຂົ້​າ​ຮ່ວມ​ການ​ຈັດ​ຕັ້ງ​ປະ​ຕິ​ບັດ ເພື່ອ​ລົບ​ລ້າງ​ແຫຼ່ງ​ກຳ​ເນີດ​ຂອງ​ການ​ຟອກ​ເງິນ​ແລະ​ການ​ລະ​ດົມ​ທຶນ​ເພື່ອ​ນຳ​ໃຊ້​ເຂົ້າ​ໃນ​ການກໍ່​ການ​ຮ້າຍ.

ຄຳ​ເຫັນ

0