吴佳萱

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
首届中国国际进口博览会_fororder_首届中国国际进口博览会760X250 拷贝

ລູກ​ຂອງ​ທ່ານ ທັກ​ສິນ ອະດີດ​ນາຍົກລັດຖະມົນຕີ​ໄທ​​​ຖືກ​ຕັ້ງ​ຂໍ້​ຫາ​ສົງ​ໄສ​ວ່າຟອກ​ເງິນ

2018-10-12 17:29:36 cri

ວັນ​ທີ 10 ຕຸລາ​ນີ້, “ໜັງສື​ພິມ​​ບາງ​ກອກ​​ໂປ​ສ”​ ​ໄທ​ໄດ້​ລາຍ​ງານ​ວ່າ: ທ່ານພານ​ທອງ​ແທ້ ຊີ​ນນະ​ວັດ ລູກ​ຊາຍດຽວ​ຂອງ​ທ່ານ​ທັກ​ສິນ ຊີ​ນນະ​ວັດ ອະດີດ​ນາຍົກລັດຖະມົນຕີ​ໄທ​ໄດ້ຖືກ​ສືບສວນ​ຢູ່​ໄອ​ຍະ​ການ​ສູງ​ສຸດ​ໂດຍ​ມີ​ນ້ອງ​ສາວ ​ແລະ​ສະມາຊິກ​ພັກ​ເພື່ອ​ຮ່ວມ​ເດີນທາງ​ໄປ​ນຳ. ທ່ານ​ໄດ້​ຖືກ​ຕັ້ງ​ຂໍ້​ຫາກ່ຽວ​ກັບ​ການຟອກ​ເງິນ, ​ໃນ​​ມື້​ດຽວ​ກັນ, ສາ​ນອະນຸຍາດ​​ໃຫ້ປະກັນຕົວ​ດ້ວຍ​ເງິນ 1 ລ້ານ​ບາດ. ​ແລະ​ທ່ານ​ຈະຂຶ້ນ​ສານອີກ​ໃນ​ວັນ​ທີ 5 ພະຈິກໜ້າ​ນີ້, ຖ້າ​ທ່ານ​ຍອມຮັບ​ຜິດ​ຕໍ່​ການ​ຕັ້ງຂໍ້​ຫາ, ທ່ານ​ຈະ​ຖືກ​ກັກ​ຂັງສູງ​ສຸດ​ເປັນ​ເວລາ 10 ປີ.

ທ່ານ​ພານ​ທອງ​​ແທ້ໄດ້​ຖືກ​ຕັ້ງ​ຂໍ້​ຫາ​ຮັບ​ໃບ​ເຊັກ 10 ລ້ານ​ບາດ ​ເຊິ່ງມີ​ການ​ພົວພັນ​ກັບ​ຄະດີ​ຕົ້ມຕົວະ​ຫຼອກ​ລວງຄະດີ​ໜຶ່ງ​ໃນ​ໄລຍະທີ່​ພໍ່​ຂອງ​ທ່ານ​​ດຳລົງ​ຕຳ​ແໜ່​ງ​ເປັນ​ນາຍົກ​ລົດ​ຖະມົນຕີ​ໄທ. ຜູ້​ສະໜັບ​ສະ​ໜູນ​ຄອບຄົວ​ທັກ​ສິນ​ກ່າວ​ວ່າ: ການ​ຕັ້ງ​ຂໍ້​ຫາ​ມີ​ຈຸດປະສົງ​ທາງ​ການ​ເມືອງ. ​ແຕ່​ຄວາມ​ເວົ້າ​ດັ່ງກ່າວ​ໄດ້​ຖືກ​ປະຕິ​ເສດ​ໂດຍ​ລັດຖະບານ​ໄທ.

ຄຳ​ເຫັນ

0