黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
首届中国国际进口博览会_fororder_首届中国国际进口博览会760X250 拷贝

ຈີນ​-ໄທ​ເຊັນ​ສັນ​ຍາ​ຮ່ວມ​ມືໂຄງ​ການ​ຊັບ​ພະ​ຍາ​ກອນ​ນ້ຳ​ໃນກອງ​ທຶນ​ສະ​ເພາະ​​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ

2018-10-12 14:20:30 cri

ຕາມ​ຂ່າວ CRI: ວັນ​ທີ 11 ​ຕຸ​ລາ​ນີ້, ທ່ານ​ລູ​ຈ້ຽນ ເອກ​ອັກ​ຄະ​ລັດ​ຖະ​ທູດ​ຈີນ​ປະ​ຈຳ​ໄທ​ແລະ​ທ່ານ ວິ​ຈານ ສີ​ມາ​ສາ​ຍາ ​ຫົວ​ໜ້າ​ຫ້ອງ​ການ​ກະ​ຊວງ​ຊັບ​ພະ​ຍາ​ກອນ​ທຳ​ມະ​ຊາດ​ແລະ​ສິ່ງ​ແວດ​ລ້ອມ​ໄທ​ໄດ້​ເຊັນ​ສັນ​ຍາຮ່ວມ​ມື​​ໂຄງ​ການ​ຊັບ​ພະ​ຍາ​ກອນ​ນ້ຳໃນ​ກອງ​ທຶນ​ສະ​ເພາະ​ການ​ຂອງ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ຢູ່​ນະ​ຄອນ​ຫຼວງ​ບາງກອກ​ຂອງ​ໄທ. ໂດຍ​ມີຜູ້​ຕາງ​ໜ້າ​ຂອງ​ກະ​ຊວງ​ການ​ຕ່າງ​ປະ​ເທດ​ໄທ, ຫ້ອງ​ການ​ຊັບ​ພະ​ຍາ​ກອນ​ນ້ຳ​ແຫ່​ງ​ຊາດ​ໄທ​ແລະ​ພາກ​ສ່ວນ​ທີ່​ກ່ຽວ​ຂ້ອງ​ຂອງ​ໄທ, ທູ​ຕາ​ນຸ​ທູດ​ຫຼື​ຜູ້​ຕາງ​ໜ້າ​ຂອງ​ມຽນ​ມາ, ລາວ​ແລະ​ຫວຽດ​ນາມ​​ປະ​ຈຳ​ໄທໄດ້​ເຂົ້າ​ຮ່ວມ​.

ທ່ານ​ລູ​ຈ້ຽນ​ດ້​ມີ​ຄວາມ​ເຫັນ​ວ່າ, ກົນ​ໄກ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ສ້າງ​ຕັ້ງ​ຂຶ້ນ​ສອງ​ປີ​ມາ​ນີ້, ​ການ​ຮ່ວມ​ມື​ດ້ານ​ຊັບ​ພະ​ຍາ​ກອນ​ນ້ຳ​ໄດ້​ຮັບ​ໝາກ​ຜົນ​ທີ່​ອຸ​ດົມ​ສົມ​ບູນ, ກົນ​ໄກ​ຮ່ວມ​ມື​ກໍ​​ນັບ​ມື້​ນັບ​ສົມ​ບູນ​ຂຶ້ນ. ສູນ​ການ​ຮ່ວມ​ມື​ຊັບ​ພະ​ຍາ​ກອນ​ນ້ຳ​ໄດ້​ສ້າງ​ຕັ້​ງ​ຂຶ້ນ​ຢ່າງ​ເປັນ​ທາງ​ການ, ບັນ​ດາ​ຝ່າຍ​ພວມ​ຕັ້ງ​ໜ້າ​ຄົ້ນ​ຄວ້າ​ປຶກ​ສາ​ຫາ​ລື​ແລະ​ລົງ​ນາມ​ໃນ “ແຜນ​ການ 5 ປີ​ແຫ່ງ​ການ​ຮ່ວມ​ມື​ຊັບ​ພະ​ຍາ​ກອນ​ນ້ຳ​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ”. ຈີນ​ຍິນ​ດີ​ສືບ​ຕໍ່​ຮ່ວມ​ກັບ​ປະ​ເທດ​​ລຸ່ມ​ແມ່​ນ້ຳ​ຂອງ​ລວມ​ທັງ​ປະ​ເທດ​ໄທ, ເພີ່ມ​ທະ​ວີ​ການ​ຮ່ວມ​ມືຕົວ​ຈິງ​ໃນ​ຂົງ​ເຂດ​ຊັບ​ພະ​ຍາ​ກອນ​ນ້ຳ​ພາຍ​ໃຕ້​ຂອບ​ການ​ຮ່ວມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ, ຊຸກ​ຍູ້​ໃຫ້​ການ​ຮ່ວມ​ມື​ຍົກ​ຂຶ້ນ​ສູ່​ລະ​ດັບ​ໃໝ່​ຕື່ມ​ອີກ.

ທ່ານ​ວິ​ຈານ​ກ່າວ​ວ່າ, ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ແມ່ນ​ຊັບ​ສົມ​ບັດ​ຮ່ວມ​ກັນ​ຂອງ​ບັນ​ດາ​ປະ​ເທດ​ໃນ​ພາກ​ພື້ນ​ນີ້, ໄທ​ຈະ​ຕັ້ງ​ໜ້າ​ສະ​ໜັບ​ສະ​ໜູນ​ຂໍ້​ລິ​ເລີ່ມ​ຂອງ​ຈີນ​ກ່ຽວ​ກັບ​ການ​ສ້າງ​ປະ​ຊາ​ຄົມ​ຮ່ວມ​ຊາ​ຕາ​ກຳ​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ເພື່ອ​ສ້າງສັນ​ຕິ​ພາບ​ແລະ​ຄວາມ​ຈະ​ເລີນ​ຮຸ່ງ

​ເຮືອງ, ຕັ້ງ​ໜ້າ​ເຂົ້າ​ຮ່ວມ​ໂຄງ​ການ​ຮ່ວມ​ມື​ທີ່​ກ່ຽວ​ຂ້ອງ​ພາຍ​ໃຕ້​ຂອບ​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ, ຮ່ວມ​ກັນ​ຮັບ​ມື​ກັບ​ສິ່ງທ້າ​ທາຍ​ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ, ແລະ​ສ້າງ​ຄອບ​ຄົວ​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ທີ່​​ເປັນ​ມິດ​ກັບ​ສິ່ງ​ແວດ​ລ້ອມ.

ຄຳ​ເຫັນ

0