吴佳萱

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
广西自治区60周年专题_fororder_微信图片_20181205091747

ມາ​ເລ​ເຊຍ​ຢຸດ​ຕິການ​ປະຕິບັດ “ກົດໝາຍຍຸຍົງ​ປີ 1948”

2018-10-12 17:28:42 cri

ວັນ​ທີ 11 ຕຸລາ​ນີ້, ທ່ານ​ໂກບິນ​ຊີ​ເດ​ວ ລັດຖະມົນຕີ​ກະຊວງ​ການ​ສື່ສານ ​ແລະ​ສັບ​ທະ​ສື່ມາ​ເລ​ເຊຍ​ໄດ້​ເປີດ​ເຜີຍ​ວ່າ: ກອງ​ປະຊຸມຄະນະ​ລັດຖະບານມາເລ​ເຊຍທີ່​ຈັດ​ຂຶ້ນ​ໃນ​ວັນ​ທີ 10 ຕຸລາ​ນີ້​ໄດ້​ຕັດສິນ​ໃຈ​ຢຸດຕິ​ການ​ປະຕິ​ບັດ “ກົດໝາຍ​ຍຸຍົງ​ປີ 1948”​ ​ເປັນ​ການ​ຊົ່ວຄາວ ​ແລະ​ຈະ​ຍື່ນ​ໃຫ້ລັດຖະ​ສະພາ​ ​ເພື່ອຍົກ​ເລີກ​ກົດໝາຍ​ນີ້.

“ກົດໝາຍ​ຍຸຍົງ​ປີ 1948”​ ​ໄດ້ສ້າງ​ຂຶ້ນ​ໃນ​​ໄລ​ຍະ​ມາ​ເລ​ເຊຍ​ເປັນ​ຫົວ​ເມືອງ​ຂຶ້ນ​ຂອງ​ອັງກິດ, ຫຼັງ​ຈາກ​ມາ​ເລ​ເຊຍ​ເປັນ​ເອກະລາດ​ແລ້ວ, ກົດໝາຍ​ນີ້​ໄດ້​ຮັບ​ການ​ປັບປຸງຫຼາຍ​ຄັ້ງ ​ແລະ​ຍັງ​ສືບ​ຕໍ່ຈັດ​ຕັ້ງ​ປະຕິບັດ​ຕໍ່​ໄປ. ​ຕາມ​ຮ່າງ​ກົດໝາຍ​ຍຸຍົງ​ສະບັບ​ປັບປຸງ​ໃນ​ປີ 2015 ​ໄດ້​ກຳນົດ​ວ່າ: ຜູ້​ທີ່​ກະທຳຜິດ​ກົດໝາຍ​ເນື່ອງ​ຈາກ​ເວົ້າ​ຍຸຍົງ​ອາດ​ຖືກ​ຕັດອິດ​ສະຫຼະ​ພາບຢ່າງ​ໜ້ອຍ 3 ປີ, ​ແລະ​ຖ້າ​ເຮັດ​ໃຫ້​ມີ​ຜູ້​ບາດ​ເຈັບ ຫຼື ​ເສຍ​ຫາຍ​ທາງ​ຊັບ​ສິນ, ຈະ​ຖືກ​ຕັດ​ອິດສະຫຼະພາບ​ສູງ​ສຸດ 20 ປີ.

ສັງຄົມ​ມາ​ເລ​ເຊຍ​ໄດ້ຮຽກຮ້ອງ​ໃຫ້​ຍົກ​ເວັ້ນ​ກົດໝາຍ​ດັ່ງກ່າວ​ເປັນ​ເວລາ​ດົນ​ນານ​ແລ້ວ, ​ໃນ​ໄລຍະ​ກຳ​ອຳນາດ​ຂອງ​ທ່ານ​ໂມ​ຮາ​ມັດ ນາ​ຈີບ ອັບ​ດູ​ນຣາຊັກ ອະດີດ​ນາ​ຍົກ​ລັດຖະມົນຕີ​ມາ​ເລ​ເຊຍ​​ກໍ​ຢາກ​ຍົກ​ເລີກກົດໝາຍສະບັບ​ດັ່ງກ່າວ​ເຊັ່ນ​ກັນ, ​ແຕ່​ບໍ່​ສາມາດ​ບັນລຸຜົນ​ເປັນ​ຈິງ​ໄດ້​​ເນື່ອງ​ຈາກ​ວ່າຖືກຄັດຄ້ານ​ຈາກ​ພັກເອກະພາ​ບ​​ແຫ່ງຊາດ​ມາ​ເລ​ເຊຍທີ່​ເປັນ​ພັກ​ກຳ​ອຳນາດ​ໃນ​ໄລຍະ​ນັ້ນ.

ຄຳ​ເຫັນ

0