尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
首届中国国际进口博览会_fororder_首届中国国际进口博览会760X250 拷贝

ນາ​ຍົກ​ຈີນ​ພົບ​ປະ​ກັບ​ຜູ້​ຕາ​ງ​ໜ້າວິ​ສາ​ຫະ​ກິດ​ແລະ​ອະ​ດີດ​ເຈົ້າ​ໜ້າ​ທີ່​ລະ​ດັບ​ສູງຍີ່​ປຸ່ນ​

2018-10-11 15:54:44 cri

ຕາມ​ຂ່າວCRI: ຕອນ​ເຊົ້າ​ວັນ​ທີ 10 ຕຸ​ລາ​ນີ້ ຢູ່​ຫໍ​ຮັບ​ແຂກ​ຈືກວ່າງ​ເກີທຳ​ນຽບຈົ່ງ​ນານ​ໄຫ, ທ່ານ ຫຼີ​ເຄີ້​ສຽງ ນາ​ຍົກ​ລັດ​ຖະ​ມົນ​ຕີ​ຈີນ​ໄດ້ພົບ​ປະ​ກັບ​ຜູ້​ຕາງ​ໜ້າ​ຍີ່​ປຸ່ນ​ທີ່​ເຂົ້າ​ຮ່ວມກອງ​ປະ​ຊຸມ​ສົນ​ທະ​ນານັກ​ວິ​ສາ​ຫະ​ກິດ​ແລະ​ອະ​ດີດ​ເຈົ້າ​ໜ້າ​ທີ່​ລະ​ດັບ​ສູງ​ຈີນ-ຍີ່​ປຸ່ນ​ຄັ້ງ​ທີ 4.
 

ທ່ານ ຫຼີ​ເຄີ້​ສຽງ ກ່າວ​ວ່າ: ປີ​ນີ້​ພໍ​ດີ​ແມ່ນ​ປີ​ນີ້​ຈີນ​ແລະ​ຍີ່​ປຸ່ນ​ເຊັນ​ສົນ​ທິ​ສັນ​​​ຍາ​ສັນ​ຕິ​ພາບ​ແລະ​ມິດ​ຕະ​ພາບ​ຈີນ-ຍີ່​ປຸ່ນ​ຄົບ​ຮອບ 40 ປີ. ພາຍ​ໃຕ້​ຄວາມ​ພະ​ຍາ​ຍາມ​ຮ່ວມຂອງ​ສອງ​ຝ່າຍ, ສາຍ​ພົວ​ພັນ​ລະ​ຫວ່າງ​ຈີນ-ຍີ່​ປຸ່ນສືບ​ຕໍ່​ໄດ້​ຮັບ​ການ​ເພີ່ມ​ທະ​ວີ​​ປັບ​ປຸງ​ໃຫ້​ດີຂຶ້ນ. ຫວັງ​ວ່າ​ສອງ​ຝ່າຍ​ສາ​ມາດ​ສືບ​ຕໍ່​ເຄົາ​ລົບ​ແລະ​ປະ​ຕິ​ບັດ​ຕາມ​ຫຼັກ​ການ​ຂອງ​ເອ​ກະ​ສານ​ການ​ເມືອງ 4 ສະ​ບັບ​ລະ​ຫວ່າງ​ສອງ​ປະ​ເທດ,ຊຸກ​ຍູ້​ສາຍ​ພົວ​ພັນ​ລະ​ຫວ່າງ​ສອງ​ປະ​ເທດ​ໃຫ້​ຂະ​ຫຍາຍ​ຕົວ​ໄປ​ໜ້າ​ຢ່າງ​ບໍ່​ຢຸດ​ຢັ້ງ.
 

ທ່ານ​ຫຼີ​ເຄີ້​ສຽງ​ກ່າວ​ຕື່ມ​ວ່າ: ຈີນ​ແລະ​ຍີ່​ປຸ່ນ​ໃນ​ຖາ​ນະ​ເປັນ​ກຸ່ມ​ເສດ​ຖະ​ກິດ​ທີ່​ສຳ​ຄັນ​ຂອງ​ໂລກ,ການ​ລົງ​ເລິກ​ການ​ຮ່ວມ​ມື​ດ້ານ​ເສດ​ຖະ​ກິດ​ການ​ຄ້າ​ລະ​ຫວ່າງ​ສອງ​ຝ່າຍ​ບໍ່​ພຽງ​ແຕ່​ມີ​ຜົນ​ດີ​ຕໍ່​ສອງ​ຝ່າຍ​ເທົ່າ​ນັ້ນ,ຍັງ​ມີ​ຜົນ​ດີ​ຕໍ່​ການ​ພັດ​ທະ​ນາ​ເສດ​ຖະ​ກິດ​ການ​ຄ້າ​ຂອງ​ໂລກ. ຫວັງ​ວ່າ​ສອງ​ຝ່າຍ​ສາ​ມາດ​ເສີມ​ຂະ​ຫຍາຍ​ທ່າ​ແຮງ​ຊ່ວຍ​ຊູ​ຍູ້​ໜູນ​ເຊິ່ງ​ກັນ​ແລະ​ກັນ,ຮ່ວມ​ກັນ​​ບຸກ​ເບີກ​ຕະ​ຫຼາດ​ຝ່າຍ​ທີ​ 3,ປົກ​ປັກ​ຮັກ​ສາ​ລັດ​ທິ​ຫຼາຍ​ຝ່າຍ​ແລະ​ລະ​ບົບ​ການ​ຄ້າ​ເສ​ລີ. ຈີນ​ຈະ​ສື​ບ​ຕໍ່​ເພີ່ມ​ການ​ເປີດ​ປະ​ຕູ​ສູ່​ພາຍນອກ,ຍິນ​ດີ​ຕ້ອນ​ຮັບ​ວິ​ສາ​ຫະ​ກິດ​ຍີ່​ປຸ່ນ​ເພີ່ມ​ການ​ລົງ​ທຶນ​​ຢູ່ຈີນ,ສືບ​ຕໍ່​ເສີມ​ຂະ​ຫຍາຍ​ບົດ​ບາດ​ຢ່າງ​ຕັ້ງ​ໜ້າ​ເຂົ້າ​ໃນການ​ແລກ​ປ່ຽນ​ແລະ​ການ​ຮ່ວມ​ມື​ລະ​ຫວ່າງ​ສອງ​ປະ​ເທດ,ຊຸກ​ຍູ້​ສາຍ​ພົວ​ພັນຈີນ-ຍີ່​ປຸ່ນ​ໃຫ້​ຂະ​ຫຍາຍ​ຕົວ​ຢ່າງ​ໝັ້ນ​​ຄົງ​ແລະ​ປອດ​ໃສ.

ຄຳ​ເຫັນ

0