尚艳波

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
老挝水坝_fororder_111111111

ທ່ານ ວາງ​ຢີ້ ພົບ​ປະ​ກັບລັດ​ຖະ​ມົນ​ຕີຜູ້​ທີ​ສອງກະ​ຊວງ​ການ​ຕ່າງ​ປະ​ເທດ​ແລະ​ການ​ຄ້າບ​ຣູ​ໄນ

2018-06-14 15:43:57 cri

ວັນ​ທີ 13 ມິ​ຖຸ​ນາ​ນີ້, ຢູ່​ທີ່​ປັກ​ກິ່ງ, ທ່ານ ວາງ​ຢີ້ ທີ່​ປຶກ​ສາ​ແຫ່ງ​ລັດ​ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ໄດ້​ພົບ​ປະ​ຫາ​ລືກັບ​ທ່ານ ເອ​ຣິ​ວານ ລັດ​ຖະ​ມົນ​ຕີ​ຜູ້​ທີສອງ​ກະ​ຊວງ​ການ​ຕ່າງ​ປະ​ເທດແລະ​ການຄ້າບ​ຣູ​ໄນ​ທີ່​ຢ້ຽມ​ຢາມ​ຈີນ​ຢ່າງ​ເປັນ​ທາງ​ການ.

ທ່ານ ວາງ​ຢີ້ ກ່າວ​ວ່າ, ຈີນ​ຍິນ​ດີ​ຮ່ວມ​ກັບ​ບ​ຣູ​ໄນ​ຈັດ​ຕັ້ງ​ປະ​ຕິ​ບັດ​ຄວາມ​ຮັບ​ຮູ້​ທີ່​ເປັນ​ເອ​ກະ​ພາບ​​ກັນລະ​ຫວ່າງ​ກາ​ນ​ນຳຂັ້​ນ​ສູງ​ຂອງ​ສອງ​ປະ​ເທດ​ໃຫ້​ດີ,ຮັດ​ແໜ້ນ​ການ​ໄປ​ມາ​ຫາ​ສູ່​ກັນ​ລະ​ຫວ່າ​ງ​ການ​ນຳ​ຂັ້ນ​ສູງ​ຂອງ​ສອງ​ປະ​ເທດ,ລົງ​ເລິກ​ການເຊື່ອມ​ຕໍ່​ກັນ​ດ້ານ​ຍຸດ​ທະ​ສາດການ​ພັດ​ທະ​ນາ,ຊຸກ​ຍູ້​ການ​ຮ່ວມ​ມື “ໜຶ່ງ​ແລວ​ໜຶ່ງ​ເສັ້ນ​ທາງ”,ຊຸກ​ຍູ້​ການ​ພົວ​ພັນ​ລະ​ຫວ່າງ​ສອງປະ​ເທດໃຫ້​ໄດ້​ຮັບ​ການ​ພັດ​ທະ​ນາ​ທີ່​ໃຫຍ່​ຫຼວງກວ່າ​ເກົ່າ, ຈີນ​ຍິນ​ດີ​ຮ່ວມ​ກັບ​ບ​ຣູ​ໄນ​​ຊຸກ​ຍູ້​ການ​ພົວ​ພັນ​ລະ​ຫວ່າງ​ຈີນ-ອາ​ຊຽນ​ໃຫ້​ຍົກ​ຄຸນ​ນະ​ພາບ​​ສູງ​ຂຶ້ນ​ແລະ​ກ້າວ​ຂຶ້ນ​ສູ່​ລະ​ດັບ​ໃໝ່.

ທ່ານ ເອ​ຣິ​ວານ ກ່າວ​ວ່າ, ບ​ຣູ​ໄນ​ຄອງ​ຄອຍ​ແລະ​ເຊື່ອໝັ້ນ​ວ່າ​ພາຍ​ໃຕ້​ການ​ນຳ​ພາ​ຂອງ​ທ່ານປະ​ທານ​ ສີ​ຈິ້ນ​ຜິງ ຈີນ​ຈະ​ໄດ້​ຮັບ​ຜົນ​ສຳ​ເລັດ​ແຫ່ງ​ການ​ພັດ​ທະ​ນາ​ທີ່​ໃຫຍ່​ຫຼວງກວ່າ​ເກົ່າ,ພ້ອມ​ທັງ​ຍິນ​ດີ​ຮ່ວມ​ກັບ​ຈີນ​ລົງ​ເລິກ​ການ​ຮ່ວມ​ມື​“ໜຶ່ງ​ແລວ​ໜຶ່ງ​ເສັ້ນ​ທາງ”.

ນອກ​ນີ້,ສອງ​ຝ່າຍ​ຍັງ​ໄດ້​ແລກ​ປ່ຽນ​ຄວາມ​ຄິດ​​ເຫັນ​ກ່ຽວ​ກັບ​ບັນ​ຫາ​ທະ​ເລ​ຈີນ​ໃຕ້ ໂດຍ​ເຫັນ​ດີ​ຢ່າງ​ເປັນ​ເອ​ກະ​ພາບ​ວ່າຈະ​ສືບ​ຕໍ່​ຈັດ​ຕັ້ງ​ປະ​ຕິ​ບັດ “ຖະ​ແຫຼງ​ການ​ແຫ່ງ​ການ​ປະ​ພຶດ​ຂອງ​ບັນ​ດາ​ຝ່າຍ​ໃນ​ທະ​ເລ​ຈີນ​ໃຕ້”ຢ່າງ​ຮອບ​ດ້ານ​ແລະ​ມີ​ປະ​ສິດ​ທິ​ຜົນ,ຊຸກ​ຍູ້​ການ​ປຶກ​ສາ​ຫາ​ລືກ່ຽວ​ກັບ“ກົດ​ບັດ​ແຫ່ງ​ການ​ປະ​ພຶດ​ໃນ​ທະ​ເລ​ຈີນ​ໃຕ້”.

ຄຳ​ເຫັນ

0