黎明

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
庆祝改革开放 40 周年_fororder_1200 拷贝

ປະຊາ​ຄົມ​ໂລກ​ຕີ​ລາຄາ​ສູງ​ຕໍ່​ “ຈິດ​ໃຈ​ຊຽງ​ໄຮ”

2018-06-14 16:09:09 CRI

ກອງ​ປະຊຸມ​ສຸດ​ຍອດ​ອົງການ​ຮ່ວມ​ມື​ຊຽງ​ໄຮ ​ໄດ້​ອັດ​ລົງຢູ່​ສູນ​ປະ​ຊຸມ​ສາກົນ​ ນະຄອນ​ຊິ່ງຕາວ ​ໃນ​ວັນ​ທີ 10 ມິຖຸນາ​ນີ້. ​ກອງ​ປະຊຸມ​ເທື່ອ​ນີ້​ແມ່ນຈັດ​ຂຶ້ນ​ເປັນຄັ້ງ​ທຳອິດຫຼັງອົງການ​ຮ່ວມ​ມື​ຊຽງ​ໄຮ​ຮັບ​ເອົາ​ສະມາຊິກ​ໃໝ່ ​ເຊິ່ງບໍ່​ພຽງ​ແຕ່​ເປັນ​ກອງ​ປະຊຸມວົງ​ແຄບ​ສຳລັບ​ປະ​ເທດ​ສະມາຊິກ​ເທົ່າ​ນັ້ນ, ​ແຕ່​ຍັງ​ໄດ້​ຈັດ​ກອງ​ປະຊຸມ​ເປີດ​ກວ້າງ​ທີ່​ມີ​ປະ​ເທດ​ສັງ​ເກດ​ການ ​ແລະ ອົງການ​ຈັດຕັ້ງສາກົນທີ່​ຮັບ​ເຊີນ​ເຂົ້າຮ່ວມ​ອີກ​ດ້ວຍ. ​ໃນ​ກອງ​ປະຊຸມ​ສຸດ​ຍອດ​ເທື່ອ​ນີ້, ທ່ານ​ສີ​ຈິ້ນ​ຜິ​ງ ປະທານ​ປະ​ເທດ​ຈີນ​ໄດ້​ກ່າວ​ປາ​ໄສ​ຫຼາຍບົດສຳຄັນ ​ເຊິ່ງ​ເປັນ​ການ​ສົ່ງສຽງ​ອົງການ​ຮ່ວມ​ມື​ຊຽງ​ໄຮ​ກ່ຽວ​ກັບການພັດທະນາ​ຂອງ​ອົງການ​ດັ່ງກ່າວ, ການ​ພົວພັນ​ລະຫວ່າງ​ອົງການ​ຮ່ວມ​ມື​ຊຽງ​ໄຮກັບປະ​ເທດ​ອື່ນໆ ​ແລະອົງການ​ຈັດຕັ້ງສາກົນ​ອື່ນໆ ກໍ​ຄື ການ​ປົກຄອງ​ໃນ​ທົ່ວ​​ໂລກ ທ່າ​ທີ ​ແລະ​ສຽງ​ກ່າວປາ​ໄສທີ່​ເຕັມ​ໄປ​ດ້ວຍ​ຄວາມ​ຮັບຜິດຊອບຂອງ​ທ່ານ​ສີ​ຈິ້ນ​ຜິ​ງ ​ໄດ້​ຮັບ​ຄວາມ​ຍິນ​ດີ​ຈາກຫຼາຍປະ​ເທດ ​ແລະ ອົງການ​ຈັດຕັ້ງສາກົນ ພ້ອມ​ດ້ວຍ​ປະຊາ​ຄົມ​ໂລກ.

ທ່ານ​ຕີ​ເມີ ກູ​ວາ​ຕົ​ຟ ບັນນາທິການ​ໃຫຍ່​ຂ່າວສານ​ກາ​ຊັກ​ສະຖານ​ມື້​ນີ້ ກ່າວ​ວ່າ: ທ່ານ​ສີ​ຈິ້ນ​ຜິ​ງ ປະທານ​ປະ​ເທດ​ຈີນ​ສະ​ເໜີ​ວ່າ​ຈະ​ສົ່ງ​ເສີມ “ຈິດ​ໃຈ​ຊຽງ​ໄຮ” ຕື່ມ​ອີກ ​ເຊິ່ງກ່ອນ​ອື່ນໝົດ​ກໍ​ແມ່ນ​ຄ່າ​ນິຍົມ​ຢ່າງ​ໜຶ່ງ​ ໂດຍສົ່ງ​ເສີມຄວາມ​ໄວ​ເນື້ອ​ເຊື່ອ​ໃຈ​ກັນ ​ແລະ ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດລະຫວ່າງ​ປະ​ເທດ​ສະມາຊິກ​ອົງການ​ຮ່ວມ​ມື​ຊຽງ​ໄຮ ​ແລະ​ສິ່ງ​ເຫຼົ່ານີ້​ຈະ​ມີ​ບົດບາດ​ຕໍ່​ການ​ພັດທະນາ​ເສດຖະກິດ ​ໂດຍ​ສະ​ແດງ​ໃຫ້​ເຫັນຈາກ​ຂະ​ບວນການຕໍ່ຕ້ານ​​ລັດທິ​ກໍ່​ການ​ຮ້າຍ, ລັດທິ​ຫົວ​ຮຸນ​ແຮງ ​ແລະ ລັດທິ​ແບ່ງ​ແຍກທີ່​ມີ​ຢູ່​ໃນ​ໂລກ​ປັດຈຸບັນ ​ເຊິ່ງປັດຈຸບັນ, ປະ​ເທດ​ຕ່າງໆ​ກໍ​ຫວັງ​ຈະ​​ແກ້​ໄຂ​ບັນຫາ​ດັ່ງກ່າວທີ່​ປຽບ​ສະ​ເໝືອນ​ພະຍາດ​ຍຸກ​ສະ​ໄໝ​ນັ້ນ​ໃຫ້ໄດ້.

ອົງການ​ຮ່ວມ​ມື​ຊຽງ​ໄຮ​ໄດ້​ສ້າງຕັ້ງຂຶ້ນມາ​ເປັນ​ເວລາ 17 ປີ​ແລ້ວ, ​ແຕ່​ກໍ​ຍັງ​ເຕັມ​ໄປ​ດ້ວຍ​ພະລັງ​ຊີວິດ​ຊີວາ​ທີ່​ຮຸ່ງ​ເຮືອງ ​ແລະ ພະລັງ​ຊຸກ​ດັນ​ການ​ຮ່ວມ​ມື​ທີ່​ແຂງ​ແຮງ ​ເຊິ່ງສາ​ເຫດ​ຕົ້ນຕໍ​ກໍ​ຄື​ຈັດຕັ້ງປະຕິບັດ​ຕາມ “ຈິດ​ໃຈ​ຊຽງ​ໄຮ” ຢ່າງສະ​ເໝີ​ຕົ້ນສະ​ເໝີ​ປາຍ​ນັ້ນ​ເອງ ​ໂດ​ຍຈິດ​ໃຈ​ດັ່ງກ່າວ​​ສົ່ງ​ເສີມຄວາມ​ໄວ້​ເນື້ອ​ເຊື່ອ​ໃຈ​ກັນ, ຕ່າງ​ຝ່າຍ​ຕ່າງ​ມີ​ຜົນ​ປະ​ໂຫຍ​ດ, ສະ​ເໝີ​ພາບ, ປຶກສາ​ຫາລື​ກັນ, ​ເຄົາລົບ​ຄວາມຫຼາກຫຼາຍຂອງອາ​ລະຍະ​ທຳ ​ແລະ ສະ​ແຫວ​ງຫາ​ການ​ພັດທະນາ​ຮ່ວມ​ກັນ. ​ເມື່ອ​ເບິ່ງ​ໃນ​ແງ່​ມຸມ​ຂອງ​ປະ​ເທດ​ຕ່າງໆ​ແລ້ວ “ຈິດ​ໃຈ​ຊຽງ​ໄຮ” ​ແມ່ນ​ມິ່ງຂວັນ ​ແລະ ຊັບ​ສິນ​ຮ່ວມ​ຂອງ​ອົງການ​ຮ່ວມ​ມື​ຊຽງ​ໄຮ ​ແລະ​ກໍ​ແມ່ນ​ຮາກ​ເຫງົ້າ​ຂອງ​ການ​ພັດທະນາ​ໄປ​ເລື້ອຍໆ​ຂອງ​ອົງການ​ດັ່ງກ່າວ​ເຊັ່ນ​ດຽວ​ກັນ.

ທ່ານອັກ​ຄະ​ລັດ​ຖະ​ທູດດີ​ມີ​ຕ​ຣີລູ​ກຽນ​ເຊັ​ຟ ​ທີ່​ປຶກ​ສາ​ຂອງ​ສະ​ຖານ​ທູດ​ຣັດ​ເຊຍ​ປະ​ຈຳ​ຈີນ ທັງ​ເປັນ​ຜູ້​ຕາງ​ໜ້າ​ຖາ​ວອນ​ຂອງ​ຣັດ​ເຊຍ​ປະ​ຈຳ​ສຳ​ນັກ​ເລ​ຂາ​ທິ​ການ​ອົງ​ການ​ຮ່ວມ​ມື​ຊຽງ​ໄຮ ເຫັນ​ວ່າ, ​ເພື່ອ​ບັນ​ລຸ​ເປົ້າ​ໝາຍ​ຮ່ວມ​ຂອງ​ຄູ່​ຮ່ວມ​ມື, ຝ່າຍ​ຕ່າງໆ​ໄດ້​​ບັນ​ລຸຄວາມ​ເປັນ​ເອ​ກະ​ພາບ​ກັນ, ສ່ວນ​ທາດ​ແທ້, ຫຼື​ວ່າ​ທັດ​ສະ​ນະ​ຄະ​ຕິ ແລະ​ພື້ນ​ຖານ​ຂອງ​ການ​ຮ່ວມ​ມື​ກໍ​ແມ່ນ​ຄວາມ​ເຂົ້າ​ໃຈ​ເຊິ່ງ​ກັນ​ແລະ​ກັນ​ລະ​ຫວ່າງ​ປະ​ເທດ​ພາຍ​ໃຕ້​ຂອບ​ອົງ​ການ​ຮ່ວມ​ມື​ຊຽງ​ໄຮ ພ້ອມ​ດ້ວຍຫຼັກ​ການ​ຂອງ “ຈິດ​ໃຈ​ຊຽງ​ໄຮ”.

ທັດ​ສະ​ນະ​ກ່ຽວ​ກັບ​ການ​ບໍ​ລິ​ຫານ​ທົ່ວ​ໂລກ​ທີ່​ສະ​ເໜີ​ໂດຍ​ທ່ານ​ປະ​ທານ ສີ​ຈິ້ນ​ຜິງບໍ່​ພຽງ​ແຕ່​ໄດ້​ຮັບ​ຄວາມ​ສົນ​ໃຈ​ຢ່າງກວ້າງ​ຂວາງ​ເທົ່າ​ນັ້ນ, ແຕ່​ຍັງ​ໄດ້​ຮັບ​ຄວາມ​ເຫັນ​ດີ​ຈາກ​ປະ​ເທດ​ສະ​ມາ​ຊິກ​ຢ່າງກວ້າງ​ຂວາງ, ຖະ​ແຫຼງ​ການ​ຊິ່ງ​ຕາວ​ລະ​ບຸ​ວ່າ: ບັນ​ດາ​ປະ​ເທດ​ສະ​ມາ​ຊິກ​ສະ​ໜັບ​ສະ​ໜູນ​ການ​ປັບ​ປຸງ​ລະ​ບົບ​ບໍ​ລິ​ຫານ​ທົ່ວ​ໂລກ​ໃຫ້​ດີ​ຂຶ້ນ ແລະ​ສະ​ໜັບ​ສະ​ໜູນ​ອົງ​ການ​ສະ​ຫະ​ປະ​ຊາ​ຊາດ​ເສີມ​ຂະ​ຫຍາຍ​ບົດ​ບາດ​ໃຈ​ກາງ​ເພື່ອ​ເລື່ອງນີ້.

ທ່ານອາ​ມິນ​ນາໂມ​ຮາມ​ເມັດຮອງ​ເລ​ຂາ​ທິ​ການ​ໃຫຍ່​ປະ​ຈຳ​ອົງ​ການ​ສະ​ຫະ​ປະ​ຊາ​ຊາດ​ກ່າວ​ວ່າ: ເສັ້ນ​ທາງ​ການ​ຮ່ວມ​ມື​ລະ​ຫວ່າງ​ອົງ​ການ​ຮ່ວມ​ມື​ຊຽງ​ໄຮ​ກັບ​ອົງ​ການ​ສະ​ຫະ​ປະ​ຊາ​ຊາດ​ໃນຫຼາຍ​ປີ​ຜ່ານ​ມາ ລ້ວນ​ແຕ່​ຢູ່​ບົນ​ພຶ້ື້ນ​ຖານ​ແຫ່ງ​ການ​ຮ່ວມ​ມືຫຼາຍ​ເຄົ້າແລະ​ມີ​​ປະ​ໄຈພື້ນ​ຖານ​ທີ່​ມີ​ຄວາມ​ເປັນ​ເອ​ກະ​ພາບ​ກັນ, ໂດຍ​ໄດ້​ຮ່ວມ​ມື​ກັບ​ອົງ​ການ​ຈັດ​ຕັ້ງພາກ​ພື້ນຍິ່ງ​ດີກວ່າ​ເກົ່າ, ຊຸກ​ຍູ້​ສັນ​ຕິ​ພາບ​ແລະ​ຄວາມ​ໝັ້ນ​ຄົງ, ຊຸກ​ຍູ້​ການ​ພັດ​ທະ​ນາ​ເສດ​ຖະ​ກິດ. ໃນ​ສິບກວ່າ​ປີ​ຜ່ານ​ມາ, ພວກ​ເຮົາ​ໄດ້​ຊ່ວຍ​ຊຸກ​ຍູ້​ການ​ເຈ​ລະ​ຈາ​ຢູ່​ພາກ​ພື້ນ​ແຫ່ງນີ້.

17 ປີ​ຜ່ານ​ມາ, ຈາກ​ແຄມ​ແມ່​ນ້ຳ​ຮວງ​ຜູ​ຮອດ​ແຄມ​ທະ​ເລ​ເຫຼືອງ​ໃນ​ຊູ່ມື້ນີ້, ຈາກ​ການ​ຮ່ວມ​ມື​ລະ​ຫວ່າງ 6 ປະ​ເທດ​​ແຕ່​ຫົວ​ທີ​ຮອດ​ 8 ປະ​ເທດ​ໃນ​ຊູ່ມື້ນີ້, ຈາກ​ການ​ຖື​ຄວາມ​ໝັ້ນ​ຄົງ​ເປັນ​ຕົ້ນ​ຕໍ​ຮອດ​ການ​ເອົາ​ໃຈ​ໃສ່​ຄວາມ​ໝັ້ນ​ຄົງ, ເສດ​ຖະ​ກິດ​ແລະ​ວັດ​ທະ​ນະ​ທຳ​ພ້ອມ​ກັນ​ໃນ​ຊູ່ມື້ນີ້, ຄວາມ​ສາ​ມັກ​ຄີ, ກຳ​ລັງ​ເຄື່ອນ​ໄຫວ​ແລະ​ອິດ​ທິ​ພົນ​ຂອງ​ອົງ​ການ​ຮ່ວມ​ມື​ຊຽງ​ໄຮລ້ວນ​ແຕ່​ໄດ້​ຍົກ​ສູງ​ຂຶ້ນ​ຢ່າງ​ບໍ່​ຢຸດຢັ້ງ; ສ່ວນ​ການ​ກຳ​ນົດ​ທັດ​ສະ​ນະ​ຄະ​ຕິ​ກ່ຽວ​ກັບ​ປະ​ຊາ​ຄົມ​ຮ່ວມ​ຊາ​ຕາ​ກຳ​ຂອງມວນ​ມະ​ນຸດ​ໃນ “ຖະ​ແຫຼງ​ການ​ຊິ່ງ​ຕາວ” ນັ້ນ ກໍ​ເປັນ​ການ​ກຳ​ນົດ​ທິດ​ທາງ​ພັດ​ທະ​ນາ​ແລະ​ເປົ້າ​ໝາຍ​ອັນ​ໃໝ່​ອ່ຽມ​ໃຫ້​ແກ່​ອົງ​ການ​ຮ່ວມ​ມື​ຊຽງ​ໄຮ. ຢູ່​ນະ​ຄອນ​ຊິ່ງ​ຕາວ​ທີ່​ເປັນ​ເມືອງ​ແຫ່ງ​ເຮືອ​ໃບ, ອົງ​ການ​ຮ່ວມ​ມື​ຊຽງ​ໄຮ​ຈະ​ພື​​ຜ້າໃບ​ອອກ​ເດີນ​ທາງ​ອີກ​ເທື່ອ​ໜຶ່ງ.

ຄຳ​ເຫັນ

0