黄理春

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93
ຄໍ​ລຳ
老挝水坝_fororder_111111111

ຈີນ​ອອກຖະ​ແຫຼງ​ການ​ກ່ຽວ​ກັບ​ການ​ພົບ​ປະ​​ລະ​ຫວ່າງ​ຜູ້​ນຳ ສ​ປ​ປ ເກົາ​ຫຼີ​ແລະ​ອາ​ເມ​ຣິ​ກາ

2018-06-13 16:54:32 cri

ຕາມ​ຂ່າວ CRI: ກະ​ຊວງ​ການ​ຕ່າງ​ປະ​ເທດ​ຈີນ​ໄດ້​ອອກ​ຖະ​ແຫຼງ​ການ​ກ່ຽວ​ກັບ​ການ​ພົບ​ປະ​ຂອງ ​ຜູ້​ນຳ ສ​ປ​ປ ເກົາ​ຫຼີ​ແລະ​ອາ​ເມ​ລິ​ກາ​ຢູ່​ສິງ​ກະ​ໂປ​ໃນ​ວັນ​ທີ 12 ມິ​ຖຸ​ນາ​ນີ້. ຖະ​ແຫຼງ​ການ​ລະ​ບຸ​ວ່າ, ການ​ພົບ​ປະ​ກັນ​ລະ​ຫວ່າງ​ຜູ້​ນຳ ສ​ປ​ປ ເກົາ​ຫຼີ​ແລະ​ອາ​ເມ​ຣິ​ກາ​ໄດ້​ຈັດ​ຂຶ້ນ​ແລະ​ໄດ້​ຮັບ​ຜົນ​ສຳ​ເລັດ​ຢ່າງ​ຕັ້ງ​ໜ້າ, ນີ້​ແມ່ນ​ຄວາມ​ຄືບ​ໜ້າ​ສຳ​ຄັນ​ທີ່​ຊຸກ​ຍູ້​ໃຫ້ແຫຼມ​ເກົາ​ຫຼີ​ປອດ​ອາ​ວຸດ​ນິວ​ເຄຼຍ​ແລະ​​ຂະ​ບວນ​ການ​ແກ້​ໄຂ​ບັນ​ຫາ​ນິວ​ເຄຼຍ​ແຫຼມ​ເກົາ​ຫຼີ​ໃນທາງ​ການ​ເມືອງ. ຈີນ​ສະ​ແດງ​ຄວາມ​ຊົມ​ເຊີຍ​ຢ່າງ​ສູງ​ຕໍ່​ການ​ຕັດ​ສິນ​ໃຈ​ທາງ​ການ​ເມືອງ​ຂອງ​ຜູ້​ນຳ​ສອງ​ປະ​ເທດ, ສະ​ແດງ​ຄວາມ​ຊົມ​ເຊີຍ​ແລະ​ສະ​ໜັບ​ສະ​ໜູນ​ຕໍ່​ຜົນ​ສຳ​ເລັດ​ທີ່​ໄດ້​ຮັບ​ຂອງ​ການ​ພົບ​ປະ​ກັນ, ຂະ​ນະ​ດຽວ​ກັນ​ກໍ​ໄດ້​ຕີ​ລາ​ຄາ​​ສູງຕໍ່​ຄວາມ​ພະ​ຍາ​ຍາມ​ຂອງ​ຝ່າຍ​ຕ່າງໆ​ເພື່ອ​ຊຸກ​ຍູ້​​ໃຫ້​ມີການ​ພົບ​ປະ​ກັນ​ທີ່​ໄດ້​ຮັບ​ຜົນ​ສຳ​ເລັດ.

ຖະ​ແຫຼງ​ການ​ລະ​ບຸ​ວ່າ, ​ການ​ບັນ​ລຸ​ທີ່​ເຮັດ​ໃຫ້​ແຫຼມ​ເກົາ​ຫຼີ​ປອດ​ອາ​ວຸດ​ນິວ​ເຄຼຍ, ສິ້ນ​ສຸດ​ການ​ເປັນ​ປໍ​ລະ​ປັກ​ກັນ​ທີ່​ຍືດ​ເຍື້ອ​ມາ​ເປັນ​ເວ​ລາ 60 ກວ່າ​ປີ, ​ການ​ເຮັດ​ໃຫ້​ແຫຼມ​ເກົາ​ຫຼີ​ກໍ​ຄື​ຂອງ​ພາກ​ພື້ນ​ມີ​ສັນ​ຕິ​ພາບ​ແລະ​ຄວາມ​ຈະ​ເລີນ​ຮຸ່ງ​ເຮືອງ​ຖາ​ວອນ​ແມ່ນສອດ​ຄ່ອງ​ກັບ​ກະ​ແສ​ພັດ​ທະ​ນາ​ຂອງ​ຍຸກ​ສະ​ໄໝ, ​ທັງ​ແມ່ນ​ຄວາມ​ຮຽກ​ຮ້ອງ​ຕ້ອງ​ການ​ທົ່ວ​ໄປ​ຂອງ​ປະ​ຊາ​ຄົມ​ໂລກ. ຜົນ​ສຳ​ເລັດ​ທີ່​ໄດ້​ຮັບ​ຂອງ​ການ​ພົບ​ປະ​ກັນ​ລະ​ຫວ່າງ​ຜູ້​ນຳ​ ສ​ປ​ປ ເກົາ​ຫຼີ​ແລະ​ອາ​ເມ​ລິ​ກາ​ເທື່ອ​ນີ້, ແມ່ນ​ບາດ​ກ້າ​ວ​ສຳ​ຄັນ​ທີ່​ຖືກ​ຕ້ອງ​ທີ່​ກ້າວ​ໄປ​ສູ່​ເປົ້າ​ໝາຍ​ດັ່ງ​ກ່າວ.

ຖະ​ແຫຼງ​ການ​ກ່າວ​ເນັ້ນ​ວ່າ, ຈີນ​ສະ​ໜັບ​ສະ​ໜູນ​ໃຫ້​ແຫຼມ​ເກົາ​ຫຼີ​ປອດ​ອາ​ວຸດ​ນິວ​ເຄຼຍ, ຍຶດ​ໝັ້ນ​ການ​ຮັກ​ສາ​ສັ​ນ​ຕິ​ພາບ​ແລະ​ສະ​ຖຽນ​ລະ​ພາບ​ຂອງ​ແຫຼມ​ເກົາ​ຫຼີ, ຍຶດ​ໝັ້ນ​ໃນ​ການ​ແກ້​ໄຂ​ບັນ​ຫາ​ໂດຍ​ຜ່ານ​ການ​ປຶກ​ສາ​ຫາ​ລື, ແລະ​ໄດ້​ທຳ​ຄວາມ​ພະ​ຍາ​ຍາມ​ຢ່າງ​ບໍ່​ລົດ​ລະ​ເພື່ອ​ບັນ​ລຸ​ເປົ້າ​ໝາຍ​​ເຫຼົ່າ​ນັ້ນ.

ຄຳ​ເຫັນ

0